Nehemia 2:3 - mzwDBL

³ Anee n chaŋe ŋɔ, “N naa kooro, Kórowii tɛɛ mkpajaŋ! Bɔkwaa dɛ́ ɡel n waa aa wola sumii doɔ? Bwɛjen baa huɡe n naawa o bini paɡrɔ dɛ berɛ dimɡbia, o doonyojen ɡbeni ɡe bwa fuh.”

Nehemia 2:3 Iomraidhean Croise

1 Koranar 1:31

Asɛ Batsiiba ba ɡuŋi Kooro Devid sie dɛ ŋɔ, “Kórowii tɛ Kooro Devid mkpajaŋ!”

2 Koranar 25:8

Babelɔn Kooro Nebukadnesa aa di kora bene fi dɛ anuanaarɛ, korobie anue tɔpera anuanɛ ta la, o laa sitɔɔ Nebusaradan la Jerusalam.

2 Webena 21:20

Kooro Jehoram aa di kora dɛ o di bene fifraatoro dɛ anɛ. O soɡe Jerusalam di kora bene anuatoro. O seo ta nomɛlbwa nɛɛ weɛ. Ba huɡo Jerusalam waa ɛ Kooro Devid Bwɛjen ta, kɛ bela baa dɛ huɡe koranar la laa.

2 Webena 28:27

Kooro Ahas sewɔ, asɛ ba ka huɡo Jerusalam waa ɛ Kooro Devid Bwɛjen ta. Kɛ ba ta on koranar huɡribɔr huɡe, asɛ o bibaa Hɛsɛkea ba chiɡ o naa ta, dɛ di kora.

2 Webena 32:33

Kooro Hɛsɛkea sewɔ ka pu o naawa, asɛ ba huɡo deŋɡare bɛl ta, bela baa dɛ huɡe Kooro Devid naanar. Juda ne Jerusalam tena bwa kpɔ duure tɛo o serewe wee. Asɛ o bibaa Manasɛ ba chiɡ o naa ta, dɛ di kora.

2 Webena 36:19

O ɡelɔ ba fuh Korowii Dea la, dɛ kuuɡi danjwɛɛ waa bar Jerusalam la, dɛ fuh kooderemi bwa ne komɛlbwa a yoɡ aa kpeɡa bwa.

Nehemia 1:3

Anee ba ŋɔ n be ŋɔ, “Banɔ la baa laɡ ba laa ta kaa bojaŋ harɛ ta la balɔ. Ba lɔ wahala ne sihiih ta. Danjwɛɛ waa bar Jerusalam la kuuɡo, asɛ bwɛɛ la doonyojen ɡbeni la ɡe, ba fuah a ɛ tɔɔ.”

Nehemia 2:13

Asɛ n kpɔ Fɛlembɔjen Doonyoa ta awola jwaana, dɛ kpɔ bobɛl baa dɛ yerɔ Kalampoŋa Kɔlɔŋ ne Puldoa Doonyoa dɛɛ nyiŋi Jerusalam danjwɛjena baa kuuɡa, ne ɡɛ baa fuh o doonyoone bwa la.

Ɛsta 8:6

Ɛrɛɛ mɛɛ ba wona so nyiŋi, ásɛ wechɔɡa nɔ bwa dɔŋa chiɡ n nɛra Juu tena nɛɔ? Maa won so nyiŋi bá kpoo n dem nɛra.”

Yela 102:14

Yan yaa ɛ he toroma sie dɛ lɛ bwɛjen Saayɔn wa, a lole kɛŋɔ o bwa paɡrɔ kwaraa.

Yela 102:15

Harɛre nɛra bwa ɛɛ ɔmɛ Korowiirii, ásɛ koranar baa lɔ harɛ nɔ ta bwa ɡe kpɛɛ o jirima waa dɔa.

Yela 137:6

Dɛ n ta he waa liire kɛŋɔ henee dɛɛ tɛ mɛ silɛɛ kohona naa, Korowii ɡel n bɛ won ɡo yela kpa.

Yela 38:7

N nyaŋ dɛ nyaa mɛ, dɛɛ wee mɛ, n bokpeɡa tonɛ.

Jeremia 52:12

Babelɔn Kooro Nebukadnesa aa di kora bene fi dɛ anuanaarɛ, korobie anue tɔpera fi ta la, o laa sitɔɔ Nebusaradan la Jerusalam.

Wiile 2:9

Bwɛjen la doonyojena choɡlo dɛ huɡe harɛ, bune baa kpɔa dɛɛ kaɡra ɡe kuuɡi dɛ chɔɡ. Ba lawɛ o koranar ne nomonjena bwa laa ta kaa harɛfala ta. Sɔfore aa nɛra Korowii waa baɡle, asɛ Korowii keamere ɡe aa won wepila na dɛɛ le Korowii be kpa.

Daneɛl 2:4

Asɛ ba kpɔ Aram tena wobol chaŋe ŋɔ, “N naa kooro, Kórowii tɛɛ mkpajaŋ saŋ bɛlbwa! Bol he deera la baɡle he bonɔɔna, ásɛ ya baɡle a mun.”

Daneɛl 3:9

Ba kaa ŋɔ o be ŋɔ, “N naa kooro, Korowii tɛɛ mkpajaŋ!

Daneɛl 5:10

Kooro nya aa no kooro ne o nomonjena ɡbɔɡa la, asɛ o ir la dea baa di kondikonjena o ta la, dɛ ka ŋɔ, “N naa kooro, Korowii tɛɛ mkpajaŋ saŋ bɛlbwa! Bɛ ɡel a hae ásɛ he siebɔr foo ɡɛ!

Daneɛl 6:21

Anee Daneɛl ŋɔ, “N naa kooro, Kórowii tɛɛ mkpajaŋ saŋ bɛlbwa dɛɛ la.

Daneɛl 6:6

Ate, ba bwa la Kooro Dareɔs be dɛ ka ŋɔ, “N naa kooro, Kórowii tɛɛ mkpajaŋ saŋ bɛlbwa dɛɛ la!

Lewi Dea Tena 26:31

Mɛɛ chɔɡ he bwɛjena ne bela haa dɛ tomɛ voɡa la bwaa. Ásɛ he sarahare haa fuah dɛɛ tɛ mɛ la, n sie aa a sɔɔh taa lɛ kpa.