Nehemia 12:43 - mzwDBL

⁴³ Awola tɔpere la, ba kpoo kwaa warɛ ɛ sarahare, dɛɛ hɛɡre, dɛkalkɛŋɔ Korowii ɡelɔ ba dɔ silɛɛ kohona. Haahna ne bechale ɡe sie lɛo, nɛra la silɛɛ ɡbɔɡa ɛɛ la bojaŋa bwa.

Nehemia 12:43 Iomraidhean Croise

2 Webena 20:13

Dɛ Juda harɛ ta baala ne ba haahna ne bii bwa cheɡɛ Korowii Dea la sie.

2 Webena 20:27

Ate, Kooro Jehosafat tɔ o laa tena sie, asɛ ba berɛ ba Jerusalam silɛɛ ne, dɛkalkɛ Korowii ɡelɔ ba pɔ ba dɔma nɛ.

2 Webena 7:10

Tɔ aa pera la, korobie anuanɛ la tɔpera fifraanɛ dɛ atoro wee la, Kooro Solomɔn tɛ bɛlbwa ŋwɛnɛ o kaa o bwɛ. Ba sie lɛ andɛɛɡa Korowii aa sweera tɛ o nɛra Israel tena, ne Kooro Devid dɛ Solomɔn la wa.

Ɛsra 3:13

Nomɛlbwa aa won jemɛ banɔ la baa dɛ wi, ne banɔ la baa sie aa lɛa kpa, dɛkalkɛŋɔ dɛ ɡbɔɡa aa lɔ bela kan kohona dɛɛ la bojaŋ.

Nehemia 12:27

Baa dɛ ba bwɛjen Jerusalam danjwɛɛ baa maa baro kpɔe dɛ́ do Korowii nɔn ta la, ba yerɛ Lewi dea tena le bobɛlbwa baa soɡa ba. Asɛ ba ba ja, dɛ ɡo jam yela, dɛ kpɔ kwaa bwa soo siwi baa kpɔa dɛɛ hɛlɛ lɔ yela lɛ ba sie.

Nehemia 12:42

Asɛ Maaseya ne Sɛmaya ne Eliasa, ne Usi ne Jehohanan ne Malkija, ne Elam dɛ Esa teŋɛ ba nɛ. Asɛ Jesrahia tɔ yelɡoola la sie, ba kpɔ takpeɡ dɛɛ ɡo yela.

Job Tɔn 34:29

Kɛ dɛ Korowii helɔ aa, umee dɛ won pwaoh wɔ? O kpɔ sie sɔh aa, umee dɛ nao wɔ? Kɛ o dɛ nyiŋi nɛmbeŋkpoŋ ne nɛra baa lɔ harɛ nɔ ta bwa kɛrɛdɛ,

Yela 27:6

Anee dɛ́ ɡel n baŋa pa, n dɔma baa bar mɛ cheme la nɛ. Mɛɛ kpoo kwaa ɛ sarahare tɛɛ he Dea bela silɛɛ lɔŋɔre ne, dɛ́ ɡo yela kpɛɛre.

Yela 28:7

Korowiirii dɛɛ tɔ mɛ ɡbemɡbe dɛ ɛ n Kpeɡnɛn, o nɛɛ n kpɔ n te dawɛ, wɛɛ cha mɛ. N dɛ hɛɡre n bambile bini, mɛɛ ɡo silɛɛ yelaa kpɛɛro.

Yela 9:2

He nomanta, mɛɛ ɡo silɛɛ yelaa, dɛ́ hɛɡre. Nemenɛ Korowii, mɛɛ kpɛɛ he sɔnee yela ne.

Yela 92:4

He nyokpowe-ɛɛla ɡelɔ n sie ɛɛ lɛ, n dɛ ɡo silɛɛ yela a wa.

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Jeremia 31:13

Belaa toli ɛɛ ba sae ba sie lɛ, ásɛ bonɔɔna ne banjeni bwa ɛɛ hɛɡre. Mɛɛ larawe ba bwaraa, dɛ́ ɡel ba wii ber ba silɛɛ, ásɛ ba dɔ hɛɡra kohona le ba suna dii ta.

Jeremia 33:11

silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”

Nɛra Kura 10:10

Ba sie baa lɛ ba benanyoa ne Korobifala Tɔpejena baa lea cheɡ dɛɛ dia ta naa, bá hoah bela baa kpɔ saraha kwaa baa dɛ fuah, ne deŋnesɔɔhna saraha dɛɛ ba la, ásɛ a chɔ le dɛɛ lii ba n wa. Menee Korowii baa dɛ tom mɛ la.”

Matiu 21:15

Sɔfonomonome ne Tɔnjerema la aa na wejena waa dɛ ɛ la ne ɡɛ bechale la aa dɛ si ŋɔ, “Woowo! Devid Naa hen” la, ba baah di o nɛ.

Matiu 21:9

Nɛra baa tɔ o sie la ne banɔ la baa teŋɛ o nɛɛ la bwa pɛ nyoa dɛɛ tɛo jirima ŋɔ, “Woowo! Devid Naa nɔ! Korowii swee naate waa valɛ o sɔn ta dɛɛ ba nɔ andɛɛɡa. Ya dɛ jam Korowii waa lɔ nyundujaɡla la!”

Amanesoma Jɔn Aa Chwera Tɔn 16:22

Gɛɛ a do he ɡe be. Taraken te, he tea bini chɔɡɔ, kɛ maa berɛ ba na heyaa la taa he sie ɛɛ ba lɛɛ kohona. Gɛ silɛɛ la, nomɛlbwa aa won lɛ he be.

Ɛfesos 5:19

ásɛ dɛ ɡel o wobol ne o yela do he bambile bini he bola dɛ́ɛ tɛ dɔŋa, dɛ́ɛ ɡo yela aa dɛ baɡle o waa la ne anɔ la aa dɛ kpɛɛro. Hé kpɔ silɛɛ dɛ́ɛ kpɛɛ he Dɔɔ he bambile bwa ne,

Jems 5:13

Dɛ sibeɡrewaane pu bɛlbwa naa, wɛ́ɛ soŋe Korowii. Dɛ silɛɛ waane ɡe pui naa, ɡo yela dɛ́ kpɛɛ Korowii.

1 Samoɛl 4:5

Korowii Ne Nɛwɛnyina Fɔo Daka la aa ba bela baa baŋre ba tɛnte deene la, Israel tena la bwa moolo kohona silɛɛ ne, asɛ harɛ jiɡri.