Nehemia 13:31 - mzwDBL

³¹ N baɡle saŋ aa chɛ kɛŋɔ bá kpɔ daa baa kpɔ dɛɛ fuh saraha kwaa ne ba koo kondikonloɡla dɛɛ ba. N Naa Korowii maa dɛ tomɛ, lii n wa, dɛ́ sune n nɛ.

Nehemia 13:31 Iomraidhean Croise

Nehemia 10:34

Ya sɔfore ne Lewi dea tena ne nɛra la bwa ta bie, dɛ́ jemɛ dem bɛlbwa tena baa kpɔ damara ba Korowii yaa dɛ tomɔ Dea benanyoa bɛlbwa, bá kpɔ fuh sarahare kwaa la Korowii saraha kon la ta, ɡɛ baa chwera do Korowii Mmara Tɔn bini la.

Nehemia 10:35

Ya bwa berɔ sɛh kɛŋɔ benanyoa bɛlbwa, yá kpɔ ya koo kondikonloɡla, ne daa bɛlbwa nɔna aa tɔ sie dɛɛ ba Korowii Dea.

Nehemia 10:38

Sɔfo waa le Arɔn luɡe ta teŋɛ Lewi dea tena baa dɛ lɛ kwaa nɛra aa bɔne a bini bɔre fi, dɛ kpɔ bɔrbeŋkpoŋa dɛɛ ba a ne la nɛ, ásɛ Lewi dea tena la kpɔ anɔ la baa lɛa la bɔre fi bini bɔrbeŋkpoŋ ba Korowii yaa dɛ tomɔ la Dea. Dɛ́ kpɔ ba cheɡ deene baa dɛ cheɡ laala a yoɡ aa kpeɡa la bini.

Nehemia 13:14

N Naa Korowii maa dɛ tomɛ, nyiŋi waa maa ɛa kasinteŋ ne he Dea nɔ ta nɔ, ne ɡɛ baa dɛɛ tomɛ bela.

Nehemia 13:22

Asɛ n ŋɔ Lewi dea tena la be ŋɔ, bá sɔ ba doŋa bwa ta Korowii be pera, dɛ́ kaa daah doonyoa la, ɡɛ aa ɛ ásɛ ba di Ona Tɔpere la, o do ɡoroŋ. N Naa Korowii, lii n waa anɔ ɡe ta ja, dɛ́ sune n nɛɛ ɡɛ he nyina kohona aa doa la.

Nehemia 5:19

N Naa Korowii maa dɛ tomɛ, lii n wa, dɛ́ ɛɛ mɛ kɛrɛdɛ, waa bwa maa ɛa tɛ nɛra nɔ wa.

Yela 106:4

N Naa Korowii, he dɛ ba he nɛra chae yaa, lii n wa, he dɛ ba ba lɛɛ yaa, he cha n ɡe,

Yela 25:7

N Naa Korowii, bɛ n bonɔɔne saŋ wechɔɡa, ne deŋnekpeɡ we-ɛɛla lii. Che he nyina aa wola jaɡa dɔe ta, dɛɛ lii n wa, dɛkalkɛ he waa wer.

Amanesoma Luk Aa Chwera Tɔn 23:42

Dɛ ŋɔ Yeesu be ŋɔ, “Yeesu, he baa di he kora aa, ásɛ he lii n wa.”