Nehemia 13:1 - mzwDBL

¹ Awola tɔpere la, ba kure Mosis Mmara Tɔn la a le baŋ nomɛlbwa no. Ba kure o bobɛl waa dɛ baɡle kɛŋɔ, Amɔn te kɛɛ Moab te bɛ nɛra baa dɛ tomɛ Korowii nɛɛ ja,

Nehemia 13:1 Iomraidhean Croise

2 Koranar 23:2

O ne Juda baala ne Jerusalam tena, ne sɔfore ne Korowii keamere, le bechale nɛɛ ba kaa nomonjena bwa nɛɛ ba la Korowii Dea. Asɛ o ɡel ba kure Korowii Ne Nɛwɛnyina Fɔo Tɔn waa nyoɡra ba nao Korowii Dea la, asɛ ba bwa no.

Nehemia 13:23

A ɡɛ saŋ n berɔ na kɛŋɔ Juda baala la ɡalɡa mo Asdɔd ne Amɔn dɛ Moab haahna.

Nehemia 2:10

Asɛ Sanbalat waa le Bɛt Hɔrɔn, ne Tobia waa ɛ Amɔn nomonome la bini bɛl noɔ kɛŋɔ nomɛl koh Israel tena kɛrɛdɛ doe wa dɛ ba, asɛ a we ba nɛ.

Nehemia 2:19

Asɛ Sanbalat waa ɛ Hɔrɔn te, ne Tobia waa ɛ Amɔn tena nomonome la bini bɛl, dɛ Gɛsem o ɡe aa ɛ Arab te noɔ, asɛ ba mamɛ dɛɛ muɡli ya baah ŋɔ, “Bɔkwa waa hɛɛ ɛ nɔɔ? Koojenii hɛɛ ba deŋnekpeɡ ɛɛ la.”

Nehemia 4:3

Dɛ Tobia waa ɛ Amɔn te cheɡɛ nomoa la jwɛh. O ŋɔ, “Danjwɛɛ baa dɛ ma nɔ, hale dɛ kɔkɔbo kwaraa teehno waa, wɛɛ taɡɔ ɡo.”

Nehemia 8:2

Anomanta, korobie la tɔpeloɡle ta, sɔfo Ɛsra kpɔ Mmara Tɔn la, dɛ ba che baala ne haahna, dɛ bechale baa kpeɡa dɛ won waa mun noe sie.

Nehemia 9:3

Ba cheɡɛ bela baa cheɡa, dɛ he bɔne tɔpebir bini bɔre anaarɛ naa, ba kpɔ bɔrbeŋkpoŋ kure Korowii baa dɛ tomɔ Mmara Tɔn la bini waa baɡ ba. Asɛ dɛ kpɔ bɔrbeŋkpoŋ ɡe bol ba wechɔɡa, asɛ dɛ tomɛ Korowii baa dɛ tomɔ la.

Aesaya 34:16

Hé nyiŋi Korowii tɔn bini dɛ́ kure na. Kwaa nɔ bɛlbwa toole dɛ́ nyoɡre, bɛlbwa aa belaa do waa wola o cheerii dɔ. Korowiirii bola ŋɔ á ɛ ɡɛ, o Doma la ɛɛ ba a ne Edom harɛ taa.

Jeremia 48:1

Koranar Bwa Kooro, Israel tena aa dɛ tomɔ bol Moab harɛ wa men Jeremia be ŋɔ, “Nɛbo tena, hé bwɛɛlɛ, dɛkalkɛ he bwɛɛ la dɛ ba chɔɡa. Dɔma yo Kiriataim tena dɛ pɔ ba nɛ, o danjwɛkpeɡ baa maa baro kuuɡo, asɛ sihiih kpo ba.

Emɔs 1:13

Korowii ŋɔ, “Amɔn tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba yo laa dɛɛ nyin ba harɛ do kan, anomanta, ba kpoo Gelead tekpoŋra, dɛ ya ba teene.

Nɛra Kura 22:5

tomɛ toroma ba ka kpɔ Beɔ bibaa Balam. Dɛ o lɔ bwɛɛ bɛl baa dɛ yerɔ Pɛtɔ, o bɛne Yufretis Moo nyoa. Kooro Balak ŋɔ, “Nɛra bane warɔ pirim dɛ le Ijipt harɛ ta, dɛ ba su bɔr bwa dɛɛ ba dɛ́ ba lɛ n harɛ.

Amanesoma Luk Aa Chwera Tɔn 10:26

Anee Yeesu chaŋo ŋɔ, “Ɛrɛɛ Korowii Tɔn la baɡle ɔ? Ɛrɛɛ hɛɛ no a mun ɔ?”

We-ɛɛla 13:15

Baa soɡe bela la, nɛra bane kure waane le Mosis Mmara Tɔn bini ne Korowii Keamere Tɔn bini, asɛ nomonome baa dɛ nyiŋi cheremi dea la bini waa ta la ŋɔ Pɔɔlwa be ŋɔ, “Yabala, dɛ he dɔ waane dɛ́ bol dɛ́ ja yaa aa, ŋwɛnɛ chɔ le.”

We-ɛɛla 15:21

dɛkalkɛŋɔ Mosis Mmara nɔ yaa baɡle a waa nɔ, bwɛɛre bɛlbwa taa nɛra baa dɛ baɡla la do. Ona Tɔpere te bɛlbwa taa baa kure Mosis Mmara waa nɔ cheremi deene ta, dɛ le saŋ la bwa ba le fini.”