Nehemia 8:3 - mzwDBL

³ O kure tɔn la Nee Doonyoa la sie, nɛnlaa la sie, le chɔmbibi ka tel kɛŋɔ wee aa baa che nyufala, asɛ ba bwa cheɡ deŋne dɛɛ no waa aa lɔ Mmara Tɔn la bini kɛrɛdɛ.

Nehemia 8:3 Iomraidhean Croise

Nehemia 10:29

Ba bwa kpɔ ba te ja ba sitɔɔla nɛɛ dɛ ŋwɛɛ ntam kɛŋɔ, baa teŋɛ Korowii Mmara waa cheɡɛ o bonɔɔ Mosis nɛɛ dɛ kpɔ tɛ la taa, dɛ́ nyiŋi kɛrɛdɛ dɛɛ teŋɛ o waa waa do ba a ta ne o webaɡla bwa ta. Ba ŋɔ, dɛ ba ta a ta teŋaa, Kórowii taah ba.

Nehemia 13:1

Awola tɔpere la, ba kure Mosis Mmara Tɔn la a le baŋ nomɛlbwa no. Ba kure o bobɛl waa dɛ baɡle kɛŋɔ, Amɔn te kɛɛ Moab te bɛ nɛra baa dɛ tomɛ Korowii nɛɛ ja,

Nehemia 8:1

Korobinuanɛ te ta la, dɛ Israel tena bwa kaa so ba bwɛɛre ta. Asɛ o tɔpeloɡle ta ba bwa ba cheme Nee Doonyoa la sie Jerusalam kɛŋɔ nɛmbeŋkpoŋ bii. Asɛ ba ŋɔ sɔfo Ɛsra ne tɔnjereme la be ŋɔ, ó kpɔ Korowii Mmara Tɔn o fa aa cheɡɛ Mosis nɛɛ kpɔ tɛ Israel tena la ba.

Nehemia 8:18

Sɔfo Ɛsra kure Korowii Mmara Tɔn la bini waa baɡle nɛra tɔpere bɛlbwa, le Tɔpejen la tɔpeloɡle ta ba kaa tɔpere waa ka mun ta. Ba di Kukure Tɔpejen la tɔpera anuanɛ, asɛ tɔpenuatoro wee la, ba cheme ɡɛ Mmara la aa baɡla la.

Nehemia 8:4

Dɛ ba koh waa la waa dɛ kpɔ daa kwaa komɛl o kaa nyundua, asɛ Ɛsra ka che o ta. Asɛ Matitia ne Sema ne Anaya, ne Uria ne Hilkia dɛ Maaseya che o diɡ pera. Pɛdaya ne Mesael ne Malkija, ne Hasum ne Hasbadana ne Sekaria, dɛ Mɛsolam ɡe cheɡɛ o ɡal ta.

Nehemia 8:5

Ɛsra kaa che kon waa kaa nyundua la ta, ɡɛ aa ɛ ásɛ nomɛlbwa won dɛɛ nao. Waa pili tɔn la asɛ nomɛlbwa den ir che.

Amanesoma Mak Aa Chwera Tɔn 12:37

Aah Devid kwaraa fa aa dɛ yerɔ o dɔɔ nɔ, ɛrɛɛ a berɛ ɛ o ɛ Devid naa ɔ?” Nɛnlaa la no o wobol la silɛɛ ne.

Amanesoma Luk Aa Chwera Tɔn 19:48

kɛ ba ta ɡɛ baa ɛ dɛ́ dɔɔ nae, dɛkalkɛŋɔ dɛ o wobol dɛ do nɛra bwa som, baa wola won kaa dɛ́ ɡel o wobol, dɛ che dɛɛ no.

Amanesoma Luk Aa Chwera Tɔn 8:18

Anomanta, hé no kɛrɛdɛ dɛ́ jemɛ waa nɔ mun. Dɛ he wono no a mun aa, mɛɛ ja heyaa anee, dɛkalkɛŋɔ naate waa dɔa la, baa jao anee ó dɔ kohona. Kɛ naate waa wola komɛlbwa dɔe la, tama kwaraa waa dɔa la ɛɛ le o nɔn taa.”

We-ɛɛla 13:15

Baa soɡe bela la, nɛra bane kure waane le Mosis Mmara Tɔn bini ne Korowii Keamere Tɔn bini, asɛ nomonome baa dɛ nyiŋi cheremi dea la bini waa ta la ŋɔ Pɔɔlwa be ŋɔ, “Yabala, dɛ he dɔ waane dɛ́ bol dɛ́ ja yaa aa, ŋwɛnɛ chɔ le.”

