Nehemia 8:6 - mzwDBL

⁶ Anee Ɛsra ŋɔ, “Hé kpɛɛ Korowii waa ɛ Korowijen la.” Asɛ nɛra la bwa ir nɔɔra nyundua dɛ ŋɔ “Aamen, Aamen” Ba ɡuŋo, dɛ kpɔ sie pi harɛ dɛ tomɛ Korowii.

Nehemia 8:6 Iomraidhean Croise

Mumpar 14:22

Anee Abram chaŋo ŋɔ, “N ŋwɛɛ ntam, Nemenɛ Korowii waa ta nyundua ne harɛ la sie kɛŋɔ,

Mumpar 24:26

Anee Abraham bonɔɔ la ɡuŋi harɛ dɛ kpɛɛ Korowii,

1 Webena 16:36

Hé kpɛɛ Korowii Israel tena aa dɛ tomɔ, hé kpɛɛro saŋ bɛlbwa dɛɛ la. Nɛra la bwa ŋɔ, “Aamen” ne “Hé kpɛɛ Korowii!”

1 Webena 29:10

Kooro Devid kpɛɛ Korowii nɛra la bwa sie dɛ ŋɔ, “N Naa Korowii ya naa Jekɔb aa tomɛ, henee chɛ kɛ ya kpɛɛ saŋ bɛlbwa dɛɛ la.

1 Webena 29:20

Belaa Kooro Devid ŋɔ nɛra la bwa be ŋɔ, “Hé kpɛɛ Korowii haa dɛ tomɔ.” Anomanta, ba kpɛɛ Korowii ba naawa aa tomɔ, dɛ chole kpɔ sie pi harɛ Korowii ne kooro sie.

2 Webena 20:18

Asɛ Kooro Jehosafat ɡuŋi dɛ kpɔ sie pi harɛ. Asɛ nɛra la ɡe bwa ɡuŋi dɛ jam Korowii.

2 Webena 29:10

Anomanta, men Kooro Hɛsɛkea kpɔ liire kɛŋɔ n ne Korowii Israel tena aa dɛ tomɔ la fɔwɛ fɔo, ásɛ o baah bɛ ya nɛɛ di kohona.

2 Webena 29:30

Kooro Hɛsɛkea ne o nomonome ŋɔ Lewi dea tena be ŋɔ, bá kpɔ yela Kooro Devid ne o keame Asaf waa dɛ na chaahna aa chwera la kpɛɛ Korowii. Anomanta, ba ɡo kpɛɛra yela silɛɛ ne, dɛ ɡuŋi tomɛ Korowii.

2 Webena 6:4

Asɛ o ŋɔ, “Hé kpɛɛ Korowii ya Israel tena aa dɛ tomɔ! O teŋɛ nyoa waa baɡɛ n mɛɛ Kooro Devid la ta dɛ ŋɔ,

Nehemia 5:13

N ɡe laa yal waa vɔwɛ n chara la kpɔ dɛ jwiiru, dɛ ŋɔ, “Kenii Korowii ɛɛ ba nomɛlbwa waa wola o nyobaɡa ta teŋɛ jwiira ta le o dem, ne komɛlbwa waa dɔa ta, ásɛ o nya so.” Asɛ nomɛlbwa waa lɔ bela ŋɔ, “Aamen!” dɛ kpɛɛ Korowii. Asɛ nomonome la ɛ ɡɛ baa baɡɛ nyoa la.

Nehemia 8:7

Ate, nɛra la ir che, asɛ Jesua ne Bani ne Sɛrebea, ne Jamin ne Akub ne Sabetai, ne Hodia ne Maaseya ne Kelita, ne Asaria ne Josabad ne Hanan, dɛ Pɛlaya, baa ɛ Lewi dea tena la baɡle Mmara la bini dɛɛ baɡ ba.

Yela 134:2

Hé ɡɔɔ nɔɔra Korowii Dea bela dɛ́ kpɛɛro.

Yela 141:2

No n wesoŋa kɛŋɔ daawiile baa dɛ fuah a sɔɔh do som. Lɛ n nɔɔra maa ɡɔɔra dɛɛ soŋe nɔ, ɡɛ haa dɛ lɛ jɔmɔr saraha la.

