Nehemia 8:1 - mzwDBL

¹ Korobinuanɛ te ta la, dɛ Israel tena bwa kaa so ba bwɛɛre ta. Asɛ o tɔpeloɡle ta ba bwa ba cheme Nee Doonyoa la sie Jerusalam kɛŋɔ nɛmbeŋkpoŋ bii. Asɛ ba ŋɔ sɔfo Ɛsra ne tɔnjereme la be ŋɔ, ó kpɔ Korowii Mmara Tɔn o fa aa cheɡɛ Mosis nɛɛ kpɔ tɛ Israel tena la ba.

Nehemia 8:1 Iomraidhean Croise

2 Koranar 23:2

O ne Juda baala ne Jerusalam tena, ne sɔfore ne Korowii keamere, le bechale nɛɛ ba kaa nomonjena bwa nɛɛ ba la Korowii Dea. Asɛ o ɡel ba kure Korowii Ne Nɛwɛnyina Fɔo Tɔn waa nyoɡra ba nao Korowii Dea la, asɛ ba bwa no.

2 Webena 34:15

Asɛ sɔfo Hilkia ŋɔ karake Safan waa chwerɛ waa dɛɛ bil la be ŋɔ, “N na Korowii Mmara Tɔn waa nyoɡra la Korowii Dea.” Asɛ o kpɔ tɔn la tɛ Safan.

2 Webena 34:30

O ne Juda baala ne Jerusalam tena, sɔfore ne Lewi dea tena, le bechale nɛɛ ba kaa nomonjena bwa nɛɛ ba Korowii Dea. Asɛ kooro kure Korowii Ne Nɛwɛnyina Fɔo Tɔn waa nyoɡra ba nao Korowii Dea la, asɛ ba bwa no.

Ɛsra 7:1

Anɔ bwa habɔɔ, ɡɛ saŋ Koojen Atasɛksɛs aa di kora Pɛɛsea harɛ ta la, dɛ baa bɛl lole baa yerɔ Ɛsra. O mɛɛ sɔne Seraya, Seraya ɡe mɛɛ Asaria, asɛ Asaria ɡe mɛɛ sɔne Hilkia.

Ɛsra 7:10

Sɔfo Ɛsra le o te cheɡ dɛ tɛ Korowii Mmarare la hwela ne a bini nyiŋa, asɛ dɛɛ chaɡle Korowii waa ne mmarare aa lɔ Israel harɛ ta.

Ɛsra 7:11

Koojen Atasɛksɛs chwerɛ waa aa teŋa nɔ tɛ sɔfo Ɛsra waa bera ɛ chicha dɛ jemɛ Korowii Mmarare ne waa waa do Israel tena a ta la bini kɛrɛdɛ.

Ɛsra 7:6

A ɡɛ Ɛsra nɔ ɛ sɔfo dɛ le Babelɔn ba. Dɛ o ɛ chicha ɡe, dɛ jemɛ mmarare Korowii Israel tena aa dɛ tomɔ aa kpɔa tɛ Mosis la kɛrɛdɛ, dɛɛ baɡla. Komɛlbwa waa bɔɔ le koojen be la, o dɛ tɛo, dɛkalkɛ Korowii waa dɛ tomɔ la nɔn dawɛ o nɛ.

Nehemia 12:26

Gɛ saŋ dɛ Jesua bibaa Joiakim, o nabaa aa ɛ Josadak, ne Nehemia waa dɛ nyiŋi harɛ la ta, dɛ sɔfo Ɛsra waa ɛ tɔnjereme la lole.

Nehemia 12:37

Baa tel Nebule Doonyoa ta la, ba cheɡɛ kwaa ane a do kɛ sanjol ta teeh kaa Kooro Devid Bwɛjen ta, dɛ ɡarɛ Kooro Devid koodem, dɛ berɛ habɔɔ ba Nee Doonyoa waa lɔ bwɛjen la wee leebɔr pera ta.

Nehemia 3:26

Bonɔɔna baa dɛ ɛ toma Korowii Dea dɛ so Ofel deŋɡare ta ɡe kwaa ma choŋi ka tel bobɛl o ne Nee Doonyoa sie aa chaɡɛ dɔŋa, dɛɛ kaa wee leebɔr ne dejaŋ waa tɔ Korowii Dea la ta.

Nehemia 8:16

Asɛ nɛra la ir ka nyin daa kpala la, dɛ ba ɛ kukure ba saldor, ne ba dembaahna ne Korowii Dea dembaahna, ne Nee Doonyoa sie bela nɛra aa dɛ cheme, dɛ Efrem Dea Doonyoa la sie.

Nehemia 8:3

O kure tɔn la Nee Doonyoa la sie, nɛnlaa la sie, le chɔmbibi ka tel kɛŋɔ wee aa baa che nyufala, asɛ ba bwa cheɡ deŋne dɛɛ no waa aa lɔ Mmara Tɔn la bini kɛrɛdɛ.

Aesaya 8:20

Báa teŋɛ me Mmara ne n webaɡla la ta! Dɛ ba ta ɡɛ waa la aa dɛ baɡle la bolaa, amɔ te a do kɛŋɔ baa soɡe biro ta ken.

Lewi Dea Tena 9:5

Ba kpɔ komɛlbwa Mosis aa do ba la bwa ba Korowii Dea Cheremibɔr la doonyoa, asɛ nɛra la bwa suuh tel dɛ ba che Korowii sie.

Malakae 4:4

Hé lii Mmarare ne webaɡla maa cheɡɛ n bonɔɔ Mosis nɛɛ dɛ kpɔ tɛ he Israel tena bwa ŋɔ hɛɛ teŋɛ a ta Sinai Bwejen ta la.

Matiu 13:52

Anee Yeesu berɛ ŋɔ, “Amɔ nomɛlbwa waa jemɛ Mosis Mmara la, dɛ berɛ ba hweli Korowii Kora nɔ waa la do kɛŋɔ nomɛl aa dɔ o dem, dɛ dɔ konfala ne kombena, dɛ won a bini bɛlbwa waa dɛ nyin kpɔe dɛ́ le bela waa dɛ cheɡ o kwa.”

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!

Matiu 23:2

“Tɔnjerema la ne Farisii tena nɔɔ dɔ ŋwɛnɛ kɛ bá chaɡle Mosis Mmara la bini baɡle nɛra.

Matiu 23:34

N ɡelɔ hɛɛ no kɛŋɔ mɛɛ tomɛ Korowii keamere, wejerema ne Tɔnjerema he bee. Hɛɛ kpoo banee, dɛ́ kpaa bane pɛl daɡaɡra ta, dɛ́ kpɔ chweremi lɔɔ bane cheremi deene ta, dɛ́ doŋ ba jo bwɛɛre ta dɛɛ nyin ba dɛ́ lawɛ.

Mmarare 31:11

ɡɛ saŋ Israel tena nɔ bwa aa ba cheme bela Korowii aa lea tɛɛ ba ŋɔ baa tomɔ la.

Sitɔɔla 20:1

Israel tena baa soɡe Dan dea harɛ ta dɛ kpoŋe kaa Beɛseeba, dɛ banɔ la baa soɡe Gelead harɛ ta bwa baa cheme Korowii sie Mispa kɛ nɛmbeŋkpoŋ.

Sitɔɔla 20:8

Nɛra la bwa pɛo dɛ ŋɔ, “Ya bini bɛlbwa toole dɛɛ ba dem kaala. Akai! Ya bini bɛlbwa aa o bwɛɛ kaa.