Nehemia 13:25 - mzwDBL

²⁵ Asɛ n baah di ba nɛ, dɛ taah ba. N lɔɔ ba, dɛ chuɡri ba bini bane ɡe nyumpona, dɛ ɡel ba ŋwɛɛ ntam Korowii sɔn ta kɛŋɔ, ba ne ba bibaala ne bihaahna bɛ nɛŋhɔɔhra baa wola Korowii tomɛ mo, kɛɛ dɛ yalɛ kpa bwa.

Nehemia 13:25 Iomraidhean Croise

2 Koranar 2:24

Asɛ Elaeja ke nyiŋ ba dɛ taah ba Korowii sɔn ne, asɛ sisirere anɛ le daa ane bini, dɛ ba kpoo bii la bini fifraanaarɛ dɛ banɛ dɛ toɡri ba ola.

Ɛsra 10:5

Ate, Ɛsra ir che dɛ ɡel sɔfo nomonome ne Lewi dea tena dɛ Israel tena bwa ŋwɛɛ kɛŋɔ baa ɛ ɡɛ Sɛkania aa bola laanee.

Ɛsra 7:26

Nomɛlbwa waa ɛ deŋnekpeɡ Korowii haa dɛ tomɔ mmarare kɛɛ koojen mmarare ta la, a chɛ kɛ bá kpoo buɡ la ta, kɛɛ dɛ́ doŋu le o harɛ ta, kɛɛ dɛ́ kpɔ nɔn dawɛ o komɛlbwa waa dɔa ta, kɛɛ dɛ́ lawɔ ka do dea, ásɛ a ɛ deŋnetɛra tɛo.”

Nehemia 13:11

N baah diu, n kah nomonome la ɡɛ baa ɡela Korowii Dea chɔ pɛɛ la. Asɛ n berɛ ba Lewi dea tena la ne yelɡoola la ne Korowii Dea, ba baa ɛ ba tomare ja.

Nehemia 13:17

N baah di Juu tena nomonome nɛ, dɛ ŋɔ ba be ŋɔ, “Waa aa ɛ wechɔɡaa he ɛ dɛ kpɔ dɛɛ chɔɡ Ona Tɔpere la.

Nehemia 13:24

Ba bii la bini bane dɛ bol Asdɔd wobol, kɛɛ nɛra bane ɡe baa jaa wobol ane. Baa won Juda wobol te bol.

Nehemia 5:13

N ɡe laa yal waa vɔwɛ n chara la kpɔ dɛ jwiiru, dɛ ŋɔ, “Kenii Korowii ɛɛ ba nomɛlbwa waa wola o nyobaɡa ta teŋɛ jwiira ta le o dem, ne komɛlbwa waa dɔa ta, ásɛ o nya so.” Asɛ nomɛlbwa waa lɔ bela ŋɔ, “Aamen!” dɛ kpɛɛ Korowii. Asɛ nomonome la ɛ ɡɛ baa baɡɛ nyoa la.

Nehemia 5:6

Men Nehemia aa no waa baa dɛ naɡre a waa la, n baah diu kɛrɛdɛ.

Yela 119:53

N nao kɛ nɛnchɔɡa vɛh he Mmarare la ta teŋa aa, dɛ n baah diu.

Yela 15:4

nɛn waa hah wechɔɡ-ɛɛra, kɛ dɛɛ duu nɛra baa dɛ ɔmɛ Korowii, dɛ teŋɛ o nyobaɡa ta, hale dɛ a kpeɡri tɛo kwaaraa noo,

Kaala 34:16

Hé nyin ba bihaahna tɛ he bibaala ba mo, asɛ baa tomɛ ba voɡa la aa, ba ken ɛɛ berɛ he bibaala la liiree le n be dɛɛ tomɛ ba voɡa la.

Sɛɡla 28:4

Nɛra baa wola Mmara ta teŋɛ la, dɛ kpɛɛ nɛnchɔɡa. Kɛ nɛra baa dɛ teŋɛ Mmara ta la, hah nɛnchɔɡa.

Aesaya 50:6

N berɛ n nyaŋ tɛ nɛra ba lɔɔ, dɛ kpɔ n taŋɡbaɡre ɡe tɛ nɛra ba chuɡri n tampona. N ta n sie laa fɛr sihihwaa ne nentane baa taa ta n sie ta.

Mmarare 6:13

Hɛ́ɛ duu Korowii dɛ́ɛ tomɛ o ɡbo, dɛɛ baɡɛ nyoa o sɔn ta.

Mmarare 7:3

He bɛ ɡel he bihaahna yalɛ ba bibaala, dɛ bɛ ɡel he bibaala ɡe mo ba bihaahna.

Josua 23:12

Kɛ dɛ he kpɔ he te ka pɛ ɡɛ nɛra baa kaa he ne ba so nɔ nɛ, dɛ mo ba bihaahna asɛ ba ɡe mo he kwa aa,