Nehemia 5:10 - mzwDBL

¹⁰ N ne n bala ne n nɛra baa dɛ ɛ toma nɔ ɡba dɛ kem ba suuɡa ne kondikwa. Hé ɡel ya kpɔ kema yaa dɛ kem ba kwaa dɛɛ lɛ a nee la kɛ ba.

Nehemia 5:10 Iomraidhean Croise

Nehemia 10:32

Ya sɛoh kɛŋɔ bena bɛlbwa yaa bɔ suuɡabwe jeɡaa, dɛ́ kpɔ cha Korowii yaa dɛ tomɔ la Dea kema.

Nehemia 5:11

Hé kpɔ ba kooni ne daa kooni, ne ɔleve kooni ne deremi, ne suuɡa haa dɛ lɛ a nee bɔre lafa, ne mea ne senfala, dɛ noo la kɛ ba buɡ nɔ ta.”

Nehemia 5:7

N lii a waa n nyu bini taeh, asɛ n kah sitɔɔla ne nomonome la ŋɔ, “He kemɛ he bala Juu tena suuɡa dɛɛ lɛ a ne!” Anomanta, n yerɛ nɛra la bwa cheme, dɛ nyiŋi waa la bini,

Nehemia 5:9

N berɔ ŋɔ ba be ŋɔ, “Gɛ haa dɛ ɛ nɔ aa were. A chɛ kɛŋɔ hé ɔmɛ Korowii dɛ́ ɛ wa aa toɡra. Ásɛ dɛ bɛ nɛra baa wola Juu tena ɛɛ dɛ ɛ ya dɔma la ŋwɛnɛ tɛ, bá ba mamɛ yaa.

Yela 15:5

ne nɛn waa dɛ kemɛ suuɡa, waa wola a nee lɛ, ne nɛn waa wola sɛɛh baa yawɔ sen, dɛ di dansewea dawɛ nɛn waa wola wechɔɡa ɛɛ nɛ. Nɛn waa dɛ ɛ a ɡɛ waa nɔ bwa la, o wobɛlbwa ɛɛ do werii tɛo.

Aesaya 58:6

Nyoa vɔwa maa dɛ nyin laanee kɛŋɔ, hé foo nɛra baa wola wobɛlbwa ɛɛ ba do ba dea la ta. Hé lɛ nɛra baa dɛ fiɡ ba ásɛ ba dɔ ba te.

Ɛsekeɛl 18:13

O kemɛ o dɔŋ suuɡa aa, o dɛ lɛ a nee aa ɡwaa. A chɛ kɛ a ɡɛ nɛn nɔ so harɛ nɔ ta naa? Akai! O dɛ ɛ waa baa kia nɔ bwa, a chɛ kɛŋɔ á ɡure o nyu ta, bá kpoo.

Ɛsekeɛl 18:7

waa nomɛlbwa fiiɡi, o berɛ nomɛlbwa kon waa lɛa cheɡ mɔɔ dɛ kemɔ suuɡa la dɛɛ tɛo. Waa ŋwɛ, lɔr dɛ kpo nɛn aa, o dɛ tɛo kwaa wɛɛ di, nomɛlbwa waa wola yal dɔe la, o dɛ tɛo.

Ɛsekeɛl 18:8

Waa suuɡa kemɛ dɛɛ lɛ a nee dɛɛ ja. Waa wechɔɡa ɛ, o dɛ bol kasinteŋ nɛn ne o dɔŋ baah waa ta.

Maeka 2:1

Nɛra baa dɛ vɔrɔwe wechɔɡa, dɛ chɔ ba chɔɔbɔra dɛɛ vɔrɔwe wedoŋa la, bá bwɛɛlɛ. Tɔɔ perɔ chɔɔ aa, dɛ ba ɛ ba wechɔɡa la, dɛkalkɛ kpeɡri baa dɔa nomanta, bɛlbwa aa won tɔ ba ŋwɛnɛ.

2 Kɔrent 5:11

Yaa jemɛ ɡɛ Korowii aa do ɔma la waa ya bol waa dɛɛ baɡle nɛra ásɛ ba jemɛ kasinteŋ la. Korowii jemɛ ya bambile bini bwa. N dɛ lii kɛŋɔ he ɡe jemɛ ya nɛnsoore he bambile bini.

2 Kɔrent 5:20

Taraken nɔ, Yeesu Kristoo tomɛ yaa ŋɔ yá bol waa dɛɛ tɛo la. A kaa ɛ kɛŋɔ Korowiirii cheɡɛ ya nɛɛ dɛɛ bol waa nɛra be la. Ya cheɡɛ Yeesu Kristo naa ta dɛɛ soŋe heyaa kɛŋɔ, hé ɡel he ne Korowii baah kwaa he pɛ.

2 Kɔrent 6:1

Ya ne Korowii bwa aa pɛa dɛɛ ɛ toma nɔ, ya dɛ soŋe heyaa kɛŋɔ Korowii aa na he sum dɛ cha heyaa nɔ, he bɛ ɡel a ɛ pɛɛ.

Mmarare 15:2

Kenii chɛ kɛŋɔ he ɛ. Nomɛlbwa o dɔŋ Israel te aa kemɛ suuɡa o be la, a chɛ kɛŋɔ ó ɡel á ta. O bɛ suuɡa la lɛ kpa bwa. Korowii ɡbabirii tɛ ɡɛ ŋwɛnɛ la.