Nehemia 5:15 - mzwDBL

¹⁵ Nomonome baa tɔ n sie nyiŋi Juda harɛ ta mɔɔ la ɛɡre Juda harɛ ta nɛra dɛ lɛ suuɡapoŋa fifraanaarɛ, dɛ kondikwaa ne sen. Hale ba bonɔɔna ɡba fiiɡi nɛra la. Kɛ n te, ɔma maa dɛ ɔmɛ Korowii nomanta, n ta ɡɛ ɛɛ.

Nehemia 5:15 Iomraidhean Croise

Mumpar 20:11

Asɛ Abraham chaŋe ŋɔ, “N liiro kɛŋɔ nomɛlbwa toole dɛɛ ɔmɛ Korowii baah bonɔ. Dɛ n dɛ ɔmɛ kɛŋɔ baa koh n haah waa dɛ́ kpo mɛ.

Mumpar 42:18

Tɔpetooro wee la, Josef ŋɔ o dɔɔranar la be ŋɔ, “N te, n ɛ nɛn maa dɛ ɔmɛ Korowii, dɛ mɛɛ ɡel heyaa yaa, aa che webeŋkpoŋ taa.

Nehemia 5:16

N kpɔ n liire bwa do Jerusalam danjwɛɛ la kwaara dɛ ma toma ta. Nɛra baa ja n nɛɛ la bwa chemo, toma la ɛɛ ta, ya ta harɛ bɛlbwa nyine tɛ ya te.

Nehemia 5:9

N berɔ ŋɔ ba be ŋɔ, “Gɛ haa dɛ ɛ nɔ aa were. A chɛ kɛŋɔ hé ɔmɛ Korowii dɛ́ ɛ wa aa toɡra. Ásɛ dɛ bɛ nɛra baa wola Juu tena ɛɛ dɛ ɛ ya dɔma la ŋwɛnɛ tɛ, bá ba mamɛ yaa.

Job Tɔn 31:23

N ɔmɛ waa Korowii aa ɡel a ba n nɛ, n ɔmɛ o kan waa doa, n ta wone ɛ ɡɛ waa la.

Yela 112:1

Hé kpɛɛ Korowii! Nomɛlbwa waa dɛ tomɛ Korowii, o sie ɛɛ lɛ o Mmarare ta kohona la, o na som.

Yela 147:11

o sie dɛ lɛ nɛra baa dɛ ɔmɔ, ne nɛra baa kpɔ ba te dawɛ o nɛ, ne o nyina aa wola jaɡa dɔe la ta.

Sɛɡla 16:6

Nyina ne kasinteŋ taa wechɔɡa kpɔe dɛ kɛ do. Korowii ɔma ɡe taa nɛn che dɛɛ ke wechɔɡa.

Sɛɡla 29:12

Kooro waa dɛ do deŋna nyosone waa ta la, o nomonome bwa dɛ ɛ wechɔɡa.

Aesaya 50:10

He banɔ la bwa haa dɛ ɔmɛ Korowii, dɛɛ no o bonɔɔ waa la, a balɔ kɛ he dɛ valɛ biro ta kwaraa naa, hé yarada Korowii, dɛ́ kpɔ he te dawɛ o nɛ.

Jeremia 32:9

N yawɛ harɛ la le Hanamɛl be dɛ bɔ suuɡa aa chɛa la tɛo, a tɔɡre ɛɛ ɛ suuɡapoŋa fi dɛ anuanɛɛ.

Wiile 5:8

Yomaa bera dɛɛ nyiŋi ya nɛ, nomɛlbwa toole dɛ́ won lɛ yaa le kpeɡri baa dɛ di ya nɛɛ ta.

Matiu 5:47

Dɛ he ne he chamene tena ɡbo dɛ bol wa aa, dɛ amee he ɛ ɡwaa he bala ɔ? Hale nɛra baa wola Korowii tomɛ ɡba won ɡɛ ɛɛ!

2 Kɔrent 11:9

Gɛ saŋ maa lɔ he be la, suuɡa waa hiah mɛ naa, maa n te kpɔe dɛɛ dawɛ he nɛ. Yabala baa le Makidoonia harɛ ba laanee baa tɛ mɛ kwaa maa dɛ nyin bwa. Gɛ n fa aa wola n te kpɔe dawɛ he nɛɛ wubwa la, ɡɛɛ maa wola n tenee kpɔ dawɛ he nɛɛ saŋ bɛlbwa bwa.

2 Kɔrent 12:13

Bɔkwaa n ɛ tɛ asɔre tena baa kaa la maa wola ɛɛ tɛ heya ɔ? Anɔ la maa wola heyaa ɛɛ laanee kɛŋɔ, n ta heyaa hae suuɡa waa ta. Hé kpɔ n wechɔɡa kɛ mɛ!

1 Samoɛl 8:15

Wɛɛ bɔne he mea ne he daa kooni bini bɔre fii, dɛ́ kpɔ bɔrbeŋkpoŋ tɛ o nomonome ne bonɔɔna.