Nehemia 6:6 - mzwDBL

⁶ Gɛ o bini waa aa dɛ baɡle laanee nɔ. “Gɛsem ŋɔ men Sanbalat be ŋɔ, harɛre nɛra dɛ bol ŋɔ he ne Juu tena dɛ nyin he pere he te, a waa he berɛ kwaa dɛɛ ma danjwɛɛ la. Anɔ la aa jaa ɡee kɛŋɔ, he berɔ dɛɛ nyin he cheɡ he ɡbaɡba kora ta.

Nehemia 6:6 Iomraidhean Croise

Ɛsra 4:12

N naa kooro, ya dɛ nyin he jemɛ kɛŋɔ Juu tena baa le he harɛre ta dɛ ba la kaa Jerusalam, dɛ berɛ ka kwaa dɛɛ ma deŋnekpeɡ ne nyubinikpeɡ tena bwɛjen la ja. Ba kwaarɔ dɛɛ ma o danjwɛɛre, dɛɛ kwaa a mune la ɡe.

Ɛsra 4:15

ásɛ he nyiŋi koranar baa tɔ he sie di kara la tɔne bini, hɛɛ nao kɛŋɔ Jerusalam ɛ deŋnekpeɡ tena bwɛ, dɛɛ ha ba koranar ne harɛ nomonome. Deŋnekpeɡ tena lɔ o ta le saŋ la bwa. A waa o fa chɔɡ la.

Nehemia 2:19

Asɛ Sanbalat waa ɛ Hɔrɔn te, ne Tobia waa ɛ Amɔn tena nomonome la bini bɛl, dɛ Gɛsem o ɡe aa ɛ Arab te noɔ, asɛ ba mamɛ dɛɛ muɡli ya baah ŋɔ, “Bɔkwa waa hɛɛ ɛ nɔɔ? Koojenii hɛɛ ba deŋnekpeɡ ɛɛ la.”

Nehemia 6:13

Ba kpɔɔ ŋɔ ó ba aah mɛ, ásɛ a che a ta n fee ɛ wechɔɡa, ásɛ ba dɔ n sɔnchɔɡe yerɛ dɛ́ chɔɡ mɛ.

Nehemia 6:5

Ate, Sanbalat tomɛ o bonɔɔna la bini bɛl n be anɔ la aa teŋa nue, ɡɛ waa la tenten ne. Dɛ o kpoŋe tɔn la o nɔn ta, o ta o nyoa marɛ.

Nehemia 6:7

Hale he le Korowii keamere ŋɔ bá bol nɛra bwa no he waa Jerusalam kɛŋɔ, ‘Kooro bɛl lɔ Juda harɛ ta.’ N jemɔ kɛ ɡɛ waa nɔ ɛɛ tel Pɛɛsea koojen bee, anomanta, ba yá cheme dɛ́ kpɔ a liire.”

Jeremia 20:10

N dɛ no nɛra bwa aa dɛ ŋwalɛ ŋɔ, “Ɔmee kohona bar yaa cheme! Hé ɡel ya kpɔ o waa ka bil nomonome sie.” N daamanar ɡba dɛ nyin n harɛ lɔe, dɛɛ ŋɔ, “Nomɛl ken ɛɛ won neɡro, ásɛ ya won lawɔ, dɛ́ bɔ ya kem.”

Matiu 5:11

Dɛ nɛra koh teŋa haa teŋɛ n nɛɛ nɔ waa dɛɛ chɛɡre heya, dɛɛ ɛ heyaa hɔhɔrɔwa, dɛɛ teŋe nyosone, dɛ bol musu waa bɛlbwa dɛɛ dawɛ he nɛ aa, he na som.

Amanesoma Luk Aa Chwera Tɔn 23:2

dɛ ka haŋɛ o nyoa ŋɔ, “Ya lawɛ baa nɔ kɛ waa dɛ chɔɡ ya harɛ. O dɛ do nɛra dochɔɡa ŋɔ ba bɛ toɔ bɔ dɛɛ tɛ Rom Koojen Siisa kpa, dɛ berɛ dɛɛ ɛ o te ya Juu tena kooro Kristo la Korowii aa baɡɛ yaa nyoa ŋɔ wɛɛ ɡeloo o ba ba lɛ yaa la.”

Amanesoma Jɔn Aa Chwera Tɔn 19:13

Paelet aa no ɡɛ la, o kpɔ Yeesu le buse dɛ ba so bela waa soɡa dɛɛ bol waa dɛɛ pa bole la. Bwea nee ba mao o ir nyundua. Juu tena wobol ta, baa dɛ yerɛ bela ‘Gabata’.

Tɔn Pɔɔl Aa Chwerɛ Rom Tena 3:8

Amɔ yáa ɛ wechɔɡa ásɛ wedɛɛɡa le a ta kɛɛ? Nɛra bane chɔɡ n sɔn, ba haŋɛ n nyoa ŋɔ n dɛ ŋɔ a ɡɛ waa nɔ ɛɛ ta wechɔɡa ɛɛ. Korowii ɛɛ tɛr ba deŋnee, dɛ aŋwɛnɛ ta ɡee.

2 Kɔrent 6:8

Bane dɛ pena yaa, bane ɛɛ yoo yaa. Bane dɛ chɛɡre yaa, bane ɛɛ kpɛɛ yaa. Ba dɛ yerɛ yaa nyosonteŋna, kɛ kasinteŋ ɡee yaa bol.

1 Pita 3:16

He dɛ baɡla aa, hé kpɔ sisɔna ne taa dɛɛ baɡla. A chɛ kɛ he tea to he jemɛ kɛŋɔ nomɛlbwa aa he wobɛlbwaa dɔ dɛ bol. He dɛ ɛ ɡɛ naa, nɛra baa koh he teŋa haa dɛ teŋɛ Yeesu Kristo nɛ, ne he wedɛɛɡa haa dɛ ɛ waa dɛ bol wobochɔɡa dɛɛ yaɡɛ heyaa la, sihiih ɛɛ kpo baa.