Nehemia 8:17 - mzwDBL

¹⁷ Nɛra baa laɡ ba laa ta kaa bojaŋ harɛ ta la bwa berɔ ba, dɛ ba do kukure, dɛ so a bini, dɛ di Kukure Tɔpejen la. Dɛ le Nun bibaa Josua bere saŋ ba ɡɛ tɔpere la ta la, Israel tena ta Tɔpejen nɔ ken dii bwa. Ba sie lɛo kohona.

Nehemia 8:17 Iomraidhean Croise

1 Webena 29:22

Ba di saraha kwaa la, dɛ nyɔ sen lɛ ba sie kohona Korowii sie awola. Belaa ba lɛ Solomɔn waa ɛ Kooro Devid bibaa do nɛɛtena kɛŋɔ kooro, dɛ fuɡe noo do o nyu ta Korowii sie, dɛ cheɡo kora ta, dɛ fuɡe noo do Sadɔk nyu ta o ɡe ɛ sɔfo.

2 Webena 30:26

Silɛɛ kohona ba Jerusalam, dɛkalkɛ, le Kooro Devid bibaa Kooro Solomɔn aa di kora Israel harɛ ta bwa, a ɡɛ waa nɔ dɔŋa ta chiɡe bwa.

2 Webena 35:18

Le Korowii keame Samoɛl bere saŋ, ba ta Galekaa Tɔpejen waa do ken dii bwa. Gɛɛ Israel kooro bɛlbwa ɡe aa wola Galekaa Tɔpejen dii, kɛŋɔ Kooro Josia kon o ne sɔfore ne Lewi dea ne Juda ne Israel tena, dɛ Jerusalam tena nɔ dɔŋ dii bwa.

2 Webena 8:13

ɡɛ Mosis aa doa ŋɔ baa ɛ sarahare tɔpere bɛlbwa, Ona Tɔpera ne Korobifala Tɔpejena. Dɛ Tɔpejena atoro ane kɛŋɔ, Paanoo Iisi Aa Wola Toole A Ta Tɔpejen, ne Koo Kondikwaa Koma Tɔpejen, dɛ Kukure Tɔpejen dii ta la.

Ɛsra 3:4

Ba di Kukure Tɔpejen ɡɛ baa chwerɛ o waa bil la, dɛ fuh kwaa ɛ sarahare ɡɛ aa chɛa tɔpere bɛlbwa ta.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Mmarare 16:15

Hɛ́ɛ di tɔpejen nɔ tɔpera anuanɛ bela Korowii aa lea tɛ heyaa ŋɔ hé cheme dɛ́ɛ tomɔ la o sɔn ta. Hé ɡel he sie lɛ kɛŋɔ waa ɡela he kondikwaa ne he tomare do wer.

Hibru 11:13

Korowii yaradae taa a ɡɛ nɛra nɔ bwa do dɛ ba serewe, dɛ ba ta waa Korowii aa baɡɛ nyoa la nae siwi ne. Kɛ ba yarada nomanta, ba naa bojaŋ ba sie lɛ kɛŋɔ haa na hɔɔhra bojaŋ baa ba he sie lɛ la. Ba sɛoh kɛŋɔ ba ɛ hɔɔhra harɛ nɔ ta.

Hibru 11:9

Yarada nee o ka so harɛfale Korowii aa baɡɔ nyoa la ta kɛŋɔ hɔɔh ken. Tɛnte deene binii o so kɛŋɔ o bie Aesek ne o ɡe bie Jekɔb Korowii aa baɡɛ ba ɡe a ɡɛ nyoa nɔ tenten la.

Hibru 4:8

Josua aa ba a saŋ la tena ne ba harɛ ta la, dɛ ba fe dɔ ona Korowii aa bol o waa la aa, Korowii fe ta berɛ bol tɔpefale waa kpa.

Josua 1:1

Korowii bonɔɔ Mosis seo habɔɔ la, Korowii ŋɔ Nun bibaa Josua, o fa aa dɛ cha Mosis la be ŋɔ,