Nehemia 6:12 - mzwDBL

¹² N nao kɛŋɔ Korowii laa tomɔ, kɛ yawaa Tobia ne Sanbalat yawɔ sen ŋɔ, ó ba bol ɡɛ waa la n be.

Nehemia 6:12 Iomraidhean Croise

Nehemia 6:11

Anee n chaŋe ŋɔ, “N do ken dɛ́ chwa aa? Nɛn waa do kɛ men koh n nyu lɛɛ waa dɛ́ chwa ka sɔh Korowii Dea aa? Akai, maa la!”

Nehemia 6:13

Ba kpɔɔ ŋɔ ó ba aah mɛ, ásɛ a che a ta n fee ɛ wechɔɡa, ásɛ ba dɔ n sɔnchɔɡe yerɛ dɛ́ chɔɡ mɛ.

Aesaya 56:11

Ba do kɛŋɔ nyootena aa dɛ di kwaa kohona aa wola vaɡɛ bwa. Ba do kɛ peteɡra baa wola waa mun no. Bɛlbwa dɛ ɛ anɔ la aa dɛ su o siwi, ne waa aa le tɔnɔ tɛo.

Jeremia 14:14

Belaa Korowii ŋɔ n be ŋɔ, “Keamere la teŋe nyosone dɛɛ bol wa n sɔn ta. N ta ban tomɛ kɛɛ dɛ lee ba, n ta wobɛlbwa ɡe bolɛ ba be. Waa baa dɛ na chaahna ta, ne anɔ la aa chiɡ kerekere, dɛ voɡa toma waa baa dɛ bol la bwa ɛ waa ba ɡbaɡba aa liira.

Jeremia 23:16

Waa Koranar Bwa Kooro aa dɛ bol laanee nɔ. “He bɛ waa keamere la aa dɛ bol he be la no, ba dɛ chɔɡ he liire, hwɛɡa bɛlbwa toole a ta. Anɔ la baa liira ɡboo ba na chaahna ta dɛɛ baɡle, waa men Korowii aa bola laa.

Jeremia 23:25

N no keamere nyosonteŋna maa wola ban tomɛ, asɛ ba che n sɔn ta dɛɛ bol n waa la wa. Ba yon ŋɔ, ba deero dɛ na men Korowii waa chaahna ta.

Jeremia 28:15

Belaa men Jeremia ŋɔ Hanania be ŋɔ, “Dɛɛ no, Hanania! Korowii laa tomɛ, asɛ he teŋe nyosone dɛɛ baɡle nɛra nɔ ba ɡe ɛɛ yarada la.

Ɛsekeɛl 13:19

He chɔɡ mɛ dɛɛ tɛ n nɛra, dɛ lɛ mea nɔndela tama ne paanoo tama dɛɛ le ba be. Dɛ teŋe nyosone dɛɛ kpoo nɛra baa wola chɛ kɛ he kpoo, dɛɛ ɡel banɔ la baa chɛ kpoora. Gɛɛ he teŋe nyosone dɛɛ tɛ n nɛra asɛ baa yarada he wa.’

Ɛsekeɛl 13:22

He nyosone la chɔɡ nɛndɛɛɡa liire, ɡɛ n fe aa wola nyin kɛ ba do. He dɛ do nɛnchɔɡa ɡbemba ba bɛ ba liire charɛ le ba wechɔɡa ta dɛ́ dɔ ba nyu.

Ɛsekeɛl 13:7

N ŋɔ ba be ŋɔ, ‘He wepila haa naa la bwa ɛ nyosone, asɛ waa haa ŋɔa aa bao la ɡe ta kasinteŋ ɛɛ. He ŋɔ, men Korowiirii pila dɛɛ baɡle heya, dɛ n ɡe laa bola.’ ”

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

We-ɛɛla 20:33

N sie ta nomɛlbwa suuɡa kɛɛ o yal ta beɡrɛ.

