Nehemia 2:7 - mzwDBL

⁷ Asɛ n berɛ ŋɔ Koojen Atasɛksɛs be ŋɔ, “Dɛ a too he tea aa, cha mɛ dɛ́ chwerɛ tɔne tɛ mɛ ń kpɔ ka tɛ nomonome baa dɛ nyiŋi Yufretis Moo wee cholibɔr baŋ harɛre ta la, ásɛ ba nyiŋi n nɛ, dɛ́ tɛ mɛ ŋwɛnɛ ń won kaa Juda harɛ ta sɔnɔnɔɔ.”

Nehemia 2:7 Iomraidhean Croise

Ɛsra 6:6

Ate, Koojen Dareɔs chaŋe dɛ ŋɔ, “Name Tatenai waa ɛ nomonjen dɛɛ nyiŋi Yufretis Moo wee cholibɔr harɛ ta, ne Sɛta Bosenai ne he bala nomonome haa lɔ harɛ la ta la, hé le bela kaa.

Ɛsra 7:21

Taraken, men Koojen Atasɛksɛs dɛ do Yufretis Moo wee cholibɔr harɛ nɛra baa dɛ cheɡ n harɛ suuɡare la ŋɔ, bá do sie tɛ sɔfo Ɛsra waa ɛ Korowii Waa Dɛ Di Kora Nyundua chicha dɛɛ baɡle o Mmarare bini la komɛlbwa waa dɛ nyin,

Ɛsra 8:22

Dɛ sihiih dɛ kpo mɛ kɛ n soŋe laa tena ne nɛra baa soɡe jaɡre ta le koojen be ŋɔ, bá tɔ yaa ɡbemɡbe le ya dɔma baa lɔ ŋwɛnɛ ta la be, dɛkalkɛŋɔ ya ŋɔ koojen la be ŋɔ Korowii dɛ sune nomɛlbwa waa kpɔ o te dɛɛ tɛo nɛ, kɛ nɛra baa vɛoh la te, o baah ɛɛ diu kohona ó tɛr ba deŋne.

Ɛsra 8:36

Ba berɔ kpɔ tɔn koojen la fa aa kpɔa tɛɛ ba la tɛ nomonome baa dɛ nyiŋi harɛre aa lɔ Yufretis Moo wee cholibɔr harɛ, ne o nomonome bwa, asɛ ba cha nɛra la ne Korowii Dea toma la.

Nehemia 2:9

Koojen Atasɛksɛs kpɔ laa nomonome ne banɔ la baa soɡe jaɡre ta ba ja n nɛ, asɛ n la Yufretis Moo wee cholibɔr harɛ ta, dɛ ka kpɔ tɔne waa chwera tɛ nomonome baa dɛ nyiŋi bela harɛre ta la ka tɛɛ ba.

Nehemia 3:7

Asɛ Melatia waa le Gebeɔn ne Jadɔn waa le Mɛrɔnɔt, ne Gebeɔn dɛ Mispa baala ɡe ma choŋi ka tel harɛ nomoa waa lɔ Yufretis Moo wee cholibɔr dem.