Nehemia 7:2 - mzwDBL

² N kpɔ Jerusalam do n dɔŋ Hanani ne Hanania nɔn ta ŋɔ baa nyiŋi o ta. Dɛ Hanania ɛ nomoa waa dɛ nyiŋi dekpeɡ la ta. O waa dɔ kasinteŋ wɛɛ ɔmɛ Korowii, o dɔŋ aa wola toole.

Nehemia 7:2 Iomraidhean Croise

Mumpar 42:18

Tɔpetooro wee la, Josef ŋɔ o dɔɔranar la be ŋɔ, “N te, n ɛ nɛn maa dɛ ɔmɛ Korowii, dɛ mɛɛ ɡel heyaa yaa, aa che webeŋkpoŋ taa.

2 Samoɛl 23:3

Korowii Israel tena aa dɛ tomɔ bol wa, Korowii waa do kɛ Bwetal ba chwa kaa marɔ la ŋɔ n be ŋɔ, ‘Kooro bɛlbwa waa dɛ nyiŋi o nɛra nɛɛ kasinteŋ ne dɛɛ ɔmɛ Korowii la,

1 Koranar 18:12

Dɛ n kaalɔ Korowii Doma la kpɔe kaa bobɛl, asɛ n ka ŋɔ o be o ta hen ba nae yaa, wɛɛ kpo mɛɛ. Men maa ɛ he bonɔɔ nɔ, n bechale saŋ bwaa n yarada Korowii dɛɛ tomɔ.

1 Koranar 18:3

Anee Kooro Ahab yerɛ baa bɛl waa dɛ nyiŋi o koodem ta baa yerɔ Obadia. Dɛ Obadia dɛ yarada Korowii dɛɛ tomɔ kɛrɛdɛ.

Nehemia 1:2

Belaa n dɔŋ Hanani ne nɛra bane le Juda harɛ ta dɛ ba. Asɛ n bɔɔ ba Juu tena baa wona chwa le bojaŋ harɛ baa laɡ ba kaa laa ta, ne bwɛjen Jerusalam wa.

Nehemia 10:23

ne Hosia ne Hanania dɛ Hasub,

Nehemia 13:13

N kpɔ nɛra ŋɔ baa nyiŋi deene baa kpɔ kwaa dɛɛ cheɡ a bini la ta. Banee, sɔfo Sɛlɛmia ne tɔnjereme Sadɔk dɛ Lewi dea te Pɛdaya. Asɛ Hanan ɛɛ cha ba, o mɛɛ sɔne Sakur, o nabaa sɔne Matania. Banee n ŋɔ ba bɔne kwaa la dɛɛ tɛ ba bala tom-ɛɛra la. Dɛ n dɛ yarada ba.

Nehemia 2:8

N berɔ soŋo ŋɔ ó chwerɛ tɔn tɛ mɛ ń kpɔ ka tɛ Asaf waa dɛ nyiŋi koojen kɔne ta la, ásɛ o tɛ mɛ doli maa kpɔ ɛ dekpeɡ la doonyoo aa bɛne Korowii Dea, ne danjwɛkpeɡ waa bar bwɛjen la, dɛ dem maa ka so o ta. Korowii ja n nɛɛ nomanta, koojen la tɛ mɛ komɛlbwa maa soŋo.

Nehemia 5:15

Nomonome baa tɔ n sie nyiŋi Juda harɛ ta mɔɔ la ɛɡre Juda harɛ ta nɛra dɛ lɛ suuɡapoŋa fifraanaarɛ, dɛ kondikwaa ne sen. Hale ba bonɔɔna ɡba fiiɡi nɛra la. Kɛ n te, ɔma maa dɛ ɔmɛ Korowii nomanta, n ta ɡɛ ɛɛ.

Nehemia 7:3

N ŋɔ ba be ŋɔ chɔɔbɔr bá ɡel wee ɛɛ baŋɛ mɔɔ baa ya Jerusalam doonyoo ɡbeni la, ásɛ wee joɔ ɡe aa, ba tɔa dɛ́ kaɡra mɔɔ nɛra baa dɛ daahna la le bela. N berɔ ŋɔ ba be ŋɔ, bá le nɛra bane baa daah bwɛɛ la bobɛla, bane ɡe ɛɛ daah ba deremi bɔra.

Job Tɔn 1:1

Baa bɛl fa lole, o sɔne Job, dɛ do harɛ bɛl ta baa yerɛ bela Us. Wobɛlbwa toole o nɛ, o waa toɡre. O dɛ tomɛ Korowii, dɛ laa o te dɛɛ kpɔ wechɔɡa ta.

Yela 101:6

Mɛɛ ɡeloo n sie do n nɛra Israel tena ba wa aa dɔ kasinteŋ la nɛ, ásɛ n ne ba pɛ so n koodem. Nɛra ba wa aa wera kɛrɛdɛ laanee mɛɛ ba ɡela baa tom mɛ.

Kaala 18:21

Berɛ le ba bini wejerema, baa dɛ ɔmɛ Korowii ba wa aa dɔ kasinteŋ, ba siwi aa wola suuɡa beɡre. Dɛ́ kpɔ ba chɔ nɛra kaɡboŋa ne lafare, ne fifraanunue dɛ fifi nyoo.

Daneɛl 6:4

Anee o bala nomonjena la ne nomonome baa lee ba baa nyiŋi harɛ la bamperi la, ɛɛ nyin Daneɛl bwara wechɔɡa dɛ́ le kora la be pera, kɛ ba ta wone. Ba ta o bwara wechɔɡe bɛlbwa nae, dɛkalkɛ o waa wer dɛ dɔ kasinteŋ.

Nɛra Kura 12:7

Gɛ laa n ne n bonɔɔ Mosis waa do. O waa dɔ kasinteŋ, n kpɔ n nɛra bwa do o nɔn ta.

Matiu 24:45

Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.

Matiu 25:21

Anee o dɔɔ la ŋɔ, ‘Jam, bonɔndɛɛɡe, kasinteŋ te! Tama nɔ haa kpɔ kasinteŋ dɛ ɛ a ne toma nɔ, mɛɛ kpɔe so andamanta nyoa. Ba puu mɛ so silɛɛ ta.’

1 Kɔrent 4:2

Waa aa chɛ nɛn baa kpɔ waa do o nɔn ta laanee kɛŋɔ o ɡel o waa dɔ kasinteŋ.

2 Timoti 2:2

Waa la nɛra aa chema warɛ asɛ n bol he be la, bola baɡle nɛra ba wa aa dɔ kasinteŋ dɛ jemɛ kɛ ba ɡe ɛɛ wonoo kpɔ bol baɡle nɛra bane ɡe la.