Nehemia 6:17 - mzwDBL

¹⁷ Gɛ saŋ la bwa, sitɔɔla baa lɔ Juda harɛ bwa chwerɛ tɔne kaa tɛ Tobia, asɛ o ɡe kwa ɛɛ la ba be,

Nehemia 6:17 Iomraidhean Croise

Nehemia 13:28

Dɛ Sɔfonomoa Eliasib bibaa Joiada ɡe bibaa bɛl mo Sanbalat waa le Bɛt Hɔrɔn bihaah. Anomanta, n doŋi o bibaa la le Jerusalam.

Nehemia 13:4

Gɛ waa nɔ aa wola balɛ mɔɔ la, dɛ sɔfo Eliasib dɛ nyiŋi deene baa dɛ cheɡ laala a bini Korowii Dea. Dɛ o ne Tobia som.

Nehemia 3:5

Tekoa baala kwaarɔ ma bampera, kɛ bwɛɛ la sitɔɔla ta ba te kpɔe ja nɛra baa dɛ nyiŋi toma la ta nɛ.

Nehemia 5:7

N lii a waa n nyu bini taeh, asɛ n kah sitɔɔla ne nomonome la ŋɔ, “He kemɛ he bala Juu tena suuɡa dɛɛ lɛ a ne!” Anomanta, n yerɛ nɛra la bwa cheme, dɛ nyiŋi waa la bini,

Nehemia 6:16

Ya dɔma aa no waa nɔ la, harɛre nɛra baa soɡa bar yaa la ɔmɔ, ba liire bwa chɔɡ, dɛkalkɛ bɛlbwa nao kɛŋɔ, Korowii yaa dɛ tomɔ laanee cha yaa yá won tonɛ toma la bwa.

Nehemia 6:18

dɛkalkɛ dɛ Juda harɛ ta tena ɡalɡa ja Tobia nɛ. Dɛ Ara bibaa Sɛkania helabaalee Tobia, asɛ Sɛkania bibaa Jehohanan mo Mɛsolam o mɛɛ aa ɛ Bɛrekea.