Nehemia 10:36 - mzwDBL

³⁶ Yaa kpɔ ya bibanloɡla ne nae biloɡla, ne ya boohna ne peera biloɡlaa ba Korowii yaa dɛ tomɔ la Dea ba tɛ sɔfore baa dɛ ɛ toma bela la, ɡɛ baa chwera do Korowii Mmara Tɔn bini la.

Nehemia 10:36 Iomraidhean Croise

2 Webena 31:5

Baa no waa kooro aa bola la, Israel tena la le ba bambile ta, dɛ kpɔ ba kooni kondikonloɡla kɛŋɔ mea ne senfala, ne ɔleve noo ne tooh dɛ kondikwa bɛlbwa baa dɔa dɛ le kooni ta, ba tɛ Korowii toma. Kwaa baa ba a ne warɔ kɛrɛdɛ. Nomɛlbwa bɔne komɛlbwa waa dɔa bini bɔre fi, dɛ́ kpɔ bɔrbeŋkpoŋ ba.

Nehemia 12:44

Gɛ saŋ la, ba le baala bane baa nyiŋi deene baa lɛ kwaa dɛ kpɔ baa cheɡ a bini Korowii Dea la ta. Kondikonloɡla ne kwaa baa bɔne a bini bɔre fi, dɛ kpɔ a bini bɔrbeŋkpoŋa dɛɛ ba ne. Ba lɛa le kooni aa bar bwɛɛre ta ba cheɡ deene la bini, ɡɛ Mmara aa chaɡla kɛŋɔ, anee chɛ sɔfore ne Lewi dea tena la. Dɛkalkɛ, dɛ Juda tena bwa sie lɛ ba ne Lewi dea tena la nɛ.

Nehemia 13:5

Asɛ Eliasib kpɔ dejen ba fa aa dɛ cheɡ mea baa kpɔa ba ɛ saraha ne daawiile, ne laala bwa soo siwi aa lɔ Korowii Dea, ne mea baa bɔne a bini bɔre fi bini bɔrbeŋkpoŋa, ne senfala dɛ ɔleve noo aa chɛ kɛ ba kpɔ tɛ Lewi dea tena, ne Korowii Dea yelɡoola dɛ nɛra baa dɛ nyiŋi doonyoo ta, dɛ anɔ la baa kpɔ tɛ sɔfore bwa, do Tobia nɔn ta.

Kaala 13:2

“Le bibanloɡle bɛlbwa cheɡ tɛ mɛ ó ɛ n kon. Israel te bibanloɡle bɛlbwa ne kondɛɛre bɛlbwa ɡe biloɡle ombal bwa ɛ n kwa.”

Kaala 23:19

Hé kpɔ he koo kondikonloɡla ba men Korowii haa dɛ tom mɛ la Dea. He bɛ bombie daa o nya elnee ne.

Kaala 34:19

Bibanloɡle ne kondɛɛre bɛlbwa ombal waa ɛ biloɡle ɛ n kon.

Malakae 3:10

Kwaa haa bɔne a bini bɔre fi la, hé kpɔ bɔrbeŋkpoŋ ba tɛ men Korowii n Dea, ásɛ kondikwaa warɛ n Dea bela. Hé daah mɛ ɡɛ waa nɔ ta dɛ́ na, ásɛ n ɡel bwaala nɛ kohona, dɛ́ swee heyaa andɛɛɡa, dɛ́ ɡel kondikwaa warɛ he deremi kohona.

Nɛra Kura 3:13

N kpɔ Lewi dea tena le Israel tena bini, dɛ kpɔ chiɡ Israel bibanloɡle naa ta, ba ɛ n kwa. Menee Korowii.”

Galaasia 6:6

Nomɛlbwa baa dɛ baɡlo Yeesu Kristo waa nɔ la, kondɛɛɡe bɛlbwa haa dɔ la, tɛ naate waa dɛ baɡle la.

Mmarare 12:6

Belaa chɛ kɛŋɔ hé kpɔ saraha kwaa haa fuh ne anɔ la haa kpoo tɛo, ne komɛlbwa haa dɔa bɔre fi bini bɔrbeŋkpoŋ ne he koŋkɛɛla ne deŋnesɔɔhna sarahare, ne he ɡbaɡba bambile bini kwa, ne he nae dɛ peera biloɡla dɛɛ la kaa tɛo.