Nehemia 12:31 - mzwDBL

³¹ Ate, men Nehemia yerɛ Juda nomonome la cheme danjwɛɛ waa bar bwɛjen la doa, dɛ ɡel ba chɔ yelɡoola kuore anɛ aa kana nyoa ŋɔ, bá valɛ bar bwɛjen la, dɛ́ ɡo yela jam Korowii. Kuo beŋkpoŋ tɔ sie kpɔ sie chaɡɛ danjwɛɛ la diɡ pera, dɛ kaa Puldoa Doonyoa la ta.

Nehemia 12:31 Iomraidhean Croise

1 Webena 13:1

Kooro Devid ne o laa sitɔɔla baa chɔ laa tena kaɡboŋa ne lafare nyoo chemo dɛ kpɔ liire.

1 Webena 28:1

Kooro Devid yerɛ Israel nomonome la bwa cheme Jerusalam. Nomonome baa chɔ Israel deene nyoo ne nomonome baa chɔ kooro tomare nyoo, ne sitɔɔla baa chɔ laa tena kaɡboŋa ne lafare nyoo, ne nomonome baa chɔ kooro bibaala ne o laala ne kondɛɛre nyoo, ne koodem nomonome dɛ banyoola bwa.

2 Webena 5:2

Ate, Kooro Solomɔn yerɛ Israel nomonome, ne nomonome baa chɔ ba deene nyoo, ne nomonome baa chɔ ba lolanar nyoo bwa ba cheme o sie Jerusalam, kɛŋɔ bá la ka kpɔ Korowii Ne Nɛwɛnyina Fɔo Daka la le Saayɔn, Kooro Devid Bwɛjen ta, ba cheɡ Korowii Dea.

Nehemia 12:32

Asɛ Hosaya ne Juda nomonome pera ɡe teŋɛ ba nɛ.

Nehemia 12:38

Kuo nɛɛte baa ɡo yela jam Korowii la kpɔ ɡal pera, dɛ kpɔ danjwɛɛ la doa, asɛ n ne nomonome la bini bane teŋɛ ba nɛ. Ya valɔ dɛ ka ɡarɛ Fononoore Dejaŋ dɛ kaa Danjwɛpaɡ la ta,

Nehemia 12:40

Kuore anɛ baa ɡo yela jam Korowii la bwa kaa che ba chebɔra Korowii Dea bela, asɛ n ɡe ka che, n ne nomonome baa ja n nɛɛ la bwa,

Nehemia 2:13

Asɛ n kpɔ Fɛlembɔjen Doonyoa ta awola jwaana, dɛ kpɔ bobɛl baa dɛ yerɔ Kalampoŋa Kɔlɔŋ ne Puldoa Doonyoa dɛɛ nyiŋi Jerusalam danjwɛjena baa kuuɡa, ne ɡɛ baa fuh o doonyoone bwa la.