Nehemia 8:9 - mzwDBL

⁹ Ate, Nehemia waa ɛ harɛ la ta nomoa, ne sɔfo Ɛsra waa ɛ tɔnjereme, dɛ Lewi dea tena baa baɡle waa la bini tɛ nɛra la ŋɔ, “Fini tɔpere do ɡoroŋ tɛ Korowii haa dɛ tomɔ, he bɛ wi.” Dɛkalkɛ nɛra la aa dɛ no waa la, dɛ ba dɛ wi.

Nehemia 8:9 Iomraidhean Croise

2 Koranar 22:11

Kooro la aa no Mmara Tɔn la bini waa la, o laa o laala waa doa la kɛɛ, a baɡle kɛ o loo kuu.

2 Koranar 22:19

‘Haa kure tɔn la, dɛ no Jerusalam nɛra deŋnetɛra, ne ba taahna waa he loo ku he kɛɛ he batakaare haa doa, dɛ ba he te ne harɛ dɛɛ wi nomanta, n no he wii haa wia la bwa.

2 Webena 15:3

Israel tena soɡo la sie baa wola kasinteŋ Korowii tomɛ. Ba ta sɔfore dɔe bá baɡ ba wa, baa Korowii Mmara ɡe jemɛ.

2 Webena 30:22

Kooro Hɛsɛkea jam Lewi dea tena wejema ne kpɛɛra baa dɔa, dɛ kpɔ cha tɔpejen la dii la. Tɔpera anuanɛ bwa la, ba tɛɛ ba saraha kwaa aa ɛ ba dibɔra la ba di, dɛ ɛ deŋnesɔɔhna sarahare, dɛ kpɛɛ Korowii ba naawa aa tomɔ la.

2 Webena 34:19

Kooro Josia aa no Mmara Tɔn la bini waa la, o laa o batakaare kɛɛ, a baɡle kɛ o dɛ di suna.

2 Webena 34:21

“Hé la ka bɔɔ le Korowii be tɛ n ne nɛra baa ka Israel ne Juda, tɔn nɔ baa ɡaaɡa dɛ ka nao nɔ wa. Korowii baah di n ne Juda harɛ nɔ ta nɛra bwa nɛɛ taeh, dɛkalkɛ ya naawa ta waa aa lɔ tɔn nɔ bini nɔ ta teŋɛ.”

2 Webena 35:3

O ŋɔ Lewi dea tena baa laa doŋa bɛlbwa kpɔ ba nɛɛ, dɛ le ba te cheɡ tɛ Korowii dɛɛ ɛ toma o Dea, dɛɛ baɡle nɛra o Mmarare la be ŋɔ, “Hé kpɔ Korowii Fɔo Daka waa do ɡoroŋ la ka cheɡ Korowii Dea Kooro Devid bibaa Kooro Solomɔn aa doo la bini. He bɛ che dɛɛ ɡaaɡe kpa, dɛɛ tomɛ Korowii ne o nɛra Israel tena.

Ɛsra 2:63

Asɛ Juda harɛ nomoa ŋɔ ba be ŋɔ, baa won di kondikwaa aa do ɡoroŋ bɛlbwa baa kpɔa ba tɛ Korowii la, atane sɔfo bɛl lɔ bela dɛ́ do batakaare baa sɔh Urim ne Tumim dawɛ o ta, dɛ́ che a ta bɔɔ waa Korowii aa dɛ nyin la mɔɔ.

Ɛsra 7:11

Koojen Atasɛksɛs chwerɛ waa aa teŋa nɔ tɛ sɔfo Ɛsra waa bera ɛ chicha dɛ jemɛ Korowii Mmarare ne waa waa do Israel tena a ta la bini kɛrɛdɛ.

Nehemia 10:1

Nɛra baa kpɔ ba nɔɔra ɛɡre do nyoa baa baɡa dɛ chwera la lɔɡa laanee, men Hakalia bibaa Nehemia maa ɛ harɛ la ta nomoa, ne Sedekia,

Nehemia 12:26

Gɛ saŋ dɛ Jesua bibaa Joiakim, o nabaa aa ɛ Josadak, ne Nehemia waa dɛ nyiŋi harɛ la ta, dɛ sɔfo Ɛsra waa ɛ tɔnjereme la lole.