1 Kɔrent 12:10

O tɛ bane kpeɡri ba won nyokpowaa ɛɛ, asɛ bane ɡe won che o kpeɡri la ta, dɛ́ won bol Korowii Wa aa dɛ ba bala kerekere. O ɡelɔ bane won jemɛ kon la soo waa dɛ ir nɛra nɛɛ ba che o ta dɛɛ ɛ wa, dɛ ɡel bane ɡe won bol wobofala, asɛ dɛ ɡel bane ɡe won wobofala mun baɡla dɛɛ baɡle nɛra.

1 Kɔrent 2:15

Nɛn Korowii Domadɛɛɡe aa lɔ o nɛɛ la jemɛ wobɛlbwa ŋwɛnɛre. Kɛ nɛn waa wola toole o nɛɛ la aa won jemɛ naate waa lɔ o nɛɛ la ŋwɛnɛre.

1 Timoti 3:3

A ta chɛ kɛŋɔ ó ɛ sennyɔdɛɛ, ó bɛ naɡrenyini ɛ. Kɛ ó ɛ nɛn waa pwɛra, waa wola o bwara ne waa nyin. A ta chɛ kɛ o siwi beɡre suuɡa.

Taetos 1:7

dɛkalkɛŋɔ, a chɛ kɛ nɛn waa dɛ tɔ asɔre tena sie la ɛ nɛndɛɛɡe nomɛlbwa aa wola o wechɔɡee dɔ bol bwa, waa ɛ Korowii bonɔɔ nomanta. A chɛ kɛ o ɛ nɛn waa wola o te baɡle, dɛ lɛ nɛn kon dɛɛ ja o kon ta, o baah aa wola di warawara, waa wola sennyɔdɛɛ ɛɛ, waa wola naɡra nyin, o siwi aa wola suuɡa ta beɡre kohona.

1 Pita 5:2

hɛ́ɛ nyiŋi Korowii nɛra baa ɛ o peera waa kpɔ ba tɛ heyaa ŋɔ hɛ́ɛ nyiŋi ba nɛɛ la kɛrɛdɛ. He bɛ ɡel ba do heyaa mɔɔ hɛɛ nyiŋ ba kɛrɛdɛ, hé ɡel a ɛ he ɡbaɡba tetoowa. He bɛ suuɡa sibeɡra waa koh dɛɛ ɛ ɡɛ toma nɔ, hé nyiŋi nyina haa dɛ nyin kɛ toma la kaa kɛrɛdɛ la dɛɛ ɛa.

2 Pita 2:3

Ba sibeɡra baa dɔa kohona nomanta, baa dɛɛ teŋe nyosonee ŋɔ waa baa chaɡle heya, dɛ́ neɡre heyaa dɛɛ di. Naate waa pa ba bolchɔɡe dɛɛ ba ba deŋne tɛra la, kpɔ o te dɛɛ kpaa ba saŋ bɛlbwa. Waa dom chɔ. Wɛɛ ɛɛ ba posaposa kenii.

1 Jɔn 4:1

Yabala, he bɛ nɛra baa ŋɔa ba dɔ Korowii Domadɛɛɡe la, dɛ che o ta dɛɛ baɡle waa la dɛɛ yarada warawara. Hé pese ba, dɛ́ na kɛŋɔ kpeɡri baa dɔa la le Korowii Domadɛɛɡe la be kɛɛ? Dɛkalkɛŋɔ nɛra baa dɛ neɡre nɛra kɛŋɔ ba ɛ Korowii keamere ba harɛ nɔ ta bobɛlbwa pirim.

Wepila 18:13

ne konsɔɔhsoma bwa soo siwi, anɔ la baa dɛ fuh, ne anɔ la baa dɛ fɔɡle, ne sen, ne noo, ne mendɛɛɡa, ne mea, ne nae, ne peera, ne jaɡre, dɛ torɔɡore ba yon vɔwɛ pɛl la. Ba yoɡ nɛra ɡe kɛŋɔ kondɛɛra ken.