Nehemia 12:27 - mzwDBL

²⁷ Baa dɛ ba bwɛjen Jerusalam danjwɛɛ baa maa baro kpɔe dɛ́ do Korowii nɔn ta la, ba yerɛ Lewi dea tena le bobɛlbwa baa soɡa ba. Asɛ ba ba ja, dɛ ɡo jam yela, dɛ kpɔ kwaa bwa soo siwi baa kpɔa dɛɛ hɛlɛ lɔ yela lɛ ba sie.

Nehemia 12:27 Iomraidhean Croise

2 Samoɛl 6:12

Kooro Devid baa no kɛŋɔ Korowii swee Ɔbɛd Edom ne o dem tena, dɛ komɛlbwa waa dɔa andɛɛɡa Korowii Ne Nɛwɛnyina Fɔo Daka la wa. Anomanta, o ne Israel tena bane la Ɔbɛd Edom dem silɛɛ ne, dɛ ka kpɔ Daka la ba Jerusalam waa ɛ Devid Bwɛjen la ta.

1 Koranar 8:63

Kooro Solomɔn kpɔ nae kaɡboŋa fifraanɛ dɛ anɛ, ne peera dɛ boohna kaɡboŋa lafa fifraanɛ ɛ deŋnesɔɔhna sarahare tɛ Korowii. Gɛɛ Kooro Solomɔn ne Israel tena bwa ɛ dɛ kpɔ Dea la do Korowii nɔn ta.

1 Webena 13:8

Dɛ Kooro Devid ne Israel tena la bwa dɛ lɛ ba sie. Ba ɡo yela silɛɛ ne kohona, dɛɛ lɔ janjela ne kalipere, ne kwaa anɛ ane baa kpɔ ayaawa ɛa dɛɛ hɛlɛ, dɛɛ yiiɡi loŋa ɡe Korowii sie.

1 Webena 15:12

Dɛ ŋɔ Lewi dea tena la be ŋɔ, “Heyaa ɛ nomonnyuune, dɛ chɔ Lewi deene nyoo, hé ne he bala Lewi dea tena chɛ kɛ he sɔ he doŋa bɛlbwa ta Korowii be pera, ásɛ dɛ won ka kpɔ Korowii ya Israel tena aa dɛ tomɔ, Ne Nɛwɛnyina Fɔo Daka la ba cheɡ bɔr maa kwaara tɛ ŋɔ ó ba che la.

1 Webena 15:16

Kooro Devid ŋɔ Lewi dea nomonome la be ŋɔ, bá le ba bini bane, bá ɡo silɛɛ yela dɛɛ lɔ janjelare, ne kwaa anɛ ane baa kpɔ ayaawa ɛa dɛɛ hɛlɛ.

1 Webena 15:28

Gɛɛ Israel tena bwa kpɔ silɛɛ lɔŋɔre teŋɛ Korowii Ne Nɛwɛnyina Fɔo Daka la nɛɛ ba Jerusalam. Dɛɛ hoh pebal nyeɡle bɛle, ne bɛle tenten ne kwaa anɛ ane baa kpɔ ayaawa ɛa dɛɛ hɛlɛ, dɛ janjelare dɛɛ lɔ yela.

1 Webena 15:4

O berɔ yerɛ Arɔn naanar ne Lewi dea tena naanar bwa ɡe ja.

1 Webena 16:42

Heman ne Jedutun chɔ bɛle hoeh ne kwaa anɛ ane baa kpɔ ayaawa ɛa dɛɛ hɛlɛ, dɛ anɔ la aa jaa ba kpɔ ɡo yela dɛɛ kpɛɛ Korowii la nyoa. Jedutun bibaala la te, doonyoa belaa ba ɡel ba so dɛɛ daah bela.

1 Webena 16:5

Asaf ɛ ba nyu te, Sekaria teŋɛ, ne Jeyɛl ne Sɛmeramɔt ne Jehiel ne Matitia, ne Eliab ne Bɛnaya ne Ɔbɛd Edom, dɛ Jeyɛl ɡe ja. Banee dɛɛ lɔ janjela ne anɔ la baa kpɔa dɛɛ hɛlɛ bwa. Asaf ɡee dɛɛ lɔ kwaa anɛ ane baa kpɔ ayaawa ɛa dɛɛ hɛlɛ,

1 Webena 23:5

Ba bini kaɡboŋa banaarɛ ɛɛ daah doonyoo la, ásɛ kaɡboŋa banaarɛ ɡe kpɔ kwaa baa dɛ hɛlɛ ane ɡo yela dɛɛ kpɛɛ Korowii. N nyin a bwa, bá kpɔ ɛ toma nɔ.”

1 Webena 26:31

Hɛbrɔn naanar bini la, dɛ Jɛrea ɛ ba nyu te, ɡɛ baa chwerɛ ba sɔna denaa ta ba teŋɛ dɔŋa nɛ. Kooro Devid aa di kora bene fifraanaarɛ ta la, ba nyiŋi tɔne bini, dɛ na kɛŋɔ ba bini laa tena baa kpeɡa bane soɡe Jasa waa lɔ Gelead harɛ ta.

