Nehemia 6:2 - mzwDBL

² Sanbalat ne Gɛsem kpɔ kala tɛ mɛ ŋɔ, “Gel ya ne he cheme Ono deŋɡarere dor harɛ waa chɔa kaa bwɛjeɡre la bɛl ta.” Dɛ n vɔrɔwaa baa vɔrɔwe dɛ́ che a ta ɛɛ mɛ waane,

Nehemia 6:2 Iomraidhean Croise

2 Samoɛl 20:9

Joab bɔɔ Amasa ŋɔ, “N dam, ɛrɛɛ he bwara doɔ?” Belaa Joab kpɔ nɔndiɡ lawɛ Amasa tampona dɛ ɡbaaro pɛl o te.

2 Samoɛl 3:27

Abna aa bera ba Hɛbrɔn la, Joab lawɔ o ne o ka che bwɛjen la doonyojen keŋkeŋ, a do kɛŋɔ waa dɛ nyin kɛ o ne o ɡbo bol waane ken. Belaa o kpɔ kere tɔɡɛ o tea dɛ kpoo. Gɛɛ a do Joab kpo Abna bɔ kem, o nime Asahɛl o fa aa kpoo la wa.

1 Webena 8:12

Ɛl Paal ɡe bibaalaa, Iba ne Misam ne Sɛmɛd, onee vɔrɔwe Ono ne Lod bwɛɛre, dɛ bwɛjeɡre aa bara cheme bwa.

Nehemia 11:35

ne Lod ne Ono, dɛ Baala Baa Dɛ Sɛh Kwaa Fɛlembɔjen bini.

Nehemia 3:22

Sɔfore baa teŋa nɔɔ bera kwaa ma danjwɛɛ la bamperi ɡalɡa. Banɔ la baa soɡa bar Jerusalam laanee bera kwaa maa.

Nehemia 6:3

anomanta, n tomɛ toroma ba be ŋɔ, “Toma maa dɛ ɛ la waa hiaoh kohona, maa won tu ba he be bela. Maa won ɡel toma la bil dɛ́ ba he be.”

Yela 12:2

Nyosonee bɛlbwa teŋe dɛɛ tɛ o dɔŋ, nyokpɛlee ba kpɔ dɛɛ neɡre dɔŋa.

Yela 37:12

Nyubinikpeɡ tena dɛ vɔrɔwe nɛra ba wa aa toɡra vɔrɔwa, dɛɛ nyiŋ ba sichɔɡa ne.

Yela 37:32

Nyubinikpeɡ tena dɛ kpaah nɛra ba wa aa toɡra, dɛɛ nyin ba dɛ́ kpoo,

Wejereme 4:4

Ate, n na kɛŋɔ toma nɛra aa dɛ ɛ dɛ́ dɔ kwaa bwa, le o dɔŋ bɛl komɛl waa dɔa, o na o siwi beɡre la ta. Anɔ ɡe ɛ wepuu, a do kɛŋɔ nɛn waa dɛ loo vii habɔɔ dɛ ɡel o bini la ken.

Jeremia 41:2

belaa Ismael ne baala fi baa jaa la ir kpɔ keri dɛ kpo Gedalia, dɛ onee Babelɔn kooro le ŋɔ wɛɛ nyiŋi harɛ la ta.

Ɛsekeɛl 33:31

Gɛɛ ba yon dɛɛ ba he be saŋ bɛlbwa, dɛ́ ba so dɛɛ no waa haa dɛ bol, kɛ baa an kpɔe dɛɛ ɛ ɡɛ aa dɛ baɡle. Ba nyoo ɡboo ba kpɔ dɛɛ baɡle kɛŋɔ ba ɛ nɛndɛɛɡa, kɛ anɔ la baa dɔ ɡbo taa ba liire do.