Nehemia 2:13 - mzwDBL

¹³ Asɛ n kpɔ Fɛlembɔjen Doonyoa ta awola jwaana, dɛ kpɔ bobɛl baa dɛ yerɔ Kalampoŋa Kɔlɔŋ ne Puldoa Doonyoa dɛɛ nyiŋi Jerusalam danjwɛjena baa kuuɡa, ne ɡɛ baa fuh o doonyoone bwa la.

Nehemia 2:13 Iomraidhean Croise

2 Webena 26:9

Kooro Ussia ɡelɔ ba ma dejaŋa aa do kpeɡri Jerusalam Loŋkora Doonyoa, ne bɛl baa dɛ yerɔ Fɛlembɔjen Doonyoa, dɛ bela danjwɛɛ baa maa bar bwɛɛ la loŋkora ta.

Nehemia 1:3

Anee ba ŋɔ n be ŋɔ, “Banɔ la baa laɡ ba laa ta kaa bojaŋ harɛ ta la balɔ. Ba lɔ wahala ne sihiih ta. Danjwɛɛ waa bar Jerusalam la kuuɡo, asɛ bwɛɛ la doonyojen ɡbeni la ɡe, ba fuah a ɛ tɔɔ.”

Nehemia 12:31

Ate, men Nehemia yerɛ Juda nomonome la cheme danjwɛɛ waa bar bwɛjen la doa, dɛ ɡel ba chɔ yelɡoola kuore anɛ aa kana nyoa ŋɔ, bá valɛ bar bwɛjen la, dɛ́ ɡo yela jam Korowii. Kuo beŋkpoŋ tɔ sie kpɔ sie chaɡɛ danjwɛɛ la diɡ pera, dɛ kaa Puldoa Doonyoa la ta.

Nehemia 2:12

baala tama banee ja n nɛ, n ne ba ir jwaana. N ta waa Korowii aa kpɔa do n liire bini ŋɔ ń ɛ Jerusalam la bolɛ baɡle nomɛlbwa, keeɡo maa soɡe o ta ɡboo, ane ta jae kpa.

Nehemia 2:15

anomanta, n kpɔ Kedrɔn Fɛlembɔjen la bini jwaana la ne, dɛ ha sie dɛɛ nyiŋi danjwɛɛ la. Asɛ n berɛ habɔɔ dɛ berɛ ka kpɔ Fɛlembɔjen Doonyoa la ta dɛ jo bwɛjen la ta.

Nehemia 2:17

Ate, n ŋɔ ba be ŋɔ, “Hé na waa yaa lɔ a ta! Jerusalam berɛ dimɡbia, ba fuh o doonyojen ɡbeni. Hé ɡel ya kwaa ma danjwɛɛ o fa aa baro la, ásɛ sihiih bɛ yaa kpo kpa.”

Nehemia 2:3

Anee n chaŋe ŋɔ, “N naa kooro, Kórowii tɛɛ mkpajaŋ! Bɔkwaa dɛ́ ɡel n waa aa wola sumii doɔ? Bwɛjen baa huɡe n naawa o bini paɡrɔ dɛ berɛ dimɡbia, o doonyojen ɡbeni ɡe bwa fuh.”

Jeremia 5:10

Mɛɛ ɡeloo dɔma ba teŋni n nɛra daa kooni nɔna ta, kɛ baa den chɔɡ a bwa kwaraa. Mɛɛ ɡeloo ba teŋni a kpala bwa ta, dɛkalkɛ ba cheɡɔ tɛ nɛra baa wola men jemɛ la.