Nehemia 7:1 - mzwDBL

¹ Danjwɛɛ la kwaara dɛ ma aa tona asɛ n do o doonyoo ɡbeni la, men Nehemia le nɛra baa so doonyoa la ta dɛɛ daah, dɛ le Korowii Dea yelɡoola ne Lewi dea tena baa dɛɛ ɛ toma Korowii Dea, dɛ kpɔ ba tomare do ba nɔn ta.

Nehemia 7:1 Iomraidhean Croise

2 Koranar 7:10

Asɛ ba la dɛ ka yerɛ nɛra baa dɛ daah bwɛjen la doonyoone ta, dɛ bol ba be ŋɔ, “Ya la bela Siiria laa tena aa baa so la, ba kaalɔ dɛ ɡel ba tɛnte deene a che pɛɛpɛɛ. Ba jaɡre ne keeɡore ta vɔrɔwɔ che, ya ta nɛn nae, ya ta nɛn ɡbɔɡa ɡe noɛ.”

2 Webena 31:2

Kooro Hɛsɛkea bɔne sɔfore ne Lewi dea tena la bini, ɡɛ aa chɛ kɛŋɔ bɛlbwa ɛɛ ɛ o toma. Asɛ ba fuh kwaa dɛɛ ɛ sarahare ne deŋnesɔɔhna sarahare, dɛɛ tomɛ Korowii dɛ ɡo yela dɛɛ kpɛɛro o Dea doonyoo la ta.

Ɛsra 3:8

Anomanta, bennɛɛte korobinɛɛte ta nɛra la aa le bojaŋ harɛfale ta ba la, dɛ daa la tel bela baa dɛ ba Korowii Dea la doe Jerusalam, asɛ ba pa o mun. Ate, Sealteɛl bibaa Sɛrobabɛl ne Josadak bibaa Jesua, dɛ bwɛɛla la kar ne sɔfore ne Lewi dea tena la bwa kaa ja dɛɛ ɛ toma la. Ba le Lewi dea tena baa di bene fifraanɛ, kɛɛ dɛ ɡwaa la ba ɛ nomonome dɛɛ nyiŋi tom-ɛɛra baa dɛ ma Korowii Dea la nɛ.

Nehemia 10:39

Israel tena ne Lewi dea tena la kpɔ ba mea ne senfala, dɛ ɔleve noo la kaa dejeɡre baa dɛ cheɡ laala baa kpɔa dɛɛ ɛ toma Korowii Dea la bini, bela sɔfore baa dɛ ɛ toma ne nɛra baa dɛ daah doonyoo dɛ yelɡoola aa dɛ so la. Yaa Korowii yaa dɛ tomɔ la Dea vɛh.

Nehemia 11:3

Nɛra la bini bane baa soɡe bwɛɛre ne bwɛjena ta laanee, Israel tena la bini bane, ne sɔfore ne Lewi dea tena, ne bonɔɔna baa dɛ ɛ toma Korowii Dea. Dɛ Kooro Solomɔn bonɔɔna naanar soɡe Juda bwɛɛre ane ta. Bɛlbwa kaa so o ɡbaɡba bwɛɛ waa le o ta,

Nehemia 12:24

Dɛ Lewi dea tena nomonome laanee, Hasabia ne Sɛrebea dɛ Kadmiel bibaa Jesua, dɛ ba bala baa ja ba nɛ. Ba bɔne ba bini kuore anɛ, beŋkpoŋ dɛ ɡo yela asɛ beŋkpoŋ ɡe ɛɛ sɛh ba nyoa. Ba bwa pɛo dɛ ɡo yela dɛɛ kpɛɛ dɛɛ jam Korowii, ɡɛ Korowii nɛn Kooro Devid aa baɡla la.

Nehemia 6:1

Sanbalat ne Tobia ne Arab te Gɛsem, dɛ ya dɔma baa kaa aa noa kɛŋɔ n berɔ kwaa ma danjwɛɛ la tonɛ, bojeɡaa bɛlbwa ta kae, a lole kɛŋɔ dɛ n ta ɡbeni o doonyoone la ta doe mɔɔ la,

Nehemia 6:15

Ba ma danjwɛɛ la tonɛ Elul korobie tɔpera fifraanɛ dɛ anue ta, dɛ kpɔ tɔpera fifraanue dɛ anɛ tonɛ toma la bwa.

Nehemia 6:19

Nɛra yon baa bol Tobia wedɛɛɡa bwa waa ɛa n be, dɛ kaa bol anɔ la n ɡe aa bola o be. Asɛ o teŋɛ chwerɛ tɔne dɛ baa aah mɛ.