Nehemia 2:6 - mzwDBL

⁶ Anee koojen la ne o haah waa soɡe o jwɛɛh bɔɔ mɛ ŋɔ, “Tɔpera aŋwɛnɛɛ hɛɛ ba kpɔe dɛ́ tel bela, dɛ́ berɛ ba nɔ?” Dɛ koojen la tea toorɔ kɛŋɔ ó ɡel n kaa, anomanta, n doo tɔpere.

Nehemia 2:6 Iomraidhean Croise

Nehemia 1:11

Cheɡ deŋne no n wesoŋa ne he bonɔɔna baa dɛ nyin ba kpɔ duure tɛɛ la wesoŋa. Gel a chiɡ mɛ kɛrɛdɛ fini, dɛ́ ɡel koojen na n sum.” Gɛ saŋ dɛ menee dɛɛ do Koojen Atasɛksɛs sen.

Nehemia 13:6

Gɛ waa nɔ bwa aa dɛ ɛ la, dɛ men Nehemia toole Jerusalam, dɛkalkɛ Babelɔn Koojen Atasɛksɛs aa di kora bene fifraatoro dɛ anɛ taa n berɛ kaa o be. A habɔɔ n soŋo ŋwɛnɛ,

Nehemia 2:4

Ate, Koojen Atasɛksɛs ŋɔ n be ŋɔ, “Bɔkwaa hɛɛ nyin kɛ n ɛ́ tɛɛ nɔ?” Asɛ n soŋe Korowii Waa Dɛ Di Kora Nyundua,

Nehemia 2:5

dɛ chaŋo ŋɔ, “N naa kooro, dɛ he tea too men maa ɛ he bonɔɔ nɛɛ he no n wesoŋa nɔ naa, ɡel ń kaa Juda harɛ ta, bwɛjen Jerusalam baa huɡe n naawa la ta, dɛ́ ka kwaa vɔrɔwo.”

Nehemia 5:14

Koojen Atasɛksɛs di kora bene fifraatoro dɛ anɛ. Waa di kora bene fifraanɛ ta la, o le men Nehemia mɛɛ nyiŋi Juda harɛ ta bene fi dɛ anɛ. Gɛ saŋ la bwa la, ba ta men kɛɛ n lolanar kondikwaa aa chɛ nomoa waa dɛ nyiŋi harɛ la ta tɛɛ n di.

Aesaya 58:12

Ásɛ he nɛra won berɛ kwaa vɔrɔwe saŋ la bwɛɛre aa paɡra, dɛ berɛ dimɡbeeni la cheɡ a buɡ ta. Baa yerɛ heyaa nɛra haa won danjwɛɛre aa kuuɡa kwaaraa, ne nɛra haa won deene aa choɡla mae.”

Aesaya 61:4

Baa berɔ kwaa vɔrɔwe saŋ la bwɛjena aa paɡra la. Bwɛɛre aa berɛ dimɡbia dɛ chɔ le saŋ la ba tel fini bwa.

Aesaya 65:24

Ba ne ŋɔ ba soŋ mɛ tonɛ la, dɛ n noɔ dɛ́ chaŋe. Ba taa dɛ bol kwaraa la, dɛ n te jemɔ.

Daneɛl 9:25

Do waa nɔ dɛɛɡɔ dɛ́ jemɛ kɛŋɔ, le ɡɛ saŋ Korowii aa bola ŋɔ bá berɛ kwaa ma Jerusalam la, aa ɛ bene anuanɛ bele anuanɛɛ, ásɛ ba kwaa vɔrɔwe Jerusalam ɡɛ o fa aa doa la, dɛ́ berɛ kwaa o fɔɡbaahna, dɛ́ ma danjwɛkpeɡa baro bene anuanɛ bele fifraanumɛl dɛ anɛ mɔɔ nomoa Korowii aa leo la ba. Aa bao wahala saŋ.