Nehemia 7:65

Asɛ Juda harɛ nomoa ŋɔ ba be ŋɔ baa won di kondikwaa aa do ɡoroŋ bɛlbwa baa kpɔa ba tɛ Korowii laa, atane sɔfo bɛl lɔ bela, dɛ́ do batakaare baa sɔh Urim ne Tumim dawɛ o ta ó che a ta bɔɔ waa Korowii aa dɛ nyin la mɔɔ.

Nehemia 7:70

Nomonnyuune la bini bane le ba bambile bini tɛ kwaa bá berɛ kpɔ cha Korowii Dea toma la. Nomoa waa dɛ nyiŋi harɛ la ta tɛ suuɡaswɛm a tɔɡre aa ɛ kilore anuatoro ne tama, ne loɡa baa do nee kɛɛ chal a bini, dɛ ɛ dɛɛ merɛ Korowii Dea fifraanue, dɛ sɔfore laala lafraanue fifraatoro.

Nehemia 8:2

Anomanta, korobie la tɔpeloɡle ta, sɔfo Ɛsra kpɔ Mmara Tɔn la, dɛ ba che baala ne haahna, dɛ bechale baa kpeɡa dɛ won waa mun noe sie.

Wejereme 3:4

Wii tɔpere lole, mama ɡe dɔ o tɔpere, suna dii tɔpere lole, silɛɛ ne hɛɡra ɡe dɔ a tɔpera,

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Hosia 4:6

N nɛra aa wola men Korowii jemɛ nomanta, ba dɛ serewe. He sɔfore, haa wola n waa ta teŋɛ nomanta, n ɡe vɛh heya. Haa vɛh men Korowii haa dɛ tom mɛ webaɡla ta teŋa nomanta, n ɡe ɛɛ vɛh he biirii.

Lewi Dea Tena 23:24

“Korobinuanɛ tɔpere waa tɔ sie ta la, hé onɛ dɛ́ bwa cheme bɛle hoeh ne dɛ́ɛ tomɛ men Korowii.

Malakae 2:13

Waane ɡe lole hɛɛ ɛa ja. He wio dɛ kpɔ sinii su kon baa ɛ saraha o ta dɛɛ tɛ Korowii ta bwa, dɛ wi dɛɛ dooɡe lɔŋɔre lɛɛ waa wola he saraha kwaa lɛ silɛɛ ne kpa la wa.

Tɔn Pɔɔl Aa Chwerɛ Rom Tena 3:20

Maa dɛ ŋɔ nɔ, Mmara ta teŋa aa won ɡel nomɛlbwa we-ɛɛla su Korowii siwi bwa. Mmara la toma bwaa kɛŋɔ ó ɡel nɛwɛnyini jemɛ kɛŋɔ ya ɛ wechɔɡa.

Tɔn Pɔɔl Aa Chwerɛ Rom Tena 7:9

Mmara aa wola toole la, dɛ wobɛlbwa toole n baŋa n so. Kɛ mmara aa bala la, belaa liichɔɡa ɡe ir, asɛ n na kɛŋɔ n sewɔ.

Mmarare 12:12

Belaa he ne he bibaala ne bihaahna ne bonɔɔna, dɛ he toli sie ɛɛ ba lɛɛ Korowii haa dɛ tomɔ nɔ sie, ne Lewi dea tena baa soɡe he bwɛɛre ta ba ɡbaɡba aa wola harɛ dɔe la.

Mmarare 12:7

Korowii sie belaa he ne he dem tena ɛɛ ba kwaa dii, dɛ́ɛ lɛ sie toma haa dɛ tomɔ nɔ wa.

Mmarare 16:11

Hé ne he bii, ne he bonɔɔna, ne toli ne Lewi dea tena, ne hɔɔhra ne bilalbii, dɛ luhaahna baa lɔ he bwɛɛre la ta bwa pɛ, dɛ́ lɛ sie bela Korowii aa lea tɛ heyaa ŋɔ hɛɛ tomɔ la.

Mmarare 26:14

Gɛ saŋ maa lɔ lwe ta dɛɛ wi la n ta bɔrbeŋkpoŋ kpɔe, ɡɛɛ maa wola ane kpɔe dɛ kah doŋa. N ta ane bɛlbwa ɡe kpɔe ɛ wobɛlbwa tɛ lala. N no Korowii maa dɛ tomɔ nɔ wa.

Jems 4:9

Hé ɡel he tea bini chɔɡ, hé wi. Hé ɡel he mama berɛ wii ásɛ he silɛɛ ɡe berɛ sum.