Nehemia 10:34 - mzwDBL

³⁴ Ya sɔfore ne Lewi dea tena ne nɛra la bwa ta bie, dɛ́ jemɛ dem bɛlbwa tena baa kpɔ damara ba Korowii yaa dɛ tomɔ Dea benanyoa bɛlbwa, bá kpɔ fuh sarahare kwaa la Korowii saraha kon la ta, ɡɛ baa chwera do Korowii Mmara Tɔn bini la.

Nehemia 10:34 Iomraidhean Croise

1 Webena 24:5

Ba ta bɛl nyine dɛ ɡwaa o dɔŋ dɛ bil daa, dɛ nomonome baa nyiŋi Korowii Dea bela lole, asɛ sɔfore ɡe do le, bane ɛ Eliasa naanar bane ɡe ɛ Itama naanar.

1 Webena 24:7

Loɡle kon lawɛ Jehoiarib, nɛɛte ɛ Jedaya,

2 Webena 2:3

Kooro Solomɔn kpɔ kala tɛ Taaya Kooro Hiram ŋɔ, “Tɛ mɛ peleme daa ɡɛ haa tɛ n mɛɛ Kooro Devid o do koodem la.

Ɛsra 3:5

A habɔɔ la, ba kpɔ kwaa baa fuah dɛɛ ɛ sarahare tɔpere bɛlbwa kɛŋɔ Korobifale ne saraha kwaa baa lea cheɡ tɔpejena aa do ɡoroŋ tɛ Korowii la ne, dɛ anɔ la aa le nɛra bambile ta, ba kpɔ ba ɛ sarahare tɛ Korowii la.

Nehemia 11:1

Aa ba dɛ la sie tama la, harɛ la ta nomonome baa so Jerusalam, asɛ nɛra la kabora bil daa, dɛ le dembeŋkpoŋ nɛra le deremi fi bɛlbwa bini, ba ba so Jerusalam bwɛjen waa do ɡoroŋ la ta, asɛ banuanaarɛ kar la ɡe ka so ba bwɛɛre ta.

Nehemia 13:31

N baɡle saŋ aa chɛ kɛŋɔ bá kpɔ daa baa kpɔ dɛɛ fuh saraha kwaa ne ba koo kondikonloɡla dɛɛ ba. N Naa Korowii maa dɛ tomɛ, lii n wa, dɛ́ sune n nɛ.

Sɛɡla 18:18

Waa lɔ nɛra banɛ ba waa aa kpeɡa baah ta naa, Korowii siee ba kpɔ dɛɛ bil wɛɛ baɡle a kasinteŋ.

Aesaya 40:16

Daa aa lɔ Lɛbanɔn kɔr bini aa kanɛ dɛ won fuh jam kwaa Korowii saraha kon ta, n baa bol ola aa lɔ o ta ba kpoora dɛ fuh dɛɛ tɛo wa.

Lewi Dea Tena 24:5

Kpɔ men aa kpera kɛrɛdɛ ɛ paanoo fi dɛ anɛ. Kuruware anɛɛ chɛ kɛ hé kpɔ ɛ paanoo la beŋkpoŋ bɛlbwa.

Lewi Dea Tena 24:6

Kpɔ paanoo la bil teebur waa cheɡɛ Korowii sie ba kpɔ suuɡaswɛm tenten ɛo la ta. A chɛ kɛ hé bila bɔre anɛ, anumɛl teŋɛ dɔŋa nɛ do baŋ bɛl, ásɛ anumɛl ɡe do baŋ bɛl ɡɛ tenten.

Nɛra Kura 28:2

ó bol Israel tena la be ŋɔ, “Hé kpɔ mea aa chɛ kɛ hé kpɔ ba ɛ saraha saŋ aa chɛa ta, dɛ́ fuah a sɔɔh do som Korowii be.

We-ɛɛla 1:26

Baa ta bie la, Matayasee dia, asɛ ba kpɔɔ ja Yeesu toroma fi dɛ beŋkpoŋ la nɛ.

Josua 9:27

Le awola tɔpere la ba le fini, ɡɛɛ Gebeɔn tena ɛɛ teŋni daa, dɛ che nee dɛɛ tɛ Israel tena, dɛ kpɔ ane dɛɛ la saraha kon la ta bobɛlbwa Korowii aa baɡ ba.