Nehemia 13:15 - mzwDBL

¹⁵ A ɡɛ saŋ la, n na Juda tena bane baa dɛ tiɡri ɡrepo nɔna ta, dɛ kpɔ a nee dɛɛ ɛ sen Ona Tɔpere ta. Bane ɡe che mea ne sen ne ɡrepore, ne fiɡ daa nɔna, dɛ kwaa bwa soo siwi ba keeɡore ta, dɛɛ ba Jerusalam. Anomanta, n kah ba ŋɔ, bá nyiŋi kɛrɛdɛ dɛ bɛ komɛlbwa yoɡ Ona Tɔpere ta.

Nehemia 13:15 Iomraidhean Croise

2 Webena 24:19

Korowii tomɛ o keamere ba be, dɛ kah ba ŋɔ bá charɛ dɛ berɛ ba o be, kɛ ba vɛoh.

Nehemia 10:31

Dɛ nɛŋhɔɔhra baa soɡa bar yaa yoɡ mea kɛɛ komɛlbwa tɛ yaa Ona Tɔpere kɛɛ tɔpere waa do ɡoroŋ bɛlbwa ta naa, yaa yawɛ. Bene anuanɛ bɛlbwa ta la, yaa ɡel ya harɛre ta paraa, dɛ́ kpɔ kema nɛra aa di yaa ɡe kɛ.

Nehemia 10:32

Ya sɛoh kɛŋɔ bena bɛlbwa yaa bɔ suuɡabwe jeɡaa, dɛ́ kpɔ cha Korowii yaa dɛ tomɔ la Dea kema.

Nehemia 13:16

Dɛ bwɛjen Taaya tena bane soɡe Jerusalam, dɛ kpɔ pɛŋa ne laala bwa soo siwi ba yoɡ dɛɛ tɛ Juda tena Ona Tɔpere ta.

Nehemia 13:21

Kɛ n kah ba, dɛ ŋɔ ba be ŋɔ, “A ta aŋwɛnɛ ta ɛɛ kɛŋɔ he baa so danjwɛɛ la baŋ jɔmɔra ka tel kɛ tɔ aa pera. He berɔ ɛ ken ja aa, mɛɛ tɛr he deŋnee.” A habɔɔ, ba ta Ona Tɔpere ta balɛ kpa.

Nehemia 9:29

He kah ba ŋɔ baa teŋɛ he webaɡla ta, kɛ ba ɛ mbarafo ba ta he Mmarare ta teŋɛ, a lole kɛŋɔ he waa ta teŋa taa dɛɛ tɛ mkpa. Ba ɛ deŋnekpeɡ, dɛ berɛ habɔɔ kpoe, dɛ vɛh he waa ta teŋa.

Job Tɔn 39:12

He dɛ yarada kɛ o kpɔ he mea ba, dɛ ba boa a nyoa a lɔ bɔr aa?

Yela 50:7

Korowii ŋɔ, “Hé no, n nɛra Israel tena, maa he waa bola ba dɛ́ tɛ heya, menee Korowii haa dɛ tom mɛ.

Kaala 31:12

Belaa Korowii bol Mosis be ŋɔ,

Kaala 31:16

Israel tena chɛ kɛŋɔ báa di Ona Tɔpere nɔ, o ɛ fɔo dɛ chɔ le saŋ bɛlbwa tɛ naanar baa ka ba bwa.

Kaala 34:21

Hé kpɔ tɔpera anumɛl ɛ toma, ásɛ tɔpenuanɛ wee hé onɛ o ta. Dɛ kooni para saŋ kɛɛ kwaa koma saŋee yoo, a chɛ kɛ hé onɛ.

Kaala 35:2

Tɔpera anumɛlee he dɔ kɛŋɔ hé kpɔ ɛ toma, kɛ tɔpenuanɛ wee la chɛ kɛŋɔ ó do ɡoroŋ tɛ heya, hé onɛ o ta. O ɛ Ona Tɔpere dɛ tɛ Korowii. Nomɛlbwa waa ɛ toma o ta la chɛ kɛŋɔ bá kpoo.

Sɛɡla 28:4

Nɛra baa wola Mmara ta teŋɛ la, dɛ kpɛɛ nɛnchɔɡa. Kɛ nɛra baa dɛ teŋɛ Mmara ta la, hah nɛnchɔɡa.

