Nehemia 3:1 - mzwDBL

¹ Nɛra baa kwaara ma danjwɛɛ waa bar Jerusalam laanee Sɔfonomoa Eliasib ne o bala. Ba kwaarɔ ma Peera Doonyoa dɛ do o ɡbeni, dɛ ma danjwɛɛ kaa Lafa Dejaŋ ne Hananɛl Dejaŋ ta, dɛ kpɔ do Korowii nɔn ta.

Nehemia 3:1 Iomraidhean Croise

Nehemia 12:10

Jesua lolɛ Joiakim, Joiakim lolɛ Eliasib asɛ Eliasab lolɛ Joiada,

Nehemia 12:30

Sɔfore la ne Lewi dea tena la ɛ we-ɛɛla, dɛ laa doŋa bɛlbwa kpɔ ba nɛɛ Korowii be pera, ne nɛra la ne doonyoo, dɛ danjwɛɛ waa bar bwɛjen la bwa ta.

Nehemia 12:39

dɛ le bela ka ɡarɛ Efrem ne Jesana ne Pɛŋa Doonyoo, ne Hananɛl ne Lafa Dejaŋa, dɛ kaa Peera Doonyoa la ta. Yaa vala ka tel doonyoa waa bɛne Korowii Dea la, asɛ ya che.

Nehemia 13:28

Dɛ Sɔfonomoa Eliasib bibaa Joiada ɡe bibaa bɛl mo Sanbalat waa le Bɛt Hɔrɔn bihaah. Anomanta, n doŋi o bibaa la le Jerusalam.

Nehemia 13:4

Gɛ waa nɔ aa wola balɛ mɔɔ la, dɛ sɔfo Eliasib dɛ nyiŋi deene baa dɛ cheɡ laala a bini Korowii Dea. Dɛ o ne Tobia som.

Nehemia 3:20

Sabai bibaa Baruk ɡe kpɔ sibeɡra kwaa ma choŋi o ta, ka tel sɔfo Eliasib dem doonyoa.

Nehemia 3:21

Uria bibaa Mɛremɔt, o nabaa sɔne Hakɔs, on ɡe kwaara ma choŋi sɔfo Eliasib dem doonyoa bampera kaa o jaɡa.

Nehemia 3:32

Nɛra baa dɔ suuɡaswɛm kpɔe dɛ ɛ kwaa wejema ne bonadiire la kwaarɔ ma danjwɛɛ waa kaa la choŋi, dɛ le dea waa lɔ loŋkora dɛ kaa Peera Doonyoa la ta.

Nehemia 6:1

Sanbalat ne Tobia ne Arab te Gɛsem, dɛ ya dɔma baa kaa aa noa kɛŋɔ n berɔ kwaa ma danjwɛɛ la tonɛ, bojeɡaa bɛlbwa ta kae, a lole kɛŋɔ dɛ n ta ɡbeni o doonyoone la ta doe mɔɔ la,

Nehemia 7:1

Danjwɛɛ la kwaara dɛ ma aa tona asɛ n do o doonyoo ɡbeni la, men Nehemia le nɛra baa so doonyoa la ta dɛɛ daah, dɛ le Korowii Dea yelɡoola ne Lewi dea tena baa dɛɛ ɛ toma Korowii Dea, dɛ kpɔ ba tomare do ba nɔn ta.

Yela 30:1

N Naa Korowii, mɛɛ kpɛɛree, dɛkalkɛ he lɛɛ mɛ, he ta ɡelɛ n dɔma mam mɛ.

Yela 48:12

Hé valɛ bar Saayɔn, dɛ́ kure o dejaŋa,

Sɛɡla 3:6

Wobɛlbwa haa dɛ ɛ la, lii Korowii wa, ásɛ o baɡle ŋwɛnɛdɛɛɡe hé kpɔ o ta.

Sɛɡla 3:9

Kpɔ he kondɔɔh, ne he koo kondikonloɡla tɛ Korowii, dɛ́ kpɔ duuru.

Jeremia 31:38

Tɔpera ane dɛ́ ba ásɛ ba berɛ kwaa ma bwɛjen Jerusalam n sɔn ta, dɛ́ le Hananɛl Dejaŋ wee cholibɔr, dɛ́ kaa Loŋkora Doonyoa la ta.

Daneɛl 9:25

Do waa nɔ dɛɛɡɔ dɛ́ jemɛ kɛŋɔ, le ɡɛ saŋ Korowii aa bola ŋɔ bá berɛ kwaa ma Jerusalam la, aa ɛ bene anuanɛ bele anuanɛɛ, ásɛ ba kwaa vɔrɔwe Jerusalam ɡɛ o fa aa doa la, dɛ́ berɛ kwaa o fɔɡbaahna, dɛ́ ma danjwɛkpeɡa baro bene anuanɛ bele fifraanumɛl dɛ anɛ mɔɔ nomoa Korowii aa leo la ba. Aa bao wahala saŋ.

Sekaria 14:10

Harɛ la bwa, dɛ le Geba kaa Remɔn waa lɔ Jerusalam weekaŋle harɛbɔr ɛɛ chɔɔ kaa Jɔɔdan Moo la ta. Ásɛ bela Jerusalam aa lole la dawɛ nyundua o buɡ ta, dɛ́ le Bɛnjamen Doonyoa dɛ́ kaa bela Doonyoa Waa Tɔ Sie la aa lole la, ne Loŋkora Doonyoa, dɛ́ teŋe kaa Hananɛl Dejaŋ, dɛ́ kaa bela baa dɛ harame kooro daa nɔna nee dɛ kpɔ dɛɛ ɛ sen la ta.

Amanesoma Jɔn Aa Chwera Tɔn 5:2

Dɛ tam bɛl chɔ Jerusalam asɛ Juu tena ɛɛ yerɔ Bɛtsata Hibru wobol ta. O chɔɔ bɛne Peera Doonyojen la. Tam la nyoa la, ba ɛ soŋnibɔra bele anue dɛ tɔa.

Mmarare 20:5

Ásɛ laa sitɔɔla la ŋɔ laa tena la be ŋɔ, ‘Dɛ bɛlbwa do demfale o ta on pile dɛ ka so o ta mɔɔ naa, ó berɛ kaa dem. Dɛ ɡɛ laa o kaa ka laa la ta naa, nɛnfalee dɛ́ pili dea la, dɛ́ so o ta.