Nehemia 7:6 - mzwDBL

⁶ Nɛra Babelɔn Koojen Nebukadnesa aa laɡ ba laa ta kaa bojaŋ harɛ Babelɔn, asɛ ba berɛ won ba Jerusalam ne Juda harɛ ta, dɛ ba so ba bwɛɛre ta laanee teŋa nɔ.

Nehemia 7:6 Iomraidhean Croise

2 Koranar 25:11

Laa sitɔɔ Nebusaradan lawɛ nɛra baa ka bwɛjen la ta, ne tom-ɛɛra, dɛ banɔ la baa le Kooro Sedekia habɔɔ, dɛ ka teŋɛ Kooro Nebukadnesa nɛɛ la bwa kaa Babelɔn harɛ ta.

Ɛsra 5:8

N naa kooro, ya dɛ nyin he jemɛ kɛŋɔ ya la Juu tena harɛ ta, bela Korowii waa kana la Dea aa lole ba berɛ kwaa dɛɛ mao la. Bwejena nee baa mao, dɛ kpɔ dadɛɛɡa dawɛ o danjwɛɛre ta. Ba toma ɛɛ wer, dɛɛ kaa wɔrɔbe nɛ, ɡɛ baa chaɡ ba la.

Ɛsra 6:2

Baa ka dɛ nyiŋi la, ba na tɔn bɛl bwɛjen baa dɛ yerɔ Ɛkbatana waa lɔ Midia harɛ ta, asɛ ba chwerɛ waa aa teŋa nɔ o bini ŋɔ,

Nehemia 1:3

Anee ba ŋɔ n be ŋɔ, “Banɔ la baa laɡ ba laa ta kaa bojaŋ harɛ ta la balɔ. Ba lɔ wahala ne sihiih ta. Danjwɛɛ waa bar Jerusalam la kuuɡo, asɛ bwɛɛ la doonyojen ɡbeni la ɡe, ba fuah a ɛ tɔɔ.”

Nehemia 7:7

Nomonome baa tɔ ba sie laanee, Sɛrobabɛl ne Jesua ne Nehemia, ne Asaria ne Raamia ne Nahamani, ne Mɔdekae ne Bilsan ne Misperet, ne Biɡvai ne Nehum dɛ Baana. Baala baa le Israel harɛ taa teŋa nɔ.