Nehemia 7:64 - mzwDBL

⁶⁴ A ɡɛ nɛra nɔ ɡaaɡe ba naawa luɡe tɔne bini kahonɛ, anomanta, ba kpɔ ba kɛŋɔ nɛra doŋa aa lɔ ba nɛɛ baa wola won ɛ sɔfore.

Nehemia 7:64 Iomraidhean Croise

1 Webena 9:1

Ba chwerɛ Israel tena bwa sɔna denaa ta do Israel Koranar Waa Tɔne bini. Juda tena wechɔɡa nomanta, ba laɡ ba laa ta kaa Babelɔn harɛ ta, dɛ́ kpɔ tɛr ba deŋne.

Nehemia 13:29

N Naa Korowii maa dɛ tomɛ, tɛr ba deŋne kɛŋɔ, baa kpɔ doŋa kah sɔfore toma, ne fɔo waa chɔ he ne Lewi dea tena ne ba baah ta la wa.

Nehemia 7:5

Korowii tɛ mɛ liire kɛŋɔ ń yerɛ bwɛɛ la sitɔɔla ne nomonome, dɛ nɛra baa lɔ bela la cheme, dɛ́ chwerɛ ba sɔna ɡɛ baa teŋɛ dɔŋa nɛɛ lola ta. N na banɔ la ba naawa aa tɔ sie le bojaŋ harɛfale ta dɛ ba la. Kenii ba chwerɛ ba sɔna ɡɛ baa teŋɛ dɔŋa nɛ.

Nehemia 7:63

Dɛ le sɔfore ɡe be peraa nɔ, ba naanaree, Hobaya ne Hakɔs dɛ Baasilai. A ɡɛ Baasilai nɔɔ fa mo Baasilai waa le Gelead bihaah, a che a ta baa yerɔ ɡɛ sɔn nɔ.

Nehemia 7:65

Asɛ Juda harɛ nomoa ŋɔ ba be ŋɔ baa won di kondikwaa aa do ɡoroŋ bɛlbwa baa kpɔa ba tɛ Korowii laa, atane sɔfo bɛl lɔ bela, dɛ́ do batakaare baa sɔh Urim ne Tumim dawɛ o ta ó che a ta bɔɔ waa Korowii aa dɛ nyin la mɔɔ.

Lewi Dea Tena 4:3

Dɛ Sɔfonomoa ɛa aa, o ɡelɔ nɛra la bwa di bolchɔɡe. A chɛ kɛŋɔ ó lawɛ nabal waa wola kirihiah bɛlbwa dii, dɛ́ kpɔ ɛ wechɔɡa kpɔe dɛ kɛ saraha tɛ mɛ o wechɔɡa la wa.