Nehemia 7:5 - mzwDBL

⁵ Korowii tɛ mɛ liire kɛŋɔ ń yerɛ bwɛɛ la sitɔɔla ne nomonome, dɛ nɛra baa lɔ bela la cheme, dɛ́ chwerɛ ba sɔna ɡɛ baa teŋɛ dɔŋa nɛɛ lola ta. N na banɔ la ba naawa aa tɔ sie le bojaŋ harɛfale ta dɛ ba la. Kenii ba chwerɛ ba sɔna ɡɛ baa teŋɛ dɔŋa nɛ.

Nehemia 7:5 Iomraidhean Croise

Ɛsra 2:62

A ɡɛ nɛra nɔ ɡaaɡe ba naawa luɡe tɔne bini kahonɛ, anomanta, ba kpɔ ba kɛŋɔ nɛra doŋa aa lɔ ba nɛ, baa wola won ɛ sɔfore.

Ɛsra 7:27

Ate, sɔfo Ɛsra ŋɔ, “Korowii ya naawa aa tomɔ laanee dɔ jam. Onee ɡela Koojen Atasɛksɛs dɔ liire, dɛ ɡel ba berɛ kwaa ma Korowii Dea waa do ken, dɛ dɔ jirima cheɡ Jerusalam.

Nehemia 5:19

N Naa Korowii maa dɛ tomɛ, lii n wa, dɛ́ ɛɛ mɛ kɛrɛdɛ, waa bwa maa ɛa tɛ nɛra nɔ wa.

Nehemia 6:14

Asɛ n soŋe Korowii ŋɔ, “N Naa Korowii, nyiŋi waa Tobia ne Sanbalat aa ɛa nɔ, dɛ́ tɛr ba deŋne a wa. Berɛ lii kɛŋɔ he keame bɛl waa ɛ haah baa yerɔ Noadia, dɛ keamere baa jaa ɡe jao dɛɛ aah mɛ ɡɛ.”

Nehemia 7:4

Dɛ Jerusalam kan, kɛ dɛ nɛra baa lɔ o ta aa kanɛ. Dɛ ba ta berɛ kwaa ma deene a warɛ mɔɔ.

Nehemia 7:64

A ɡɛ nɛra nɔ ɡaaɡe ba naawa luɡe tɔne bini kahonɛ, anomanta, ba kpɔ ba kɛŋɔ nɛra doŋa aa lɔ ba nɛɛ baa wola won ɛ sɔfore.

Sɛɡla 2:6

Korowii bee wejema le, onee dɛɛ tɛ wejema ne waa mun noe.

Sɛɡla 3:6

Wobɛlbwa haa dɛ ɛ la, lii Korowii wa, ásɛ o baɡle ŋwɛnɛdɛɛɡe hé kpɔ o ta.

1 Kɔrent 15:10

Kɛ Korowii sune n nɛ, dɛ cha mɛ. Chae waa cha mɛ laanee ɡela n do ɡɛ maa doa nɔ la. O suna waa sune n nɛɛ la ta pɛɛ ɛɛ. N iro, asɛ dɛɛ ɛ o toma la kohona hale dɛ ɡwaa n bala toroma la kwara. N ɡbaɡba kpeɡri ne laa mɛɛ ɛ toma nɔ. Korowiirii sune n nɛɛ dɛ cha mɛ, asɛ mɛɛ ɛa ɡɛ la.

2 Kɔrent 3:5

A ta ɛɛ kɛŋɔ ya dɛ lii kɛŋɔ ya won waane ɛɛ ya ɡbaɡba kpeɡri ta. Korowii bee ya dɔ kpeɡri dɛɛ ɛ anɔ la bwa yaa dɛ ɛ.

2 Kɔrent 8:16

Ya dɛ jam Korowii kohona kɛŋɔ waa ɡela Taetos siwi swɛɛ wɛɛ cha heyaa kɛŋɔ ya siwi aa swɛɛ he nɛɛ la.

Kolosi 1:29

A waa ɡela n swɛɛ siwi dɛ takapɔ dɛɛ ɛ toma la. Yeesu Kristoo tɛ mɛ kpeɡri ɡa n won dɛɛ ɛ ɡɛ toma la.

Jems 1:16

Yabala, he bɛ ɡel ba neɡre heya.