Aesaya 58:13

Korowii berɔ ŋɔ, “Dɛ he nyiŋi Ona Tɔpere la ta o do ɡoroŋ tɛ heya, he ta he ɡbaɡba we-ɛɛla ɛɛ, dɛ liiru kɛŋɔ o ɛ men Korowii tɔpere baa dɛ onɛ o ta, haa wola kpɔe valɛ he ɡbaɡba ŋwɛnɛ, kɛɛ dɛ ɛ he toma dɛ bol wobochɔɡa aa,

Jeremia 17:24

Kɛ dɛ he cheɡ deŋne dɛ no n be, he ta bone bɛlbwa kpɔe kpɔ bwɛjen nɔ doonyojena ta Ona Tɔpere ta, dɛ ɡel tɔpere la do ɡoroŋ, he ta toma bɛlbwa o ta ɛɛ yaa,

Jeremia 17:27

Kɛ dɛ he taŋ deŋne he ta Ona Tɔpere la dii o do ɡoroŋ, dɛ che bone dɛɛ jo Jerusalam doonyojena la ta naa, amɔ mɛɛ choŋi nii aa wola dime bwaa Jerusalam doonyojena bwa ta, ásɛ dekpeɡa bwa fuh.’ ”

Jeremia 42:19

N berɔ bol ba be ja ŋɔ, “Korowii ŋɔ he Juda tena haa kaa la be ŋɔ he bɛ Ijipt harɛ ta kaa. Anomanta, n dɛ kah heyaa fini ŋɔ,

Ɛsekeɛl 20:13

Kɛ ane a bwa, ba ɛɛ mɛ deŋnekpeɡ pua hɛŋle ɡbo harɛ ta bela. Ba ta n waa ta teŋɛ, dɛ vɛh me Mmarare nomɛlbwa fe aa teŋɛ a ta ásɛ dɛ fe dɔ mkpa la. Ba chɔɡ Ona Tɔpera la. Anomanta, n ŋɔ mɛɛ kpɔ n bandia ba ta ba nɛɛ kohona, dɛ́ chɔɡ ba bwa pua hɛŋle ɡbo harɛ ta bela.

Emɔs 8:5

dɛɛ bol ŋɔ, “Saŋ besoo Korobifala Tɔpejena dii ɛɛ ba a jaɡa bala ásɛ ya yoɡ mea ɔ? Saŋ besoo Ona Tɔpere ɡe ba kaa ásɛ ya ka yawɛ kwa ɔ? Ásɛ ya kpɔ kwaa aa wola chɛ kɛ ya kpɔ maɡɛ kwa, dɛ́ dawɛ a yoɡ, dɛ́ faah nɛra a maɡa ta,

Maeka 6:3

N nɛra Israel tena, bɔkwa waa n ɛ heya ɔ? N ɛ heyaa waane dɛ jo he nɛɛ kɛɛ? Hé chaŋ mɛ.

We-ɛɛla 2:40

O bol waa kohona dɛ ja ba, dɛ ɡbɛɡbɛ ba ŋɔ, “Fini nɛra wechɔɡa kan ɡa. Hé takapɔ dɛ́ laa he te le nɛnchɔɡa la Korowii aa dɛ ba ba wechɔɡa kpɔe dɛ bɔ ba kem la bini.”

We-ɛɛla 20:21

Juu tena ne Grik tena bwa bee n bol, dɛ ja ba ŋɔ bá charɛ ba liire dɛ́ le ba wechɔɡa ta dɛ́ ba Korowii be, dɛ́ yarada Yeesu dɛ́ kpɔ ba te tɛo.

Galaasia 5:3

Hé ɡel n kwaa ŋɔ he be he no kɛrɛdɛ, nomɛlbwa waa ɡela ba teŋe o pen ásɛ o waa su Korowii siwi la, a chɛ kɛ ó teŋɛ Mosis Mmara la bwa ta.

Ɛfesos 4:17

N siswɛm waa n che n Dɔɔ Yeesu sɔn ta dɛɛ bol he be la. He bɛ banɔ la baa wola Korowii tomɛ la nɛɛ teŋɛ kpa. Wepuu baa lii dɛɛ teŋɛ a ta la.

Mmarare 8:19

Hɛ́ɛ berɛ Korowii haa dɛ tomɔ la waa soeh, dɛ́ berɛ kaa tomɛ voɡare ane dɛɛ ɡuŋa. N dɛ ŋɔ he be fini kɛŋɔ, ate o fe ɛɛ kpoo heyaa,

1 Tesalonika 4:6

Nomɛlbwa bɛ o dɔŋ nɛɛ jo a ɡɛ waa nɔ ta, dɛkalkɛ Korowii ɛɛ tɛr nɛra baa dɛ ɛ ɡɛ la deŋnee, ɡɛ yaa ja heyaa loɡla la ŋɔ hé nyiŋi a ta kɛrɛdɛ la.