Nehemia 8:15 - mzwDBL

¹⁵ dɛ ŋɔ, bá kpɔ Korowii waa la perɛ ba bwɛɛre ne Jerusalam bwa, dɛ ŋɔ, “Hé la deŋɡarere harɛ ta, dɛ́ ka teŋni dadɛɛɡa, ne ɔleve daa kpala, dɛ bambie ne daa bwa soo siwi kpala, ne a papooni, dɛ́ kpɔ ba ɛ kukure ɡɛ baa chwera do Mmara Tɔn bini la.”

Nehemia 8:15 Iomraidhean Croise

Mumpar 8:11

Waa lea dɛ kaa la, o kaa ba jɔmɔra dɛ daa bɛl papo-lwɛɛ faɡɛ o nyoa kɛŋɔ som papoo ken. Belaa Nowa na kɛŋɔ nee la hweehrɔ tama dɛ le harɛ ta.

Lewi Dea Tena 23:4

Tɔpejena men Korowii aa lea cheɡ ŋɔ hé cheme dɛ́ɛ di laanee nɔ.

Lewi Dea Tena 23:40

Tɔpere waa tɔ sie la, hé kpɔ daa nɔna aa wera kohona, dɛ́ kpɔ bambie papooni ne daa a papooni aa wara ne daa ane aa cheɡɛ nee nyoa a fee warɛ a ta, dɛ lɛ he sie tɔpera anuanɛ men Korowii haa dɛ tom mɛ nɔ sɔn ta.

Sekaria 1:8

“Awola jwaana la, men Sekaria na baa bɛl wepila ta o so jaaɡɔswɛm ta. Dɛ o cheɡɛ daa ane baa dɛ yera mɛtel baah ta fɛlembɔjen bɛl bini, asɛ nɛra bane ɡe so jaaɡɔswɛɛma, ne jaaɡɔkɔla dɛ jaaɡɔpoŋa ta o habɔɔ.

Matiu 21:1

Yeesu ne o habɔteŋra la aa dɛ tel Jerusalam la, ba baa le Bɛtfej waa lɔ Ɔlevere Bwejen la bɔr. Belaa Yeesu tomɛ o habɔteŋra la bini banɛ,

Amanesoma Jɔn Aa Chwera Tɔn 12:13

Belaa ba nyin bambie papooni dɛ kpɔ le bwɛɛ bini ka chemo ŋwɛnɛ ta silɛɛ ne dɛɛ ŋɔ, “Woowo! Korowii swee Israel tena Kooro waa valɛ o sɔn ta dɛɛ ba nɔ andɛɛɡa.”

Mmarare 16:16

Benanyoa bɛlbwa, a chɛ kɛŋɔ baa bɛlbwa la bela Korowii aa lea tɛ heyaa ŋɔ hɛɛ tomɔ la, dɛ́ ka tomɔ kera atoro. Paanoo Iisi Aa Wola Toole a ta Tɔpejen la ne Koo Kondikwaa Koma Tɔpejen ne Kukure Tɔpejen la ta. Nomɛlbwa bɛ nɔŋɡbayeeɡa ne bela la,

Wepila 7:9

Anɔ la habɔɔ la, n nyiŋo dɛ na nɛnlaa nomɛlbwa aa wola won kur ba bela. Ba le wobol te bɛlbwa nɛra baa lɔ harɛ nɔ ta bobɛlbwa ta. Ba bwa do batakaarepoŋa, dɛ kpoŋe bambie daa a papooni do a ta, dɛ che kookara la ne Pebie la sie,