Nehemia 13:2 - mzwDBL

² dɛkalkɛ ba ta Israel tena kondikwaa ne nee tɛɛ, ɡɛ saŋ baa le Ijipt harɛ ta dɛɛ kaa la. Ba kaa kpɔ Balam ŋɔ, ó ba taah Israel tena, kɛ Korowii ɡelɔ taahna la berɛ hɛɛra.

Nehemia 13:2 Iomraidhean Croise

Yela 109:28

Baa taah mɛɛ, kɛ hɛɛ swee mɛ andɛɛɡaa. Ba dɛ yoo mɛ naa, hɛɛ ɡeloo sihiih kpo ba, ásɛ men maa ɛ he bonɔɔ nɔ sie lɛ.

Maeka 6:5

N nɛra, hé lii wechɔɡa Moab Kooro Balak fa aa vɔrɔwa, asɛ Beɔ bibaa Balam chaŋo la wa. Hé berɛ lii ŋwɛnɛ haa vala le Sitim dɛ ba Gelɡal, dɛ́ na ŋwɛnɛre maa cheɡɛ a ta lɛ heya.”

Nɛra Kura 23:18

Balam bol waa Korowii aa bola la dɛ ŋɔ, “N naa Kooro Balak, ir dɛ́ no n be. Sepɔ bibaa, no n waa nɔ.

Matiu 25:40

Ásɛ n ŋɔ ba be ŋɔ, ‘Kasinteŋ, ɡɛ haa cha n nimanar baa ɛ nɛŋɡwɛɡra waa nɔ dɔŋa puu ba la, menee he cha la.’

Mmarare 23:3

Amɔn tena kɛɛ Moab tena, hale ba naanar baa teŋa bele fi aa won ja Korowii nɛra bini.

Mmarare 23:4

Dɛkalkɛŋɔ ɡɛ saŋ haa le Ijipt harɛ ta dɛɛ ba la, ba vɔmɛ heyaa nee ne kondikwa. Beɔ bibaa Balam, waa le Pɛtɔ dɛ do Mɛsopoteemea harɛ ta la, ba kaa bɔɔ paa ŋɔ ó ba taah heya.

Mmarare 23:5

Korowii haa dɛ tomɔ nɔ aa dɛ nyin heyaa nomanta, o ta sie doe Balam wesoŋa la ta dɛ berɛ ɡel taahna la berɛ andɛɛɡa tɛ heya.

2 Pita 2:15

Ba ɡel ŋwɛnɛtoɡre la, dɛ nyoɡre. Ba kpɔ Beɔ bie Balam o fa aa ɛ Korowii keame la ŋwɛnɛ la. O sie aa beɡre suuɡa kohona nomanta, o kpɔ ŋwɛnɛchɔɡe ta dɛ nyin suuɡa.