Nehemia 2:4 - mzwDBL

⁴ Ate, Koojen Atasɛksɛs ŋɔ n be ŋɔ, “Bɔkwaa hɛɛ nyin kɛ n ɛ́ tɛɛ nɔ?” Asɛ n soŋe Korowii Waa Dɛ Di Kora Nyundua,

Nehemia 2:4 Iomraidhean Croise

2 Samoɛl 15:31

Dɛ ba ŋɔ Kooro Devid be kɛŋɔ Ahetofɛl ja Absalɔm nɛra o ne baa dɛ vɔrɔwe waa la nɛ. Anomanta, Kooro soŋɔ ŋɔ, “N Naa Korowii, ɡel Ahetofɛl liire bwa berɛ wepuu.”

1 Koranar 3:5

Waa lɔ Gebeɔn bela la, Korowii ba o be jwaana deera ta dɛ ba ŋɔ o be ŋɔ, “Baɡle komɛlbwa haa dɛ nyin ásɛ n kpɔ tɛɛ.”

Nehemia 1:11

Cheɡ deŋne no n wesoŋa ne he bonɔɔna baa dɛ nyin ba kpɔ duure tɛɛ la wesoŋa. Gel a chiɡ mɛ kɛrɛdɛ fini, dɛ́ ɡel koojen na n sum.” Gɛ saŋ dɛ menee dɛɛ do Koojen Atasɛksɛs sen.

Nehemia 1:4

Maa no waa nɔ la, n soɡo dɛ wi. N wio la sie tɔpere bɛl tama dɛ vɔwɛ nyoa, dɛ soŋe Korowii Waa Dɛ Di Kora Nyundua ŋɔ,

Nehemia 1:5

“N Naa Korowii haa dɛ di kora nyundua, he kan dɛ do ɔma kohona. He dɛ teŋɛ fɔo he ne nɛra baa dɛ nyini aa fɔwa, dɛɛ teŋɛ he Mmarare ta kasinteŋ ne.

Nehemia 2:20

Asɛ n chaŋ ba ŋɔ, “Korowii Waa Dɛ Di Kora Nyundua ɛɛ ɡeloo wobɛlbwa kaa kɛrɛdɛ tɛ yaa. Yan yaa ɛ o bonɔɔnaa ɛɛ pa munii dɛɛ ma. Kɛ he te nɔn toole Jerusalam komɛlbwa ta. He toole o saŋ la waa ɡe ta.”

Nehemia 2:5

dɛ chaŋo ŋɔ, “N naa kooro, dɛ he tea too men maa ɛ he bonɔɔ nɛɛ he no n wesoŋa nɔ naa, ɡel ń kaa Juda harɛ ta, bwɛjen Jerusalam baa huɡe n naawa la ta, dɛ́ ka kwaa vɔrɔwo.”

Ɛsta 5:3

Kooro bɔɔro ŋɔ, “N haah Ɛsta, a som tenaa? Bɔkwaa hɛɛ nyin ɔ? Wobɛlbwa haa dɛ nyin la, mɛɛ ɛo tɛɛ. Hale harɛ maa dɛ di kora o ta nɔ peraa hɛɛ nyin kwaaraa naa, mɛɛ tɛɛ.”

Ɛsta 5:6

Baa dɛ nyɔ sen la, kooro bɔɔ o haah Ɛsta ja ŋɔ, “Bɔkwaa hɛɛ nyin kɛ ń ɛ tɛɛ nɔ? Hale harɛ maa dɛ di kora o ta nɔ peraa hɛɛ nyin kwaraa naa, mɛɛ tɛɛ.”

Ɛsta 7:2

Baa dɛ nyɔ sen ba kondikonjena nɛɛtena dii ta la, kooro bɔɔ o haah Ɛsta ja ŋɔ, “Ɛsta, bɔkwaa hɛɛ nyin ɔ? Hale harɛ maa dɛ di kora o ta nɔ peraa hɛɛ nyin kwaraa naa, mɛɛ tɛɛ.”

Yela 136:26

Hé kpɔ jam tɛ Korowii Waa Dɛ Di Kora Nyundua O nyina lole saŋ bɛlbwa dɛɛ la.

Sɛɡla 3:6

Wobɛlbwa haa dɛ ɛ la, lii Korowii wa, ásɛ o baɡle ŋwɛnɛdɛɛɡe hé kpɔ o ta.

Amanesoma Mak Aa Chwera Tɔn 10:51

Belaa Yeesu bɔɔro ŋɔ, “Bɔkwaa he ŋɔ ń ɛ tɛɛ nɔ?” Asɛ nyoŋe la ŋɔ, “Nomoa, n dɛ nyin ń won dɛɛ na.”

We-ɛɛla 23:19

Belaa nomoa la lawɛ bonɔɔ la nɔn dɛ le o ne bokɛre dɛ pɛɛro ŋɔ, “Bɔkwa waa he dɔ dɛɛ nyin he bol n be nɔ?”

Felepae 4:6

He bɛ ɡel wobɛlbwa ha heya, kɛ hé kpɔ wobɛlbwa dɛɛ do Korowii nɔn ta dɛɛ soŋo waa aa hiah heya, dɛ́ɛ jaamo kɛ waa dɛ no he wesoŋa.