Nehemia 9:11 - mzwDBL

¹¹ He ɡelɔ ŋwɛnɛ chɔ mpo bini tɛ he nɛra, dɛ tɔ ba sie ba valɛ harɛ waa hola ta. He ɡelɔ ba dɔma baa dɛ ti ba ka nee la ta, kɛŋɔ baa kpɔ bwe ta mpo vil ta ken.

Nehemia 9:11 Iomraidhean Croise

Yela 66:6

Onee ɡela mpo hweeh, harɛpɛɛ hol chɔ, ya naawa valɛ kpɔ o ta le. Belaa ya sie lɛ, waa Korowii aa ɛa wa.

Yela 78:13

O ɡelɔ mpo pere anɛ, dɛ tɔ ba sie, asɛ ba valɛ o bini le kɛŋɔ harɛpɛɛ ken. O ɡelɔ nee la teŋe che kɛŋɔ danjwɛɛ diɡ ne ɡal.

Kaala 14:14

Korowiirii dɛ́ yo tɛ heya, hé te hel.”

Kaala 14:25

O ɡelɔ kwaa aa do kɛŋɔ torɔɡore la nakpale chɔɡ a tɛɡra do kpeɡri. Asɛ Ijipt tena la ŋɔ, “Hé ɡel ya ɡel Israel tena nɔ nɛɛ teŋa oo! Korowiirii cha ba dɛɛ yo yaa la.”

Kaala 14:29

Kɛ Israel tena la te valɛ harɛpɛɛ waa hola ta mpo la bini, nee la pere kɛŋɔ danjwɛ dɛ do ba diɡ ne ɡal ta ba le o baŋ.

Jeremia 32:20

A saŋ la, he ɛ nyokpowaa Ijipt harɛ ta, he ta teŋɔ dɛɛ ɛa dɛ ba le fini. Israel ne harɛre nɛra bwa bini, a ɡel nomɛlbwa jemɛ he waa bobɛlbwa.

1 Kɔrent 10:1

Yabala, n dɛ nyin kɛ ń lii heya, ya naawa bwa nɛɛ Korowii bam la faa tɔ. Moo la aa teŋa la, ba bwaa kpɔ o baah kaa.

Hibru 11:29

Korowiirii Israel tena yarada waa Mposwɛm la teŋe anɛ, ásɛ o nenabɔɔ sie hol kɛŋɔ harɛpɛɛ, ba won jo le. Ijipt tena aa ŋɔa ba ɡe le la, mpo la kaa ba ne.

Wepila 18:21

Belaa nyundua torome bokpeɡa te bɛl ɡɔɔ bwe bɛl waa do kan kɛŋɔ nambwejen, dɛ kpɔ ta mpo ta, dɛ ŋɔ, “Kenii baa ba bwɛjen Babelɔn la kpɔe dɛ́ ta kpeɡri nɛɛ baa wola on na kpa bwa.