Nehemia 13:12 - mzwDBL

¹² Asɛ Juda tena la bwa berɛ pa mun dɛɛ ba ba kwaa baa bɔne a bini bɔre fi bɔrbeŋkpoŋa kɛŋɔ, mea ne senfala dɛ ɔleve noo ne, dɛ kpɔ baa cheɡ deene aa lɔ Korowii Dea la bini ja.

Nehemia 13:12 Iomraidhean Croise

2 Webena 31:4

Kooro berɔ ŋɔ Jerusalam tena be ŋɔ, bá kpɔ saraha kwaa aa chɛ sɔfore ne Lewi dea tena la dɛɛ tɛɛ ba, ɡɛ aa ɛ, ásɛ ba won kpɔ ba te tɛ kɛrɛdɛ, dɛɛ teŋɛ ɡɛ Korowii Mmara la aa dɛ baɡle.

2 Webena 31:5

Baa no waa kooro aa bola la, Israel tena la le ba bambile ta, dɛ kpɔ ba kooni kondikonloɡla kɛŋɔ mea ne senfala, ne ɔleve noo ne tooh dɛ kondikwa bɛlbwa baa dɔa dɛ le kooni ta, ba tɛ Korowii toma. Kwaa baa ba a ne warɔ kɛrɛdɛ. Nomɛlbwa bɔne komɛlbwa waa dɔa bini bɔre fi, dɛ́ kpɔ bɔrbeŋkpoŋ ba.

Nehemia 12:44

Gɛ saŋ la, ba le baala bane baa nyiŋi deene baa lɛ kwaa dɛ kpɔ baa cheɡ a bini Korowii Dea la ta. Kondikonloɡla ne kwaa baa bɔne a bini bɔre fi, dɛ kpɔ a bini bɔrbeŋkpoŋa dɛɛ ba ne. Ba lɛa le kooni aa bar bwɛɛre ta ba cheɡ deene la bini, ɡɛ Mmara aa chaɡla kɛŋɔ, anee chɛ sɔfore ne Lewi dea tena la. Dɛkalkɛ, dɛ Juda tena bwa sie lɛ ba ne Lewi dea tena la nɛ.

Lewi Dea Tena 27:30

Kondikwaa bɛlbwa aa le harɛ la ta dɛ ɛ mea kɛɛ daa nɔna la, a chɛ kɛ he bɔne a bɛlbwa bini bɔre fi, dɛ́ kpɔ bɔrbeŋkpoŋa ba tɛ men Korowii. A ɛ kwaa aa do ɡoroŋ dɛ tɛ mɛ.

Malakae 3:10

Kwaa haa bɔne a bini bɔre fi la, hé kpɔ bɔrbeŋkpoŋ ba tɛ men Korowii n Dea, ásɛ kondikwaa warɛ n Dea bela. Hé daah mɛ ɡɛ waa nɔ ta dɛ́ na, ásɛ n ɡel bwaala nɛ kohona, dɛ́ swee heyaa andɛɛɡa, dɛ́ ɡel kondikwaa warɛ he deremi kohona.

Malakae 3:8

N dɛ bɔɔ heyaa ŋɔ a wer kɛŋɔ nɛn ŋwɛ men Korowii aa? Kɛ he dɛ ŋwɛɛ mɛ. He dɛ bɔɔ ŋɔ, ‘Bɔkwa taa yaa ŋwɛɛ nɔ?’ Kwaa haa bɔne a bini bɔre fi, dɛ kpɔ bɔrbeŋkpoŋ baa tɛ mɛ, ne saraha kwaa taa hɛɛ ŋwɛɛ mɛ.

Mmarare 14:22

Anee Mosis berɛ ŋɔ, “Bena bɛlbwa koo kwaa haa dɔ la, hé bɔne a bini bɔre fi dɛ laa bɔrbeŋkpoŋ kwaa cheɡ.