Nehemia 6:14 - mzwDBL

¹⁴ Asɛ n soŋe Korowii ŋɔ, “N Naa Korowii, nyiŋi waa Tobia ne Sanbalat aa ɛa nɔ, dɛ́ tɛr ba deŋne a wa. Berɛ lii kɛŋɔ he keame bɛl waa ɛ haah baa yerɔ Noadia, dɛ keamere baa jaa ɡe jao dɛɛ aah mɛ ɡɛ.”

Nehemia 6:14 Iomraidhean Croise

Nehemia 13:29

N Naa Korowii maa dɛ tomɛ, tɛr ba deŋne kɛŋɔ, baa kpɔ doŋa kah sɔfore toma, ne fɔo waa chɔ he ne Lewi dea tena ne ba baah ta la wa.

Nehemia 5:19

N Naa Korowii maa dɛ tomɛ, lii n wa, dɛ́ ɛɛ mɛ kɛrɛdɛ, waa bwa maa ɛa tɛ nɛra nɔ wa.

Yela 137:7

N Naa Korowii, lii waa Edom tena aa ɛa awola Babelɔn tena aa pɔ Jerusalam tena nɛɛ la. Ba do lɔŋɔre ŋɔ, “Hé kuuɡu, ó bwa chɔ harɛ.”

Yela 22:1

N Naa Korowii! N Naa Korowii! Ɛrɛɛ he chwa mɛ nɔɔ? N do lɔŋɔ sum ne ŋɔ hé cha mɛ, kɛ maa wobɛlbwa na.

Yela 63:1

N Naa Korowii maa dɛ tomɛ, n pɛla dɔe sibeɡra ne, n bambile lawɛ kɛ nyɔɡre aa dɛ kpo nɛn, wɛɛ nyin nee dɛ nyɔ, pua hɛŋle ɡbo harɛ ta, bela nee aa wola toole.

Kaala 15:20

Belaa Arɔn nimambie Miriam waa ɛ Korowii keame kpɔ loŋ, asɛ haahna la bwa ɡe ja dɛ kpoŋe ane ba yiiɡa dɛ sa teŋɛ dɔŋa nɛ.

Jeremia 14:15

Anomanta, waa men Korowii aa dɛ bol keamere baa dɛ bol waa n sɔn ta dɛɛ teŋe nyosone laanee nɔ. N ta ban tomɛ, kɛ ba dɛ bol ŋɔ laa kɛɛ lɔr aa harɛ nɔ taa ba. Kɛ a ɡɛ keamere la, baa kpoo ba laa taa, lɔr ɡe kpo ba, ba serewe.

Jeremia 14:18

N leɔ kaa kpɔɡ bini naa, n dɛ na nɛra baa kpoo ba laa ta, n berɔ ba bwɛjen la bini ɡe aa, n dɛ na nɛra lɔr aa kpo ba ba serewe. Korowii keamere ne sɔfore bwa lɔ harɛ la ta, baa jemɛ waa Korowii aa ŋɔa bá ɛ.”

Jeremia 28:1

A ɡɛ waa aa teŋa nɔ chiɡo ɡɛ saŋ Juda Kooro Sedekia aa di kora bene anaarɛ korobinue te la ta. Belaa Korowii keame bɛl baa dɛ yerɔ Hanania, o mɛɛ sɔne Asuur o le Gebeɔn, o bol waa men Jeremia be Korowii Dea, nɛra la ne sɔfore bwa sie dɛ ŋɔ,

Jeremia 28:10

Belaa Hanania laa daa waa dawɛ men Jeremia baŋa kɛŋɔ bontɔɡa la ku,

Jeremia 28:15

Belaa men Jeremia ŋɔ Hanania be ŋɔ, “Dɛɛ no, Hanania! Korowii laa tomɛ, asɛ he teŋe nyosone dɛɛ baɡle nɛra nɔ ba ɡe ɛɛ yarada la.

Matiu 24:11

Ásɛ nɛra ir dɛ́ teŋe nyosone kɛŋɔ ba ɛ Korowii keamere, dɛ́ neɡre nɛra kɛrɛdɛ.

Matiu 24:24

dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe teŋe nyosone ŋɔ Korowii keameree ban. Baa ɛ wejena ne nyokpowaa, dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.

Matiu 7:15

Hɛ́ɛ nyiŋi nyosonteŋna baa ŋɔa Korowii keameree ban la kɛrɛdɛ. He na ba aa, ba pwɛre kɛŋɔ peera ken. Kɛ ba bini te, ba sie beɡre kwaa kɛ ɡboli ken.

2 Timoti 3:8

Gɛ Janes ne Jambɛs aa vuuɡi Mosis la, ɡɛɛ a ɡɛ baala nɔ ɡe ɛɛ vuuɡi kasinteŋ waa la. Ba liire aa were. Baa vɛh kasinteŋ waa la yaradae nomanta, Korowii vɛɛh ba.

1 Jɔn 5:16

Dɛ he na he dɔŋ wɛɛ ɛ wechɔɡa aa, soŋe Korowii tɛo. Wɛɛ tɛo mkpaa. N ŋɔ ɡɛ naa, banɔ la baa wola seo wechɔɡa ɛɛ laanee n ŋɔ hé soŋe tɛ. Wechɔɡa ane lole, dɛ he ɛa aa, a chɛ kɛŋɔ hé sewɛ. N ta ŋɔe ŋɔ hé soŋe Korowii tɛ nɛn a te bɔr.

Wepila 19:20

Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.