Nehemia 5:9 - mzwDBL

⁹ N berɔ ŋɔ ba be ŋɔ, “Gɛ haa dɛ ɛ nɔ aa were. A chɛ kɛŋɔ hé ɔmɛ Korowii dɛ́ ɛ wa aa toɡra. Ásɛ dɛ bɛ nɛra baa wola Juu tena ɛɛ dɛ ɛ ya dɔma la ŋwɛnɛ tɛ, bá ba mamɛ yaa.

Nehemia 5:9 Iomraidhean Croise

Mumpar 20:11

Asɛ Abraham chaŋe ŋɔ, “N liiro kɛŋɔ nomɛlbwa toole dɛɛ ɔmɛ Korowii baah bonɔ. Dɛ n dɛ ɔmɛ kɛŋɔ baa koh n haah waa dɛ́ kpo mɛ.

Mumpar 42:18

Tɔpetooro wee la, Josef ŋɔ o dɔɔranar la be ŋɔ, “N te, n ɛ nɛn maa dɛ ɔmɛ Korowii, dɛ mɛɛ ɡel heyaa yaa, aa che webeŋkpoŋ taa.

2 Samoɛl 12:14

Kɛ haa wola duure kpɔe tɛ Korowii nomanta, he bibaa ɛɛ sewɔɔ.”

Nehemia 4:4

Ate, men Nehemia soŋe Korowii ŋɔ, “N Naa Korowii, na ɡɛ baa dɛ chɛɡre yaa, ɡel chɛɡa baa dɛ chɛɡre yaa nɔ ɡure ba nyu ta. Gel ba paŋɛ komɛlbwa baa dɔa, ásɛ ba laɡ ba laa ta kaa bojaŋ harɛfale ta.

Nehemia 5:10

N ne n bala ne n nɛra baa dɛ ɛ toma nɔ ɡba dɛ kem ba suuɡa ne kondikwa. Hé ɡel ya kpɔ kema yaa dɛ kem ba kwaa dɛɛ lɛ a nee la kɛ ba.

Nehemia 5:15

Nomonome baa tɔ n sie nyiŋi Juda harɛ ta mɔɔ la ɛɡre Juda harɛ ta nɛra dɛ lɛ suuɡapoŋa fifraanaarɛ, dɛ kondikwaa ne sen. Hale ba bonɔɔna ɡba fiiɡi nɛra la. Kɛ n te, ɔma maa dɛ ɔmɛ Korowii nomanta, n ta ɡɛ ɛɛ.

Yela 90:11

Umee nyɔ he bandia danana nee kaɔ? Umee jemɛ ɔmee aa lɔ he bandia kohona ta nɔ?

Sɛɡla 16:29

Nɛn waa dɛ nyin yoi la dɛ faah o dɔŋ, o kpɔ o dɔŋ la dɛɛ kpɔ ŋwɛnɛchɔɡe ta.

Sɛɡla 17:26

A ta maɡrɛ kɛŋɔ nɛn ɛ kɛrɛdɛ ba tɛr o deŋne, kɛɛ dɛ lɔɔ nomonome baa dɛ di kasinteŋ.

Sɛɡla 18:5

Aa were kɛŋɔ bá nyiŋi nɛnchɔɡe siebɔr, dɛ́ kpɔ bolchɔɡe tɛ nɛn waa wola bolchɔɡe dii.

Sɛɡla 19:2

Aa were kɛŋɔ nɛn nya wejema, ɡɛɛ dɛ haa waa bini nyiŋi dɛɛ ɛa warawara ɡe aa, hɛɛ ɛ wechɔɡa.

Sɛɡla 24:23

Wejemwobol ane ɡee nɔ. Nɛn siebɔr nyiŋa dɛ́ bol waa dɛ́ pa bole ta aŋwɛnɛ ta ɛɛ.

Ɛsekeɛl 36:20

Harɛre ta bobɛlbwa baa la la, ba chɔɡ n sɔn waa do ɡoroŋ la, dɛkalkɛ nɛra dɛ bol ba waa ŋɔ, ‘Korowii nɛraa nɔ, kɛ o doŋ ba o harɛ ta.’

Lewi Dea Tena 25:36

Hɛɛ berɛ a nee bɛlbwa kpɔe dɛ́ chɔŋɛ a ta, he ɔmɛ Korowii ásɛ o won so he baah ta.

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.

Tɔn Pɔɔl Aa Chwerɛ Rom Tena 2:24

Korowii Tɔn baɡlɔ ŋɔ, “He Juu tena aa ɡela nɛra baa wola Juu tena ɛɛ la siwi sa Korowii la.”

1 Timoti 5:14

Anomanta, dɛ luhaahna ba taa ɛ toli la yalɔ dɛ loɡle bii, dɛ won ba deremi ta nyiŋa, ɡɛ aa ɛ ásɛ ya dɔma bɛ wedoŋa bɛlbwa dɔ bol yaɡɛ yaa aa, ɡɛɛ n fe ɛɛ nyin.

Taetos 2:5

dɛ́ dɔ nfɛrɛ kɛrɛdɛ, wedoŋa bɛlbwa aa wola toole ba nɛ, dɛ́ won ba dem tomare ɛɛ, dɛɛ ɛ nɛra wedɛɛɡa, dɛɛ no ba jaranar wa, ásɛ nomɛlbwa bɛ Korowii waa la wechɔɡe dɔ bol.

1 Pita 2:12

Haa lɔ nɛra baa wola Korowii tomɛ baah nɔ, hé ɡel he wobɛlbwa toɡre, ásɛ dɛ ba dɛ bol he waa ŋɔ he ɛ wechɔɡ-ɛɛra aa, a habɔɔ la, bá na he we-ɛɛla kɛŋɔ a wer, dɛ kpɔ jam tɛ Korowii awola waa ba ya ne o na dɔŋa la.

1 Samoɛl 2:24

Akai, n bii, he bwara wechɔɡa maa dɛ no Korowii nɛra nyoo la perɛ harɛ nɔ ta bwa.