Nehemia 13:29 - mzwDBL

²⁹ N Naa Korowii maa dɛ tomɛ, tɛr ba deŋne kɛŋɔ, baa kpɔ doŋa kah sɔfore toma, ne fɔo waa chɔ he ne Lewi dea tena ne ba baah ta la wa.

Nehemia 13:29 Iomraidhean Croise

Nehemia 6:14

Asɛ n soŋe Korowii ŋɔ, “N Naa Korowii, nyiŋi waa Tobia ne Sanbalat aa ɛa nɔ, dɛ́ tɛr ba deŋne a wa. Berɛ lii kɛŋɔ he keame bɛl waa ɛ haah baa yerɔ Noadia, dɛ keamere baa jaa ɡe jao dɛɛ aah mɛ ɡɛ.”

Lewi Dea Tena 21:15

Gɛɛ dɛ ɡel o bɛ doŋa kpɔ kah o bii o nɛra bini. Korowiirii leo o do ɡoroŋ.

Lewi Dea Tena 21:23

kɛ o kirihiah dii nomanta, a ta chɛ kɛŋɔ ó suuh tel pateesan la á ba ɛ kɛŋɔ wɛɛ bɛne saraha kon laanee, dɛ́ ba kpɔ doŋa kah o bɔr waa do ɡoroŋ la. Korowiirii ɡela a do ɡoroŋ.

Lewi Dea Tena 21:8

Nɛra la ɛɛ nyiŋi sɔfore kɛŋɔ nɛra baa do ɡoroŋ, banee kpɔ saraha kondikwaa aa do ɡoroŋ baa tɛ Korowii baa dɛ tomɔ la. Onee Korowii, o do ɡoroŋ dɛ ɡel o nɛra ɡe ɛɛ do ɡoroŋ.

2 Timoti 4:14

Loɡre bɛl baa dɛ yerɔ Alɛksanda la ɛɛ mɛ wechɔɡa taeh. Korowii ɛɛ bɔɔ o waa waa ɛa la kemee.

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.