2 Webena 29:25

Kooro Hɛsɛkea ɡelɔ Lewi dea tena la do Korowii Dea bela, dɛ kpoŋe kwaa bwa soo siwi baa kpɔa dɛɛ hɛlɛ, ɡɛ Kooro Devid ne Gad waa dɛ na chaahna, dɛ Korowii keame Netan aa baɡla la. Korowiirii cheɡɛ o keamere nɛɛ dɛ do ba.

2 Webena 29:30

Kooro Hɛsɛkea ne o nomonome ŋɔ Lewi dea tena be ŋɔ, bá kpɔ yela Kooro Devid ne o keame Asaf waa dɛ na chaahna aa chwera la kpɛɛ Korowii. Anomanta, ba ɡo kpɛɛra yela silɛɛ ne, dɛ ɡuŋi tomɛ Korowii.

2 Webena 5:13

Bɛlhoohla la ne yelɡoola la bwa pɛo, dɛ kpɔ tabeŋkpoŋ ɡo yela kpɛɛ dɛɛ jam Korowii. Asɛ bɛlhoohla ne nɛra baa dɛ lɔ kwaa anɛ ane baa kpɔ ayaawa ɛa dɛɛ hɛlɛ, dɛ kwaa bwa soo siwi ɡe kpɔ ɡo yela kpɛɛ Korowii ŋɔ, “Korowii wer, o nyina waa dɛ nyin yaa lole saŋ bɛlbwa dɛɛ la.” Ate, bam ba tɔ Korowii Dea la ta ɡɛ saŋ sɔfore la aa dɛ le bela la.

2 Webena 7:6

Baa taa kpɔ Dea la dɛɛ do Korowii nɔn ta la, sɔfore kaa che ba chebɔr, Lewi dea tena ka che ba chebɔr, dɛ kpɔ kwaa baa kpɔa dɛɛ hɛlɛ Kooro Devid aa kpɔa tɛ la, dɛ ɡo kpɛɛra yela dɛɛ kpɛɛ Korowii ŋɔ, “O nyina waa dɛ nyin yaa lole saŋ bɛlbwa dɛɛ la.” Gɛ Kooro Devid aa do ba la. Sɔfore la sie chaɡɛ Lewi dea tena dɛɛ hoh bɛle, asɛ nɛra la kabora ɡe che.

Ɛsra 6:16

Belaa Israel tena bwa, sɔfore ne Lewi dea tena, dɛ nɛra baa kaa dɛ le bojaŋ harɛ, dɛ berɛ ba la bwa kpɔ silɛɛ kohona, dɛ kpɔ Dea la do Korowii nɔn ta.

Nehemia 11:20

Israel tena baa kaa la ne sɔfore dɛ Lewi dea tena, soɡe ba ɡbaɡba bwɛɛre aa lɔ Juda harɛ ta.

Nehemia 12:43

Awola tɔpere la, ba kpoo kwaa warɛ ɛ sarahare, dɛɛ hɛɡre, dɛkalkɛŋɔ Korowii ɡelɔ ba dɔ silɛɛ kohona. Haahna ne bechale ɡe sie lɛo, nɛra la silɛɛ ɡbɔɡa ɛɛ la bojaŋa bwa.

Nehemia 8:17

Nɛra baa laɡ ba laa ta kaa bojaŋ harɛ ta la bwa berɔ ba, dɛ ba do kukure, dɛ so a bini, dɛ di Kukure Tɔpejen la. Dɛ le Nun bibaa Josua bere saŋ ba ɡɛ tɔpere la ta la, Israel tena ta Tɔpejen nɔ ken dii bwa. Ba sie lɛo kohona.

Yela 149:3

Hé ɡo yela kpɛɛro dɛɛ sa, hé lɔ ɡboŋri ne janjela kpɛɛro.

Yela 30:1

N Naa Korowii, mɛɛ kpɛɛree, dɛkalkɛ he lɛɛ mɛ, he ta ɡelɛ n dɔma mam mɛ.

Mmarare 16:11

Hé ne he bii, ne he bonɔɔna, ne toli ne Lewi dea tena, ne hɔɔhra ne bilalbii, dɛ luhaahna baa lɔ he bwɛɛre la ta bwa pɛ, dɛ́ lɛ sie bela Korowii aa lea tɛ heyaa ŋɔ hɛɛ tomɔ la.

Mmarare 20:5

Ásɛ laa sitɔɔla la ŋɔ laa tena la be ŋɔ, ‘Dɛ bɛlbwa do demfale o ta on pile dɛ ka so o ta mɔɔ naa, ó berɛ kaa dem. Dɛ ɡɛ laa o kaa ka laa la ta naa, nɛnfalee dɛ́ pili dea la, dɛ́ so o ta.

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.

Wepila 5:8

Waa lɛ tɔn la, hweera kwaa anaarɛ la ne nomonome fifraanɛ dɛ banaarɛ la, ɡuŋi Pebie la sie dɛɛ duuru. Bɛlbwa ne o janjela ne o suuɡaswɛm loɡ, asɛ daawiile baa dɛ fuah a sɔɔh do som la do ba loɡa la bini. Konsɔɔhsoma la cheɡɔ tɛ Korowii nɛra ba wa aa toɡra wesoŋa.