Nehemia 13:22 - mzwDBL

²² Asɛ n ŋɔ Lewi dea tena la be ŋɔ, bá sɔ ba doŋa bwa ta Korowii be pera, dɛ́ kaa daah doonyoa la, ɡɛ aa ɛ ásɛ ba di Ona Tɔpere la, o do ɡoroŋ. N Naa Korowii, lii n waa anɔ ɡe ta ja, dɛ́ sune n nɛɛ ɡɛ he nyina kohona aa doa la.

Nehemia 13:22 Iomraidhean Croise

2 Koranar 20:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

2 Koranar 23:4

Kooro Josia ɡelɔ Sɔfonomoa Hilkia ne sɔfore baa ja o nɛ, ne nɛra baa dɛ che Korowii Dea la doonyoa la laa kwaa baa ɛa tɛ voɡ Baal, ne voɡ Asera ne kwaa aa lɔ nyundua a do Korowii Dea la laa pa le. Kooro la fuah bwɛjen la dahare Kedrɔn fɛlembɔjen jwɛh, dɛ pa a tɔɔ la kaa Bɛtel.

2 Webena 29:24

Asɛ sɔfore la kpoo boohna la, dɛ ɛ a chal ba merɛ kon baa ɛ saraha dɛɛ tɛ Korowii o ta la ta, dɛ kpɔ soŋe Israel tena bwa wechɔɡa Korowii be, dɛkalkɛŋɔ kooro laanee do ba ŋɔ bá fuh kwaa ɛ saraha ne wechɔɡa kpɔe dɛ kɛ sarahare la tɛ Israel tena bwa.

2 Webena 29:27

Kooro Hɛsɛkea ŋɔ ba kpɔ saraha kwaa baa fuah la ba kon baa ɛ saraha dɛɛ tɛ Korowii o ta la ta. Saraha ɛɛ la aa pa mun la, ba pa mun ɡo yela dɛɛ kpɛɛ Korowii, asɛ bɛle ne kwaa Israel Kooro Devid aa kpɔa dɛɛ lɔ yela ɡe ja.

2 Webena 29:30

Kooro Hɛsɛkea ne o nomonome ŋɔ Lewi dea tena be ŋɔ, bá kpɔ yela Kooro Devid ne o keame Asaf waa dɛ na chaahna aa chwera la kpɛɛ Korowii. Anomanta, ba ɡo kpɛɛra yela silɛɛ ne, dɛ ɡuŋi tomɛ Korowii.

Nehemia 12:10

Jesua lolɛ Joiakim, Joiakim lolɛ Eliasib asɛ Eliasab lolɛ Joiada,

Nehemia 12:30

Sɔfore la ne Lewi dea tena la ɛ we-ɛɛla, dɛ laa doŋa bɛlbwa kpɔ ba nɛɛ Korowii be pera, ne nɛra la ne doonyoo, dɛ danjwɛɛ waa bar bwɛjen la bwa ta.

Nehemia 13:14

N Naa Korowii maa dɛ tomɛ, nyiŋi waa maa ɛa kasinteŋ ne he Dea nɔ ta nɔ, ne ɡɛ baa dɛɛ tomɛ bela.

Nehemia 13:31

N baɡle saŋ aa chɛ kɛŋɔ bá kpɔ daa baa kpɔ dɛɛ fuh saraha kwaa ne ba koo kondikonloɡla dɛɛ ba. N Naa Korowii maa dɛ tomɛ, lii n wa, dɛ́ sune n nɛ.

Nehemia 5:19

N Naa Korowii maa dɛ tomɛ, lii n wa, dɛ́ ɛɛ mɛ kɛrɛdɛ, waa bwa maa ɛa tɛ nɛra nɔ wa.

Yela 130:7

Israel tena, hé kpɔ he hwɛɡa bwa do Korowii nɛ, dɛkalkɛ o nyina ta jaɡa dɔe, dɛ́ sɛh kɛ saŋ bɛlbwa wɛɛ lɛ heyaa.

Yela 5:7

Kɛ n te, he nyina haa dɛ nyin mɛ kohona nomanta, mɛɛ won ba he Dea dɛ́ ba ɡuŋi, dɛɛ tomɛ he Dea waa do ɡoroŋ ta ɔmee ne.

Yela 51:1

N Naa Korowii, koh he nyina aa wola jaɡa dɔe la wa, dɛ́ na n sum. Koh he tedoma kohona la wa, dɛ́ fee n wechɔɡa.

Aesaya 38:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Aesaya 55:7

Nɛnchɔɡe ɡel wechɔɡa ɛɛ, dɛ́ charɛ o liire, dɛ́ berɛ ba Korowii yaa dɛ tomɔ be. O dɛ sune nɛn nɛ, dɛ kpɔ wechɔɡa dɛɛ kɛ o bambile bwa ne.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

Mmarare 5:12

Hé di Ona Tɔpere la, dɛ́ ɛo tɔpedɛɛɡe ó do ɡoroŋ, ɡɛ men Korowii haa dɛ tom mɛ nɔ aa do heyaa wubwa la.