Nehemia 6:8 - mzwDBL

⁸ Anee n tomɛ ba ka ŋɔ o be ŋɔ, “Waa haa dɛ bol nɔ bɛlbwa ta kasinteŋ ɛɛ, he ɡbabir nyu bini liiree.”

Nehemia 6:8 Iomraidhean Croise

Nehemia 6:7

Hale he le Korowii keamere ŋɔ bá bol nɛra bwa no he waa Jerusalam kɛŋɔ, ‘Kooro bɛl lɔ Juda harɛ ta.’ N jemɔ kɛ ɡɛ waa nɔ ɛɛ tel Pɛɛsea koojen bee, anomanta, ba yá cheme dɛ́ kpɔ a liire.”

Job Tɔn 13:4

Hé kpɔ nyosone tɔ kasinteŋ ta, hé do kɛŋɔ tɛɛɡa te waa wola won chah weela!

Yela 36:3

Nyubinikpeɡ ne nyosone waa baa bol, ba ta wedɛɛɡa liire dɔe kpa.

Yela 38:12

Nɛra baa dɛ nyin mɛ dɛ́ kpo, haɡre mɛ bela, nɛra baa dɛ nyin n chɔɡa dɛ́ aah mɛ, tɔpere bɛlbwaa baa vɔrɔwe n vɔrɔwa, dɛ́ chɔɡ mɛ.

Yela 52:2

He vɔrɔwe nɛra vɔrɔwa dɛ́ chɔɡ ba, he nyondoŋe do kɛŋɔ naŋɡɔse ken, saŋ bɛlbwaa hɛɛ teŋe nyosone.

Aesaya 59:4

Nomɛlbwa ta kasinteŋ ta cheɡɛɛ dɛ kpɔ o dɔŋ la kɔɔto bwa. Nyosone ɡbo taa he che dɛɛ di bole. He dɛ vɔrɔwe vɔrɔwa dɛ́ chɔɡ bane.

Daneɛl 11:27

Gɛ koranar banɛ baa dɔ liichɔɡa tɛ dɔŋa nɔ ɛɛ pɛo so tiɡ ta dɛɛ neɡre dɔŋa, kɛ aa tɔnɔ bɛlbwaa dɔ tɛɛ ba, dɛkalkɛ saŋ baa lea cheɡ la ta dɛ ba.

Matiu 12:34

Nɛnchɔɡa kɛ harɛkwa bii! Wechɔɡa ɡbo aa su he bini nɔ, wobodɛɛɡa ɛɛ wonoo le he nyoa ta naa? Waa aa lɔ nɛn bambile ta laanee o nyoa ɛɛ bol.

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

We-ɛɛla 25:10

Belaa Pɔɔl ŋɔ, “Akai! Rom Koojen ɡbaɡba nɛra sie n che taraken nɔ. Bonɔɔ chɛ kɛ ba bol n waa nɔ dɛ́ pa bole. He ɡbabir jemɔ kɛ n ta Israel tena nɔ wechɔɡe bɛlbwa ɛɛ.

We-ɛɛla 25:7

Pɔɔl aa bala la, Juu tena baa le Jerusalam la baa che o jwɛɛh dɛ bol waa aa wola were dawɛ o nɛ. Kɛ ane a bwa, ba ta wone dɔ wobɛlbwa dɛ chaɡle kɛ ba waa la ɛ kasinteŋ.