Nehemia 13:16 - mzwDBL

¹⁶ Dɛ bwɛjen Taaya tena bane soɡe Jerusalam, dɛ kpɔ pɛŋa ne laala bwa soo siwi ba yoɡ dɛɛ tɛ Juda tena Ona Tɔpere ta.

Nehemia 13:16 Iomraidhean Croise

Nehemia 13:15

A ɡɛ saŋ la, n na Juda tena bane baa dɛ tiɡri ɡrepo nɔna ta, dɛ kpɔ a nee dɛɛ ɛ sen Ona Tɔpere ta. Bane ɡe che mea ne sen ne ɡrepore, ne fiɡ daa nɔna, dɛ kwaa bwa soo siwi ba keeɡore ta, dɛɛ ba Jerusalam. Anomanta, n kah ba ŋɔ, bá nyiŋi kɛrɛdɛ dɛ bɛ komɛlbwa yoɡ Ona Tɔpere ta.

Nehemia 13:17

N baah di Juu tena nomonome nɛ, dɛ ŋɔ ba be ŋɔ, “Waa aa ɛ wechɔɡaa he ɛ dɛ kpɔ dɛɛ chɔɡ Ona Tɔpere la.

Kaala 20:10

kɛ Ona Tɔpere la te ɛ men Korowii haa dɛ tom mɛ la tɔpere. O telaa, he bɛ toma bɛlbwa ɛ o ta. He ne he bibaala kɛɛ bihaahna kɛɛ bonɔɔna, kɛɛ toli bɛlbwa bɛ toma ɛ. Hale he kondɛɛra te bɛlbwa, ne hɔɔhra kwaraa baa lɔ he dem.

Kaala 23:12

Tɔpera anumɛlee hé dɔ kɛ he ɛ toma, kɛ tɔpenuanɛ wee ta te, he bɛ toma bɛlbwa ɛ, ásɛ he nabala ne keeɡore ne nɛndɔɔla baa lol ba he deremi dɛ nɛŋhɔɔhra ɡe won dɔ bɔr onɛ.

Mmarare 5:14

kɛ tɔpenuanɛte la ɛ Ona Tɔpere tɛ men Korowii haa dɛ tom mɛ. O telaa, he bɛ toma bɛlbwa ɛ o ta. He ne he bibaala ne bihaahna kɛɛ bonɔɔna, kɛɛ toli bɛlbwa bɛ toma ɛ. Hale he nae ne keeɡore, ne kondɛɛre te bɛlbwa, dɛ hɔɔhra kwaraa baa lɔ he deremi bɛ toma ɛ. Gɛ aa ɛ bonɔɔ kɛɛ tolo waa lɔ he sie la ɡe won dɔ bɔr onɛ ɡɛ haa dɛ onɛ la.