Nehemia 4:14 - mzwDBL

¹⁴ N iro dɛ ka na kɛŋɔ a ɛ waa tɛ nɛra la, anomanta, n ŋɔ ba ne ba sitɔɔla ne ba nomonome, ne banɔ la baa jaa la bwa be ŋɔ, “He bɛ ban ɔmɛ, hé lii ɡɛ Korowii aa do kan dɛ do ɔma kohona, ásɛ dɛ yo tɛ he bwɛɛ tena, ne he bibaala ne bihaahna, ne he haahna dɛ he deremi.”

Nehemia 4:14 Iomraidhean Croise

2 Samoɛl 10:12

Dɔ bambile, dɛ́ che kiŋkiŋ, dɛ́ ɡel ya won yo bansua ne lɛ ya nɛra ne Korowii bwɛjena cheɡ. Waa aa too Korowii tea laanee wɛɛ ba ɛɛ.”

2 Webena 32:7

“Hé che kiŋkiŋ, hé dɔ bambile. He bɛ ɔmɛ, he bɛ ɡel he bwara yɔr Asiiria koojen ne o laa tena baa wara kohona nɔ wa. Kpeɡri waa ja ya nɛɛ la ɡwaa kpeɡri waa ja ba nɛ.

Nehemia 1:5

“N Naa Korowii haa dɛ di kora nyundua, he kan dɛ do ɔma kohona. He dɛ teŋɛ fɔo he ne nɛra baa dɛ nyini aa fɔwa, dɛɛ teŋɛ he Mmarare ta kasinteŋ ne.

Job Tɔn 37:22

Korowii jirima le weekaŋle nyunduabɔr dɛɛ ba kɛ suuɡaswɛm, ya na o jirima waa kana la dɛɛ ɔmɛ.

Yela 143:5

N lii tɔpera aa baa kaa la, dɛ lii toma haa ɛa bwa naa, n dɛ na we-ɛɛla haa ɛa bwa.

Yela 20:7

Nɛra bane dɛ hwɛɡɛ kwaa aa do kɛŋɔ torɔɡore ta, bane ɡee hwɛɡɛ ba jaɡre nɛ, kɛ ya te, Korowii yaa dɛ tomɔ la nɛɛ yaa hwɛɡɛ.

Yela 27:1

Korowii do kɛ kandea dɛɛ chaah mɛ, dɛ ɛ n Lɛɛ, maa nomɛlbwa ɔmɛ. Korowiirii ɛ n Kpeɡnɛn n chwa kaa marɔ, maa ɔmɛ bwa.

Yela 46:11

Nemenɛ Korowii ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Yela 65:5

N Naa Korowii haa dɛ lɛ yaa, he cheɡɛ he nyokpowe-ɛɛla ta, dɛ no ya wesoŋa. He nɛɛ nɛra baa lɔ harɛ jaɡa bwa, ne banɔ la baa lɔ mpo jaɡa bwa ɛɛ hwɛɡɛ.

Yela 66:3

Hé ŋɔ Korowii be ŋɔ, “He we-ɛɛla dɔ nyokpoa, he kpeɡri haa dɔa ɡe do kan kohona a ɡel he dɔma kpɔ ɔmee baa ɡuŋi he sie.

Yela 66:5

Hé ba, dɛ́ ba na waa Korowii aa ɛa, nyokpowe-ɛɛla waa koh nɛwɛnyina waa dɛ ɛ.

Kaala 14:14

Korowiirii dɛ́ yo tɛ heya, hé te hel.”

Kaala 14:25

O ɡelɔ kwaa aa do kɛŋɔ torɔɡore la nakpale chɔɡ a tɛɡra do kpeɡri. Asɛ Ijipt tena la ŋɔ, “Hé ɡel ya ɡel Israel tena nɔ nɛɛ teŋa oo! Korowiirii cha ba dɛɛ yo yaa la.”

Wejereme 12:1

He taa lɔ he bonɔɔne saŋ ta la, dɛɛ lii Korowii waa tae wa, mɔɔ tɔpechɔɡa haa wola won ɛ wobɛlbwa la ba. Ásɛ tɔpere bɛl habɔɔ mɔɔ he lii ŋɔ, “N sie aa n soɡa ta lɛ kpa,”

Daneɛl 11:32

Siiria kooro la ɛɛ neɡre nɛra baa koni fɔo baa fɔwa laanee, kɛ banɔ la baa jemɛ Korowii baa dɛ tomɔ la ɛɛ cheo kiŋkiŋ, dɛ́ yoo.

Sekaria 14:3

Korowii ɛɛ leo, dɛ́ ka yo a ɡɛ harɛre la nɛra ɡɛ waa dɛ yo saŋ la.

Nɛra Kura 14:9

He bɛ ɡaeh lɛ Korowii nɛɛ dɛ vɛoh. He bɛ harɛ la ta nɛra ɡe ɔmɛ. Yaa wono pɔ ba nɛ, kwaa baa kpɔ ba te dawɛ a ta la toole kpa. Korowii teŋɛ ya nɛ, he bɛ ban ɔmɛ.”

Matiu 10:28

He bɛ nɛra baa dɛ ba wona kpo heya, baa wola won kpo he lileo la ɔmɛ, kɛ hɛ́ɛ ɔmɛ Korowii waa dɛ ba wona chɔɡ bwadabii ne lileo la bwa Bɔnsam nii ta la.

Mmarare 1:21

Hé na, Korowii kpɔ harɛ la do he nɔn ta. Hé teeh ka kpɔ, ɡɛ Korowii he naawa aa tomɔ aa ŋɔ he be la. He bɛ ɔmɛ, he bɛ ɡel he bambile chɔɡ.’

Mmarare 10:17

Korowii haa dɛ tomɔ nɔ ɡwaa voɡa bwa, onee dɔɔranar bwa Dɔɔ, O kan, o waa do ɔma kohona. Waa nɛn siebɔr nyiŋi, haa won yawɔ sen ɡe.

Hibru 13:6

Anomanta, yaa wonoo lɔ bambile ŋɔ, “N Naa Korowii dɛ cha mɛ, anomanta, maa ɔmɛ. Ɛrɛɛ nɛwɛnyini ɛɛ ba wona ɛɛ mɛ nɔ?”

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”

Sitɔɔla 3:27

Waa tel Efrem deŋɡarere harɛ ta la, o hoh bɛla yerɛ Israel tena, asɛ ba teŋɛ o nɛɛ le deŋɡarere la dor o tɔ ba sie ba kaa laa.