We-ɛɛla 13:27

Jerusalam tena ne ba nomonome ta jemɛ kɛ Yeesuu nɛwɛnyini Lɛɛ la. Korowii waa o keamere aa chwera asɛ ba kure dɛɛ baɡ ba Ona Tɔpera bwa ta la, dɛ baa a mun no. A waa ba bol o waa dɛ pao bolchɔɡe, dɛ kpoo ɡɛ Korowii keamere aa baɡla ŋɔ baa ɛo la.

We-ɛɛla 15:21

dɛkalkɛŋɔ Mosis Mmara nɔ yaa baɡle a waa nɔ, bwɛɛre bɛlbwa taa nɛra baa dɛ baɡla la do. Ona Tɔpere te bɛlbwa taa baa kure Mosis Mmara waa nɔ cheremi deene ta, dɛ le saŋ la bwa ba le fini.”

We-ɛɛla 16:14

Dɛ nɛra baa lɔ bela dɛ no waa yaa bola la, bɛl sɔne Liidia. Yale aa kɔlaa wɛɛ yoɡ, dɛ do bwɛjen Tiatra dɛɛ tomɛ Korowii. Waa dɛ no waa Pɔɔl aa dɛ bol la, Korowii pili o liire, asɛ o noa kɛrɛdɛ dɛ yarada Yeesu dɛ kpɔ o te tɛo.

We-ɛɛla 17:11

Dɛ bela Juu tena la waa do kɛrɛdɛ ɡwaa Tesalonika Juu tena, dɛkalkɛŋɔ ba lɛ Yeesu waa la silɛɛ ne, dɛ won dɛɛ nyiŋi Korowii Tɔn bini tɔpere bɛlbwa dɛ́ɛ na, dɛ́ jemɛ kɛ waa Pɔɔl aa dɛ bol la, kpelaa kɛɛ nyosonee yɔ.

We-ɛɛla 20:11

Asɛ Pɔɔl berɛ deeh abrɔsane la dɛ ka di kwa, asɛ o ne ba bol waa la sie ka tel kɛ tɔ aa pera mɔɔ o kaa.

We-ɛɛla 20:7

Memene wee jɔmɔra ne la, ya asɔre tena la chemo dɛ di kondikwaa ya Dɔɔ aa kpɔa ja yaa ŋɔ yá kpɔ dɛɛ lii o waa la, asɛ Pɔɔl bol Korowii Waa dɛɛ baɡle yaa. Dɛ o fe dɛ nyin kɛŋɔ tɔɔ peraa ó kaa, anomanta, o bol waa ka tel harambaŋa.

We-ɛɛla 28:23

Ba tɛo tɔpere baa kpɔ ba no o nyoa wobol. Tɔpere la aa tela la, ba ba o be pirim o dea bela. Pɔɔl le chɔɔ dɛ baɡ ba Korowii Kora waa ka tel jwaana. O bol Yeesu wa, dɛ lii ba waa Mosis ne Korowii keamere faa chwera Korowii Tɔn bini la bwa, dɛ fe ɛɛ nyin kɛ ba sɛh ŋɔ Yeesu waa ba faa chwerɛ la.

Mmarare 31:9

Ate, Mosis chwerɛ Korowii Mmara la dɛ kpɔ do Lewi dea tena baa ɛ sɔfore la ne Israel nomonome la nɔn ta. Sɔfore laanee dɛɛ nyiŋi Korowii Ne Nɛwɛnyina Fɔo Daka o ne Israel tena fɔo baa fɔwa ba chwerɛ dɛ kpɔ do o bini la ta.

1 Tesalonika 2:13

Ya dɛ jam Korowii tɔpere bɛlbwa, dɛkalkɛŋɔ yaa bol Korowii Waa la he be la, he noa kɛŋɔ Korowii Wa. He ta an noɛ kɛŋɔ nɛn wa. Gɛɛ a do kpela. A ɡɛ waa nɔɔ dɛɛ ɛ toma he nɛra haa yaradaa nɔ bini la.

Josua 8:35

Wobɛlbwa toole Mosis aa chwera, Josua aa wola an kure. O kure wobɛlbwa kɛrɛdɛ ken dɛ baɡle Israel tena la baa cheme bela la bwa. Haahna ne bechale ne hɔɔhra ba ne baa soɡa bwa.

Wepila 2:29

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la.”

Wepila 3:22

Nomɛlbwa waa dɔ deŋne la, ó no waa Korowii Domadɛɛɡe la aa dɛ bol asɔre tena be la.”