Nehemia 3:5 - mzwDBL

⁵ Tekoa baala kwaarɔ ma bampera, kɛ bwɛɛ la sitɔɔla ta ba te kpɔe ja nɛra baa dɛ nyiŋi toma la ta nɛ.

Nehemia 3:5 Iomraidhean Croise

2 Samoɛl 14:2

Anomanta, o ɡelɔ ba ka kpɔ haah bɛl waa jemɛ waa kohona le Tekoa ba. Haah la aa bala la, o ŋɔ o be ŋɔ, “Saah ɛ he te kɛŋɔ haa lɔ lwe ta ken. Li he lweyal dɛ bɛ toli di. Ɛ he te kɛŋɔ haah waa lɔ lwe ta biɡri.

2 Webena 11:6

Bɛtlɛham ne Etam dɛ Tekoa,

Nehemia 3:27

Asɛ Tekoa baala ɡe kwaa ma choŋi le dejaŋ waa tɔ Korowii Dea la bɔr, dɛ ka tel Ofel danjwɛɛ ta.

Nehemia 3:4

Uria bibaa Mɛremɔt o nabaa aa ɛ Hakɔs ne o nɛra ɡe ma choŋi. Bɛrekea bibaa Mɛsolam o nabaa aa ɛ Mɛsesabɛl ne o baala ma choŋi. Asɛ Baana bibaa Sadɔk ne o baala ɡe ma choŋi.

Nehemia 3:6

Pasea bibaa Joiada ne Besodiya bibaa Mɛsolam ɡe berɛ kwaa ma Jesana Doonyoa. Ba kpɔ doli ne ɡbeni do o ta, dɛ kpɔ bune baa kpɔ dɛɛ karɛ ɡbera la do o ta.

Jeremia 27:12

Men Jeremia fa tɔ sie bol ɡɛ waa nɔ tenten baɡle Juda Kooro Sedekia ŋɔ, “Kpɔ he te do Babelɔn kooro lɔɡa. He ne he nɛra tomɔ ásɛ dɛ dɔ he nyu.

Jeremia 27:2

ń kpɔ oltɔn ŋwɛɛra vɔwɛ da, dɛ́ kpɔ dawɛ n baŋa ta kɛŋɔ ba yon kpɔ daa dawɛ nae nɛ aa parɛ la.

Jeremia 27:8

Kɛ dɛ harɛ bɛlbwa nɛra ta sɛɛh dɛ kpɔ ba te do o lɔɡa aa, mɛɛ ɡeloo bá kpoo ba laa ta, kɛɛ dɛ́ kpɔ lɔr ne weechɔɡa ba ta ba nɛ, á ɛ ba deŋnetɛra ka tel kɛŋɔ maa ɡela Kooro Nebukadnesa aa chɔɡ ba kwaraa.

Jeremia 6:1

Bɛnjamen dea tena, hé chwa le Jerusalam dɛ́ dɔ he nyu. Hé hoh bɛla la Tekoa, ásɛ dɛ choŋi nii Bɛt Hakerem ɡe, á baɡle kɛ siswɛm balɔ. Wekpeɡa ne harɛchɔɡ le weekaŋle nyunduabɔr dɛɛ ba.

Emɔs 1:1

Baa bɛl sɔne Emɔs, dɛ o ɛ peteɡre dɛ so Tekoa. Korowii pili waane aa dɛ ba Israel harɛ ta bala baɡlo chaahna ta, bene anɛ mɔɔ harɛ jiɡra bɛl chiɡ Israel harɛ ta. Gɛ saŋ dɛ Kooro Ussia di kora Juda harɛ ta, asɛ Jehoas bibaa Kooro Jɛroboam ɡe di kora Israel harɛ ta.

Matiu 11:29

Gɛ baa kpɔ daa dawɛ nae anɛ nɛ a pɛ dɛɛ ɛ toma la, hé ɡel n ne he pɛ ɛ ɡɛ, ásɛ he hweli le n be, dɛkalkɛ n pwɛre, maa mbarafo ɡe ɛ. He ɛ ɡɛ naa, haa koeh ba.

We-ɛɛla 15:10

Aah dɛ ɛrɛ waa hɛɛ nyin kɛ he daah Korowii dɛ na nɔɔ? Dɛ bontɔɡa ya ne ya naawa bwa fa aa wola wone che la laa hɛɛ nyin he kpɔ choɡ ba nɔ naa?

1 Kɔrent 1:26

Yabala, hé lii ɡɛ haa doa asɛ Korowii le heyaa ŋɔ hɛ́ɛ teŋɛ o nɛɛ la. He ɡalɡa ta wejerema ɛɛ nɛra be. He ɡalɡa ɡe ta nɛnjena ɛɛ nɛra be. He bwa ɡe laa ɛ koobii.

Sitɔɔla 5:23

Korowii nyundua torome bolɔ ŋɔ, ‘Taah Mɛrɔs bwɛ, dɛ́ taah nɛra baa lɔ bwɛɛ la ta kohona. Ba ta Korowii ba chae. Ba ta leɛ dɛ ba yo Korowii dɔma ba bwara aa kpeɡa.’