Nehemia 2:19 - mzwDBL

¹⁹ Asɛ Sanbalat waa ɛ Hɔrɔn te, ne Tobia waa ɛ Amɔn tena nomonome la bini bɛl, dɛ Gɛsem o ɡe aa ɛ Arab te noɔ, asɛ ba mamɛ dɛɛ muɡli ya baah ŋɔ, “Bɔkwa waa hɛɛ ɛ nɔɔ? Koojenii hɛɛ ba deŋnekpeɡ ɛɛ la.”

Nehemia 2:19 Iomraidhean Croise

Nehemia 13:28

Dɛ Sɔfonomoa Eliasib bibaa Joiada ɡe bibaa bɛl mo Sanbalat waa le Bɛt Hɔrɔn bihaah. Anomanta, n doŋi o bibaa la le Jerusalam.

Nehemia 2:10

Asɛ Sanbalat waa le Bɛt Hɔrɔn, ne Tobia waa ɛ Amɔn nomonome la bini bɛl noɔ kɛŋɔ nomɛl koh Israel tena kɛrɛdɛ doe wa dɛ ba, asɛ a we ba nɛ.

Nehemia 4:1

Sanbalat aa noa kɛŋɔ ya Juu tena berɔ kwaa dɛɛ ma Jerusalam danjwɛjen la, bwaawee lawɔ o baah di taeh, wɛɛ mamɛ yaa.

Nehemia 6:6

Gɛ o bini waa aa dɛ baɡle laanee nɔ. “Gɛsem ŋɔ men Sanbalat be ŋɔ, harɛre nɛra dɛ bol ŋɔ he ne Juu tena dɛ nyin he pere he te, a waa he berɛ kwaa dɛɛ ma danjwɛɛ la. Anɔ la aa jaa ɡee kɛŋɔ, he berɔ dɛɛ nyin he cheɡ he ɡbaɡba kora ta.

Nehemia 6:9

Dɛ ba dɛ nyin ba aah yaa, ásɛ ya bwara yɔr ya ɡel toma la ɛɛ. Asɛ n soŋe Korowii ŋɔ, “N Naa Korowii, tɛ mɛ bokpeɡa!”

Job Tɔn 30:1

Job teŋɔ ŋɔ, “Nɛra maa ɡwaa ba nomonome kwaraa dɛ mam mɛ taraken! Ba mɛɛnanar kwaraa n fe aa wola ban kpɔ, ba ne n nyootena daah n peera.

Yela 123:4

Dɔɔhna mamɛ yaa biɡri, mbarafo tena nyiŋi yaa vah.

Yela 79:4

Harɛre aa bar yaa cheme nɛra dɛ chɛɡre yaa, ba kpɔ yaa berɛ akwekwe nɛra.

Yela 80:6

He ɡelɔ harɛre nɛra baa bar yaa cheme yo dɔŋa ya harɛ wa, asɛ ya dɔma chɛɡre yaa.

Yela 80:7

Korowii Haa Ɛ Koranar Bwa Kooro, berɛ ba lɛ yaa, sune ya nɛ, ásɛ dɛ lɛ yaa.

Aesaya 36:5

He dɛ lii kɛŋɔ nyoa wobol do kɛ wejema, ne kpeɡri ba kpɔ dɛɛ yo laa kɛɛ? Ume nɛɛ he kpɔ he te dawɛ, dɛ ɛɛ mɛ dɔm nɔɔ?

Jeremia 20:8

N dɛ ba waa bola aa, lɔŋɔree mɛɛ do, dɛɛ bol yoi ne kwaa chɔɡa wa. Waa Korowii waa la aa kpɔa tɛ mɛ laanee, chɛɡa ne bammuɡla tɔpebir bwa.

Jeremia 41:10

Ismael lawɛ nɛra baa ka Mispa la bwa, kooro bihaahna ne banɔ la baa jaa dɛ ka bela. Dɛ Nebusaradan waa chɔ kooro laa tena baa dɛ daahno nyoa, le Ahikam bibaa Gedalia o chɔ ba nyoa. Waa laɡ ba la, o ɡale Jɔɔdan Moo dɛ kpɔ sie chaɡɛ Amɔn tena harɛ pera dɛɛ kaa bane.

Matiu 9:24

o ŋɔ ba be ŋɔ, “Hé bwa le dem bonɔ! Bie la ta sewɛ, domii o chɔ.” Waa ŋɔ ɡɛ la, ba mamɔ.

Amanesoma Mak Aa Chwera Tɔn 5:40

Waa ŋɔ ɡɛ la, ba mamɔ. Anee o doŋi ba bwa le buse, dɛ kpɔ bie la mɛɛ ne o nya, ne o habɔteŋra batoro la baa ja o nɛɛ la jo bela bie la aa chɔa la,

Amanesoma Luk Aa Chwera Tɔn 23:2

dɛ ka haŋɛ o nyoa ŋɔ, “Ya lawɛ baa nɔ kɛ waa dɛ chɔɡ ya harɛ. O dɛ do nɛra dochɔɡa ŋɔ ba bɛ toɔ bɔ dɛɛ tɛ Rom Koojen Siisa kpa, dɛ berɛ dɛɛ ɛ o te ya Juu tena kooro Kristo la Korowii aa baɡɛ yaa nyoa ŋɔ wɛɛ ɡeloo o ba ba lɛ yaa la.”

Amanesoma Jɔn Aa Chwera Tɔn 19:12

Paelet aa no ɡɛ la, dɛ o dɛ nyin ŋwɛnɛ bɛl dɛ́ fee kpɔ Yeesu ta ó kaa. Ate, nɛnlaa la kpɔ takpeɡ dɛɛ ŋɔ, “Nomɛlbwa waa dɛ yerɛ o te kooro la ɛ Rom Koojen Siisa dɔm! Anomanta, dɛ he kpɔ baa nɔ ta aa, amɔ dɛ Rom Koojen la dɔmee hen!”

We-ɛɛla 24:5

Nɛnchɔɡe bɛlbwa ta baa nɔ tele! O ne bɔpɛo aa somɛ! O toma bwaa kɛ ó valɛ bol waa dɛɛ ir Juu tena bwaawee, ásɛ baa lɛ ɡaeh harɛ bɛlbwa waa la o ta la ta. Nɛra bane baa dɛ teŋɛ Korowii toma ŋwɛnɛfale bɛl waa wola were la ta asɛ baa yer ba Nasarɛt tena la, ba nomoaa on.

Hibru 11:36

Ba ɛ bane ɡe bahmuɡliwaa dɛ lɔɔ ba chweremi ne, dɛ do kpɛɛ bane ɡe nɔɔra, dɛ do ba dea.