Nehemia 12:30 - mzwDBL

³⁰ Sɔfore la ne Lewi dea tena la ɛ we-ɛɛla, dɛ laa doŋa bɛlbwa kpɔ ba nɛɛ Korowii be pera, ne nɛra la ne doonyoo, dɛ danjwɛɛ waa bar bwɛjen la bwa ta.

Nehemia 12:30 Iomraidhean Croise

Mumpar 35:2

Anomanta, Jekɔb ŋɔ o haahna ne o bii ne nɛra baa ja o nɛɛ la be ŋɔ, “Hé kpɔ harɛfala voɡa haa dɔa la bwa ta, dɛ́ sɔ he doŋa bɛlbwa ta, dɛ́ charɛ he laala.

1 Webena 15:14

Anomanta, sɔfore la ne Lewi dea tena la sɔ ba doŋa bɛlbwa ta Korowii be pera, dɛ ka kpɔ Korowii Israel tena aa dɛ tomɔ, Ne Nɛwɛnyina Fɔo Daka la ba.

2 Webena 29:34

Dɛ sɔfore la ta warɛ, dɛ́ won swe ola baa kpoora dɛ́ fuah ɛ saraha la, anomanta, ba bala Lewi dea tena la cha ba dɛ swea tonɛ. Gɛ saŋ dɛ sɔfore baa dɔ bɔr dɛ laa doŋa bɛlbwa kpɔ ba nɛɛ dɛ́ do ɡoroŋ warɔ. Dɛ Lewi dea tena la waa dɔ kasinteŋ doŋa laa dɛ kpɔ ba nɛɛ dɛ do ɡoroŋ dɛ ɡwaa sɔfore la kwara.

2 Webena 29:5

dɛ ŋɔ, “Hé Lewi dea tena hé no! Hé tɔ sie le he te cheɡ tɛ Korowii, dɛ́ laa doŋa bɛlbwa kpɔ he nɛɛ dɛ́ do ɡoroŋ, dɛ́ laa doŋa bɛlbwa kpɔ Korowii ya naawa aa tomɔ Dea nɔ ta. Hé laa komɛlbwa aa ɡela o kah doŋa kpɔ o bini.

Ɛsra 6:21

Anomanta, Israel tena baa le bojaŋ harɛ ta dɛ ba la, ne nɛra baa pere ba te le waa nɛra baa wola Korowii tomɛ aa dɛ ɛa nɛɛ, dɛ so harɛ la ta bwa pɛo, dɛ ba tomɛ Korowii Israel tena aa dɛ tomɔ, dɛ di Galekaa Tɔpejen kondikwaa la.

Nehemia 12:29

ne Bɛt Gelɡal ne Geba dɛ Asmavɛt, dɛkalkɛ dɛ yelɡoola la ma ba deene dɛ so bar Jerusalam.

Nehemia 13:22

Asɛ n ŋɔ Lewi dea tena la be ŋɔ, bá sɔ ba doŋa bwa ta Korowii be pera, dɛ́ kaa daah doonyoa la, ɡɛ aa ɛ ásɛ ba di Ona Tɔpere la, o do ɡoroŋ. N Naa Korowii, lii n waa anɔ ɡe ta ja, dɛ́ sune n nɛɛ ɡɛ he nyina kohona aa doa la.

Nehemia 13:30

Anomanta, n sɔ sɔfore ne Lewi dea tena la doŋa bɛlbwa ta Korowii be pera le wobɛlbwa aa ɛ wehɔɔhra ta, asɛ dɛ kpɔ bɛlbwa toma do o nɔn ta, asɛ bɛlbwa jemɛ waa waa dɛɛ ɛ.

Job Tɔn 1:5

Ba di kondikonjena la dɛ bar chiɡ tonaa, ba mɛɛ Job yon ir chɔɔ, dɛ kpo kon ɛ saraha soŋe ba wechɔɡa Korowii be, bɛlbwa nyu ta. O yon lii ŋɔ, “N bii nɔ ken ɛ wechɔɡa, dɛ jo Korowii nɛɛ ba ta jemɛ.” Dɛ waa Job aa dɛ ɛ saŋ bɛlbwa laanee la.

Kaala 19:10

Anee Korowii ŋɔ Mosis be ŋɔ, “La nɛra la be dɛ́ ka ŋɔ ba le fini ne kere dɛ́ sɔ ba doŋa bwa ta, dɛ́ do ɡoroŋ n be pera. Bá chɛɡɛ ba laala,

Kaala 19:15

Asɛ o ŋɔ nɛra la be ŋɔ, “Hé kpɔ he te dɛɛ kpa tɔpetooro wee la. Bɛlbwa ɛɛ berɛ haah chɔe.”

Hibru 5:1

Sɔfonomoa bɛlbwa waa dɛ ɛ toma Korowii Dea la, o dɔŋa nɛwɛnyini binii ba yon leo, dɛ kpɔɔ ŋɔ ó ɛ Korowii toma dɛɛ tɛɛ ba, dɛ́ kpɔ jam kwaa dɛɛ tɛ Korowii, dɛ́ kpo kondɛɛra dɛ́ fuah dɛɛ tɛo ba wechɔɡa wa.

Hibru 5:3

Gɛ o yon kpo kwaa ɛ saraha dɛɛ tɛ nɛra ba wechɔɡa waa la, ɡɛɛ wɛɛ ba ɛɛ dɛɛ tɛ o tenten, dɛkalkɛŋɔ o ɡba ɡe dɛ ɛ wechɔɡa.