Nehemia 4:17 - mzwDBL

¹⁷ yaa dɛ ma danjwɛɛ la habɔɔ. Banɔ la baa dɛ che danjwɛɛ la laala la, ba bwa ɛ beŋkpoŋ dɛɛ ɛ toma, bɛlbwa kpoŋe dɔmkon nɔn beŋkpoŋ ɡe ta.

Nehemia 4:17 Iomraidhean Croise

Nehemia 4:13

Anomanta, men Nehemia, n kpɔ nɛra la bane so danjwɛɛ la habɔɔ bela waa wola nyundua kaalɛ. N kpɔ ba so denaa ta, ba kpoŋe ba keri ne lampeare ne tori dɛ hɛma.

Nehemia 4:16

Le awola tɔpere dɛɛ kaa la, baala la pera ka dɛ ɛ danjwɛɛ la toma, asɛ bane ɡe kpoŋe lampeare, ne kwaa baa kpɔa dɛɛ tɔ ɡbemɡbe laa ta, ne tori ne hɛma, dɛ dɔmkwaa bwa soo siwi. Asɛ ya nomonome ba che ya Juda tena

Nehemia 4:18

Mamaala la bɛlbwa kpɔ kere sɛɡle o kɛɡre ta dɛɛ ɛ toma. Kɛ nɛn waa dɛ hoh laa bɛla la te soɡe n jwɛh.

Yela 149:6

Bá do lɔŋɔre dɛɛ kpɛɛ Korowii, dɛ́ kpoŋe tokobijen sie anɛ te waa nyɛɡa,

Yelsom 3:8

Ba bwa kpoŋe tokobie, dɛ bwa dɔ yoi wejema kɛrɛdɛ. Bɛlbwa tokobii sɛɡle o baŋ bɛl, dɛɛ kpa wobɛlbwa aa ba jwaana.

Daneɛl 9:25

Do waa nɔ dɛɛɡɔ dɛ́ jemɛ kɛŋɔ, le ɡɛ saŋ Korowii aa bola ŋɔ bá berɛ kwaa ma Jerusalam la, aa ɛ bene anuanɛ bele anuanɛɛ, ásɛ ba kwaa vɔrɔwe Jerusalam ɡɛ o fa aa doa la, dɛ́ berɛ kwaa o fɔɡbaahna, dɛ́ ma danjwɛkpeɡa baro bene anuanɛ bele fifraanumɛl dɛ anɛ mɔɔ nomoa Korowii aa leo la ba. Aa bao wahala saŋ.

Joel 2:8

Aa dɔŋa taɡɛ, bɛlbwa pa sie dɛɛ kaa. A dɛ jo bela waa kpeɡa dɛ́ le, wobɛlbwa aa wola an ɛ.

1 Kɔrent 16:13

Hɛ́ɛ nyiŋi he te kɛrɛdɛ ásɛ dɛ ta lawɛ waa la bini kiŋkiŋ. Hé dɔ bambile ásɛ dɛ ɡel lawa haa lawɛ waa la bini la do kpeɡri.

1 Kɔrent 16:9

dɛkalkɛŋɔ n dɔ bɔr bonɔ dɛ́ won ɛ Korowii toma kohona, ásɛ a le tɔnɔ dɛ tɛo. Nɛra baa dɛ nyin ba tɔ n toma ŋwɛnɛ la warɔ te.

1 Kɔrent 9:12

He dɛ tɛ bane ɡɛ. Dɛ ɡɛ nɛra la dɔ ɡɛ ŋwɛnɛ aa, amɔ dɛ ya te ta pɔeh yaa? Kɛ ya te aa ɡɛ kpeɡri la baɡle he nɛ, dɛ dɔ bambile wobɛlbwa ta dɛ bɛ Yeesu Kristo Amanesoma la ŋwɛnɛ tɔ.

2 Kɔrent 6:7

ne kasinteŋ bola ta, ne Korowii kpeɡri waa kpɔa cha yaa ta, dɛɛ baɡle kɛ Korowii bonɔɔnaa yan. Waa aa dɛ su Korowii siwi laanee ya dɔmkwa. A nee yaa yo diɡ ne ɡal ne, a nee yaa tɔ ya te ɡbemɡbe.

Felepae 1:28

dɛ́ berɛ dɔ bambile haa wola he dɔma ɔmɛ tamaa bɛlbwa bwa. He bambile dɔe la taa bá che jemɛ kɛŋɔ Korowii ɡbaɡba ɛɛ lɛ heyaa dɛ́ chɔɡ ba.

2 Timoti 2:3

Dɛ wekpeɡa pui toma nɔ ta naa, ɡel he bwara nyɛɡ kɛ Yeesu Kristo sooja ɡbaɡba.

2 Timoti 4:7

N yo yodɛɛɡe la dɛ tonɛ, dɛ chwa chwae la ɡe tonɛ. Amanesoma maa dɛ yaradaa la ta ɡe, n ta habɔɔ leɛ.