Nehemia 4:7 - mzwDBL

⁷ Ate, Sanbalat ne Tobia ne Arab ne Amɔn, dɛ Asdɔd tena aa noa kɛŋɔ Jerusalam danjwɛɛ baa bera kwaa dɛɛ ma la chemo dɛɛ nyin tona la, ba baah diu kɛrɛdɛ.

Nehemia 4:7 Iomraidhean Croise

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

2 Koranar 24:2

Korowii tomɛ laa tena le Babelɔn ne Siiria ne Moab, dɛ Amɔn harɛre ta ŋɔ bá ba yo Kooro Jehoiakim dɛ́ chɔɡ Juda harɛ, ɡɛ o fa aa cheɡɛ o bonɔɔna keamere nɛɛ dɛ bol ŋɔ wɛɛ ɛo la.

2 Webena 20:1

A habɔɔ la, Moab ne Amɔn dɛ Meuni tena vɔrɔwe laa, dɛ́ ba yo Juda Kooro Jehosafat ne o nɛra.

Ɛsra 5:8

N naa kooro, ya dɛ nyin he jemɛ kɛŋɔ ya la Juu tena harɛ ta, bela Korowii waa kana la Dea aa lole ba berɛ kwaa dɛɛ mao la. Bwejena nee baa mao, dɛ kpɔ dadɛɛɡa dawɛ o danjwɛɛre ta. Ba toma ɛɛ wer, dɛɛ kaa wɔrɔbe nɛ, ɡɛ baa chaɡ ba la.

Nehemia 2:10

Asɛ Sanbalat waa le Bɛt Hɔrɔn, ne Tobia waa ɛ Amɔn nomonome la bini bɛl noɔ kɛŋɔ nomɛl koh Israel tena kɛrɛdɛ doe wa dɛ ba, asɛ a we ba nɛ.

Nehemia 2:19

Asɛ Sanbalat waa ɛ Hɔrɔn te, ne Tobia waa ɛ Amɔn tena nomonome la bini bɛl, dɛ Gɛsem o ɡe aa ɛ Arab te noɔ, asɛ ba mamɛ dɛɛ muɡli ya baah ŋɔ, “Bɔkwa waa hɛɛ ɛ nɔɔ? Koojenii hɛɛ ba deŋnekpeɡ ɛɛ la.”

Nehemia 4:1

Sanbalat aa noa kɛŋɔ ya Juu tena berɔ kwaa dɛɛ ma Jerusalam danjwɛjen la, bwaawee lawɔ o baah di taeh, wɛɛ mamɛ yaa.

Nehemia 4:6

Anomanta, ya teŋɔ kwaa ma danjwɛɛ la ka tel bela waa kpeɡ ka tel la baah ta tonɛ, dɛkalkɛ nɛra la ɛ toma la sibeɡra ne.

Nehemia 4:8

Asɛ ba bwa pɛ, dɛ vɔrɔwe kɛŋɔ, bá ba yo Jerusalam, dɛ́ kpɔ sibeɡra ba ta nɛra baa lɔ bela nɛ.

Nehemia 6:16

Ya dɔma aa no waa nɔ la, harɛre nɛra baa soɡa bar yaa la ɔmɔ, ba liire bwa chɔɡ, dɛkalkɛ bɛlbwa nao kɛŋɔ, Korowii yaa dɛ tomɔ laanee cha yaa yá won tonɛ toma la bwa.

Jeremia 25:20

ne nɛŋhɔɔhra bwa baa lɔ bela, ne Us harɛ koranar ne Filisti koranar bwa, banɔ la baa le Askɛlɔn ne Gasa ne Ekron dɛ nɛra baa kaa dɛ do Asdɔd,

Jeremia 41:10

Ismael lawɛ nɛra baa ka Mispa la bwa, kooro bihaahna ne banɔ la baa jaa dɛ ka bela. Dɛ Nebusaradan waa chɔ kooro laa tena baa dɛ daahno nyoa, le Ahikam bibaa Gedalia o chɔ ba nyoa. Waa laɡ ba la, o ɡale Jɔɔdan Moo dɛ kpɔ sie chaɡɛ Amɔn tena harɛ pera dɛɛ kaa bane.

Emɔs 1:13

Korowii ŋɔ, “Amɔn tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba yo laa dɛɛ nyin ba harɛ do kan, anomanta, ba kpoo Gelead tekpoŋra, dɛ ya ba teene.

Emɔs 1:8

Mɛɛ ir koranar baa lɔ bwɛjena Asdɔd ne Askɛlɔn kora taa. Mɛɛ tɛr bwɛjen Ekron tena deŋnee, ásɛ Filisti tena baa kaa la bwa serewe. Men Nemenɛ Korowiirii bola.”

Emɔs 3:9

Emɔs ŋɔ Samaria nomonome be ŋɔ, “Hé la ka bol nɛra baa soɡe Asdɔd ne Ijipt dekpeɡa bini la be ŋɔ, ‘Hé ka cheme Samaria bwejena dor, dɛ́ na yoi we-ɛɛla ne fiiɡa baa dɛ fiiɡi nɛra bela.’ ”

We-ɛɛla 5:33

Nomonome la aa no Yeesu toroma la waa nɔ la, ba bwaawee iro kohona, ba fe ɛɛ nyin kɛŋɔ ba kpoo ba.

Wepila 12:17

Asɛ kontuuɡi damanta la baah di haah la nɛɛ kohona, o kpɔ ka tɔ haah la naanar baa kaa dɛɛ no Korowii Waa dɛɛ teŋɛ Yeesu danseɛ waa ba dɛ di la ta la nɛ.

1 Samoɛl 11:2

Anee Kooro Nahas chaŋe ŋɔ, “N ne hɛɛ fɔwɛ fɔwee yaa, webeŋkpoŋ taa aa ba cheɡa. Atane n fome he bini bɛlbwa diɡ siwi, ásɛ a ɛ sihihwa tɛ Israel tena bwa.”