Nehemia 13:13 - mzwDBL

¹³ N kpɔ nɛra ŋɔ baa nyiŋi deene baa kpɔ kwaa dɛɛ cheɡ a bini la ta. Banee, sɔfo Sɛlɛmia ne tɔnjereme Sadɔk dɛ Lewi dea te Pɛdaya. Asɛ Hanan ɛɛ cha ba, o mɛɛ sɔne Sakur, o nabaa sɔne Matania. Banee n ŋɔ ba bɔne kwaa la dɛɛ tɛ ba bala tom-ɛɛra la. Dɛ n dɛ yarada ba.

Nehemia 13:13 Iomraidhean Croise

2 Koranar 12:15

Nɛra baa kpɔ suuɡa la tɛ baa ɛ toma la ta soɡe ba ne tom-ɛɛra la bu nkontaa, dɛkalkɛŋɔ dɛ ba ɛ toma la kɛrɛdɛ ba waa dɔ kasinteŋ.

2 Koranar 12:16

Bolchɔɡe dii saraha ne wechɔɡa kpɔe dɛ́ kɛ saraha suuɡa te, baa a te kpɔe baa do daka la bini, a te ɛ sɔfore la kwa.

2 Koranar 22:7

Nɛra suuɡa la aa lɔ ba be la dɛ di kasinteŋ ba toma ta, anomanta, a ta chɛ kɛŋɔ bá bu nkontaa bɛlbwa.”

Nehemia 10:12

ne Sakur ne Sɛrebea dɛ Sebania,

Nehemia 10:38

Sɔfo waa le Arɔn luɡe ta teŋɛ Lewi dea tena baa dɛ lɛ kwaa nɛra aa bɔne a bini bɔre fi, dɛ kpɔ bɔrbeŋkpoŋa dɛɛ ba a ne la nɛ, ásɛ Lewi dea tena la kpɔ anɔ la baa lɛa la bɔre fi bini bɔrbeŋkpoŋ ba Korowii yaa dɛ tomɔ la Dea. Dɛ́ kpɔ ba cheɡ deene baa dɛ cheɡ laala a yoɡ aa kpeɡa la bini.

Nehemia 11:22

Nomoa waa dɛ nyiŋi Lewi dea tena baa soɡe Jerusalam nɛɛ sɔne Usi. O mɛɛ sɔne Bani, o nabaalee Hasabia. O nabaala bane ɡee Matania ne Mika. Dɛ Usi ɛ Asaf naanar baa chɔ yela ɡoe nyoa Korowii Dea la bini bɛl.

Nehemia 12:35

dɛ sɔfore bane ba ɡe aa dɛ hoh bɛle, dɛ Jonatan bibaa Sekaria, o nabaa sɔne Sɛmaya. O nabaala bane ɡee, Matania ne Mikaya dɛ Sakur, baa ɛ Asaf naanar.

Nehemia 12:44

Gɛ saŋ la, ba le baala bane baa nyiŋi deene baa lɛ kwaa dɛ kpɔ baa cheɡ a bini Korowii Dea la ta. Kondikonloɡla ne kwaa baa bɔne a bini bɔre fi, dɛ kpɔ a bini bɔrbeŋkpoŋa dɛɛ ba ne. Ba lɛa le kooni aa bar bwɛɛre ta ba cheɡ deene la bini, ɡɛ Mmara aa chaɡla kɛŋɔ, anee chɛ sɔfore ne Lewi dea tena la. Dɛkalkɛ, dɛ Juda tena bwa sie lɛ ba ne Lewi dea tena la nɛ.

Nehemia 3:30

Sɛlɛmia bibaa Hanania, ne Salaf binumɛlte Hanun ɡe berɔ kwaa ma choŋi, asɛ Bɛrekea bibaa Mɛsolam kwaa ma choŋi o dem sideŋ.

Nehemia 7:2

N kpɔ Jerusalam do n dɔŋ Hanani ne Hanania nɔn ta ŋɔ baa nyiŋi o ta. Dɛ Hanania ɛ nomoa waa dɛ nyiŋi dekpeɡ la ta. O waa dɔ kasinteŋ wɛɛ ɔmɛ Korowii, o dɔŋ aa wola toole.

Nehemia 8:4

Dɛ ba koh waa la waa dɛ kpɔ daa kwaa komɛl o kaa nyundua, asɛ Ɛsra ka che o ta. Asɛ Matitia ne Sema ne Anaya, ne Uria ne Hilkia dɛ Maaseya che o diɡ pera. Pɛdaya ne Mesael ne Malkija, ne Hasum ne Hasbadana ne Sekaria, dɛ Mɛsolam ɡe cheɡɛ o ɡal ta.

Amanesoma Luk Aa Chwera Tɔn 12:42

Asɛ Yeesu chaŋo ŋɔ, “Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.

We-ɛɛla 4:35

dɛ kpɔ a suuɡa dɛɛ ba Yeesu toroma la be, asɛ baa bɔna ɡɛ aa chɛ kɛ bɛlbwa dɔ.

We-ɛɛla 6:1

A habɔɔ la, Yeesu habɔteŋra aa ba dɛ warɛ la, naɡra baa chole Juu tena baa ɛ hɔɔhra dɛɛ bol Grik wobol la, ne banɔ la baa dɛ bol Juda wobol la baah ta. Dɛ ba dɛ bɔne suuɡa dɛɛ tɛ asɔre tena la tɔpere bɛlbwa. Asɛ Juu tena baa dɛ bol Grik wobol la ŋɔ baa ba te luhaahna tɛ.

We-ɛɛla 6:3

Anomanta, yabala, hé nyiŋi dɛ le he bini nɛra banuanɛ nɛra bwa aa jema kɛŋɔ ba ɛ nɛndɛɛɡa, asɛ ba we-ɛɛla ɛɛ baɡle kɛŋɔ Korowii Domadɛɛɡe la soɡe ba nɛɛ kpeɡri nɛɛ dɛ ɡel ba ɛ wejerema la, ásɛ ya kpɔ suuɡa waa nɔ do ba nɔn ta,

1 Kɔrent 4:2

Waa aa chɛ nɛn baa kpɔ waa do o nɔn ta laanee kɛŋɔ o ɡel o waa dɔ kasinteŋ.

1 Timoti 1:12

N dɛ jam ya Dɔɔ Yeesu Kristo waa tɛ mɛ o kpeɡri la kɛ waa yarada mɛ dɛ kpɔ o toma nɔ do n nɔn ta nɔ.

1 Timoti 3:10

A wer kɛŋɔ hé nyiŋi ba waa bini, dɛ́ na dɛ ba waa wer mɔɔ he tɛɛ ba ŋwɛnɛ bá ɛ ɡɛ toma la.