Yela 28:2

No n wii maa wia dɛɛ noe nɔ, dɛ́ cha mɛ, sune n nɛ, dɛ́ no n wii, maa ɡɔɔ nɔɔra nyundua chaɡɛ he Dea dɛ́ soŋe, bela waa do ɡoroŋ la.

Yela 41:13

Korowii Israel tena aa dɛ tomɔ laanee dɔ jam, le saŋ waa wola jaɡa dɔe dɛɛ la. Aamen!

Yela 63:4

Mɛɛ kpɛɛree n soɡa bini bwa, mɛɛ ɡɔɔ n nɔɔraa nyundua, dɛ́ kpɔ n wesoŋa bil he sie.

Yela 95:3

Dɛkalkɛ Korowii dɔ kpeɡri kohona, onee dɛɛ di kora voɡare bwa nɛ.

Kaala 12:27

hé ŋɔ ba be ŋɔ, ‘Galekaa saraha taa Korowii kpoo Ijipt tena bibanloɡla bwa ba deremi ta, dɛ ɡale ya Israel tena deremi ta kaa.’ ” Mosis aa bol waa tonɛ la, Israel tena ɡuŋo dɛ tomɛ Korowii.

Kaala 4:31

asɛ ba yaradao. Baa noa kɛŋɔ Korowii na ɡɛ baa dɛ ɛɛ ba hɔhɔrɔwa asɛ ba waa hiaoh kohona la, ba ɡuŋo dɛ duuru.

Jeremia 28:6

“Aamen! Kórowii ɛa ɡɛ! N dɛ hwɛɡɛ kɛŋɔ ó ɡel o waa haa bola la ɛ kasinteŋ, dɛ́ ɡel laala a yoɡ aa kpeɡa dɛ do Korowii Dea la ne nɛra baa laɡ ba kaa harɛfale ta la bwa, bá berɛ le a bwa ne Babelɔn ba bonɔ.

Wiile 3:41

Hé ɡel ya pili ya bambili dɛ́ ir nɔɔra soŋe Korowii waa dɛ di kora nyundua ŋɔ,

Lewi Dea Tena 9:24

Belaa Korowii ɡel nii le dɛ ba fuh saraha kwaa la ne a noorare la bwa nyaam ken saraha kon la ta. Nɛra la bwa aa naa la, ba kpɔ silɛɛ dooɡe lɔŋɔre dɛ ɡuŋi dɛ kpɔ sie piiɡi harɛ.

Matiu 26:39

Yeesu la sie tama dɛ ka kpɔ sie pi harɛ dɛ soŋe Korowii ŋɔ, “N Mɛɛ, dɛ a fe ɛɛ maɡroo waa, he bɛ ɡel a ɡɛ wahala nɔ ba n nɛ. Kɛ anla aa too n tea laa mɛɛ nyin, kɛ ɛ he tetoowa.”

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

1 Kɔrent 14:16

Dɛ ɡɛ laa aa, he dɛ jam Korowii he lileo ne naa, ɛrɛɛ naate waa wola yarada dɛ ɛ nɛmpɛɛ la ɛɛ ba ɛɛ dɛ́ no a mun dɛ́ sɛh he nyoa ŋɔ “Aamen” dɛ́ teŋɛ waa haa jaamo a waa la ta nɔ? Waa won no waa haa dɛ bol la mun.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

1 Timoti 2:8

N dɛ nyin kɛ bobɛlbwa baala baa ɛ asɔre tena la laa ba te kpɔ bandisale ne wetɔŋla ta, ásɛ dɛ won ɛ nɛndɛɛɡa dɛ́ ir nɔɔra soŋe Korowii.

1 Pita 1:3

Hé ɡel ya kpɛɛ Ya Dɔɔ Yeesu Kristo Mɛɛ Korowii. Waa dɛ sune ya nɛɛ kohona nomanta, o cheɡɛ ira waa ir Yeesu Kristo seo ta la ta dɛ ɡel ya ɛ nɛnfala. Anɔ ɡelɔ ya dɔ hwɛɡa aa wola jaɡa dɔe bwa.

Wepila 7:11

Asɛ nyundua toroma la che dɛ bar nomonome la ne hweera kwaa anaarɛ la ne kookara la, dɛ ɡuŋi dɛ kpɔ sie pi harɛ dɛ duu Korowii,