Nehemia 4:16 - mzwDBL

¹⁶ Le awola tɔpere dɛɛ kaa la, baala la pera ka dɛ ɛ danjwɛɛ la toma, asɛ bane ɡe kpoŋe lampeare, ne kwaa baa kpɔa dɛɛ tɔ ɡbemɡbe laa ta, ne tori ne hɛma, dɛ dɔmkwaa bwa soo siwi. Asɛ ya nomonome ba che ya Juda tena

Nehemia 4:16 Iomraidhean Croise

Nehemia 4:15

Ya dɔma noɔ kɛŋɔ ya jemɛ vɔrɔwa baa vɔrɔwa la, dɛ berɛ na kɛŋɔ Korowii chɔɡ ba wa. Ate, ya bwa berɛ ba danjwɛɛ toma la ta, bɛlbwa baa ɛ o toma.

Nehemia 4:17

yaa dɛ ma danjwɛɛ la habɔɔ. Banɔ la baa dɛ che danjwɛɛ la laala la, ba bwa ɛ beŋkpoŋ dɛɛ ɛ toma, bɛlbwa kpoŋe dɔmkon nɔn beŋkpoŋ ɡe ta.

Nehemia 4:23

N ne n bala ne nɛra baa dɛ ɛ toma dɛ banɔ la baa dɛ daah dɛ ja n nɛɛ la, bɛlbwa ta o laala waa doa la foore bil. Bɛlbwa dɛ kpoŋe o dɔmkon hale o dɛ nyɔ ne.”

Yela 101:6

Mɛɛ ɡeloo n sie do n nɛra Israel tena ba wa aa dɔ kasinteŋ la nɛ, ásɛ n ne ba pɛ so n koodem. Nɛra ba wa aa wera kɛrɛdɛ laanee mɛɛ ba ɡela baa tom mɛ.

Kaala 28:32

ásɛ dɛ pere o baah ta ó ɛ o nyu bɔr. A chɛ kɛŋɔ bá sɔh o nyu bɔr nyoa la bar kɛrɛdɛ o bɛ won kɛɛ.

Yelsom 3:8

Ba bwa kpoŋe tokobie, dɛ bwa dɔ yoi wejema kɛrɛdɛ. Bɛlbwa tokobii sɛɡle o baŋ bɛl, dɛɛ kpa wobɛlbwa aa ba jwaana.

Jeremia 46:4

Hé kpɔ kwaa darawe jaɡre nɛ, dɛ́ teeh so a ta. Bɛlbwa ka che o chebɔr, dɛ́ kpɔ o ɡbɛrɛ pi. Hé sar he lampeare nyoo dɛ́ kpɔ he laa laala do.