Nehemia 1:9 - mzwDBL

⁹ kɛ dɛ he berɔ ba n be dɛ ba teŋɛ waa maa dɛ do heyaa a ta tenaa, hale dɛ ba lawɛ heyaa laa ta kaa bojaŋ harɛ jaɡa kwaraa naa, mɛɛ boa he nyoaa, dɛ́ lawɛ heyaa ba bela maa lea cheɡ ŋɔ baa tom mɛ la.’

Nehemia 1:9 Iomraidhean Croise

1 Koranar 8:48

Dɛ ba berɔ ba he be ba bambile ne ba liire bwa ne dɛ kpɔ sie chaɡɛ harɛ haa kpɔa tɛ ba naawa bwɛjen haa lea cheɡ, asɛ n do he Dea tɛɛ he sɔn ta nɔ naa,

1 Koranar 9:3

Korowii ŋɔ o be ŋɔ, “N no he wesoŋa ne waa haa kpɔa bil n sie la. N le Dea haa doa tɛ mɛ cheɡ dɛ ɡel o do ɡoroŋ tɛ mɛ ŋɔ baa tom mɛ o ta saŋ bɛlbwa dɛɛ la. Mɛɛ ɡeloo n sie ne n bambile do bela mɛɛ daahno saŋ bɛlbwa.

1 Webena 16:35

Hé do lɔŋɔre ŋɔ, “N Naa Korowii yaa dɛ tomɛ, lɛ yaa, henee ya Lɛɛ, berɛ lawɛ yaa le harɛre ta ba. Ásɛ ya kpɔ jam tɛɛ dɛ́ kpɛɛ he sɔn waa do ɡoroŋ la.”

Ɛsra 6:12

Korowii waa le Jerusalam cheɡ ŋɔ nɛra ba bela dɛ́ baa tomɔ la, ó ir kooro kɛɛ harɛ bɛlbwa nɛra baa vɛh waa nɔ ta teŋa, kɛɛ dɛ́ ka chɔɡ Korowii Dea nɔ la. Men Koojen Dareɔs, menee do ɡɛ mmara nɔ. Bɛlbwa nyiŋi dɛɛ teŋɛ o ta kɛrɛdɛ.”

Yela 106:47

N Naa Korowii yaa dɛ tomɛ, lɛ yaa dɛ́ berɛ lawɛ yaa le harɛre ta ba, ásɛ ya kpɔ jam tɛɛ dɛ́ kpɛɛ he sɔn waa do ɡoroŋ la.

Yela 107:3

dɛ lawɛ heyaa le harɛfala ta ba le wee leebɔr, dɛ́ ba kaa wee cholibɔr ne weekaŋle nyundua, dɛ́ ba kaa weekaŋle harɛbɔr.

Yela 147:2

Korowii berɔ kwaa ma Jerusalam, dɛ lawɛ Israel tena baa laɡ ba kaa harɛfala ta la ba.

Aesaya 11:12

Wɛɛ ir fraŋkaa harɛre nɛra nɔ bwa na, dɛ́ boa Israel tena baa laɡ ba ka so harɛre ta la nyoa, dɛ́ ɡel Juda tena baa peɡra kaa harɛ nɔ ta bobɛlbwa la bwa ba cheme.

Aesaya 27:12

Awola tɔpere la, Korowii ɛɛ boa o nɛra nyoa le Yufretis Moo, dɛ kaa Ijipt harɛ jwɛh ta, dɛ lɔɔ ba kɛŋɔ mea ken, dɛ́ tɔɔ Israel tena beŋkpoŋa beŋkpoŋa pɛ.

Aesaya 56:8

Nemenɛ Korowii waa tɔ Israel tena sie dɛ le ba ne bojaŋ harɛfale ta la ŋɔ, “N ta ɛɛ ba bane ɡe nee, ba ba ja ba nɛ.”

Jeremia 12:15

A habɔɔ, mɛɛ berɔ dɔ tedoma tɛ ɡɛ nɛra nɔ bwa, dɛ́ berɛ ba ba ne ba buɡ ta. Ásɛ bɛlbwa kaa o nɛra bini, ne harɛ waa le o ta.

Jeremia 3:14

Hé berɛ ba, nɛra he waa aa wola kasinteŋ dɔe, dɛkalkɛ he dɔɔree men. Mɛɛ le nɛmbeŋkpoŋii le bwɛɛ bɛlbwa ta, dɛ́ le nɛra banɛ le dea bɛlbwa ta, dɛ́ berɛ ba he ne Saayɔn Bwejen ta.

Jeremia 31:10

Korowii ŋɔ, “Harɛre nɛra, hé no, hɛ́ɛ bol n waa la mpo nyoa bojaŋ harɛre ta. N lɔ n nɛra Israel tena peɡre, kɛ mɛɛ berɔ boa ba nyoa, ásɛ dɛ nyiŋi ba nɛɛ kɛŋɔ peteɡre aa dɛ nyiŋi peera la ken.

Jeremia 32:37

‘N dɛ ba nɛra maa cheɡɛ n bandia kohona ta dɛ lɔ ba peɡre harɛre bwa ta la nyoa boara, mɛɛ berɔ ba ba bwa ne bonɔ, dɛ́ ɡel ba so deŋnesɔɔhna ta.

Jeremia 6:22

Hé nyiŋi na! Laa tena le weekaŋle nyunduabɔr dɛɛ ba, harɛ o nɛra aa kana kpɔ ba te le harɛ jaɡa dɛɛ ba ba yo laa.

Ɛsekeɛl 14:6

Anomanta, ŋɔ Israel tena be ŋɔ, ‘Men Nemenɛ Korowii ŋɔ bá charɛ ba liire le voɡa ne kwaa maa kia baa toma la ta, dɛ́ berɛ ba n be.

Ɛsekeɛl 36:24

Mɛɛ lawɛ heyaa dɛ́ boa he nyoa le harɛre la ta, dɛ́ ba he ne he ɡbaɡba harɛ ta.

Lewi Dea Tena 26:3

Hé dɛ teŋɛ me Mmarare ne waa maa dɛ do heyaa a ta kɛrɛdɛ naa,

Sekaria 8:7

Mɛɛ lɛ n nɛra baa laɡ ba kaa wee leebɔr ne wee cholibɔr harɛre ta laanee.

Matiu 24:31

Nɛra ɛɛ no Korowii bɛla la sii, ásɛ Korowii tomɛ o nyundua toroma bá ba harɛ nɔ ta bobɛlbwa, dɛ́ ka boa o nɛra waa chal ba dɛ lɛɛ ba la bwa nyoa.

Mmarare 12:21

He harɛre la baa do kan asɛ bela haa chema dɛɛ tomɛ Korowii la do jaŋne aa, saŋ bɛlbwa haa dɛ nyin la, hɛɛ wonoo kpoo nae kɛɛ peera Korowii aa tɛ heyaa la, ásɛ dɛ chwe ola la he deremi ɡɛ maa ŋɔ he be la.

Mmarare 12:5

Korowii haa dɛ tomɔ nɔɔ dɛɛ ba he deene la bwa baɡla harɛ la ta, bela waa dɛ nyin kɛŋɔ he bwa kaa cheme dɛɛ tomɔ.

Mmarare 30:1

Mosis ŋɔ Israel tena be ja ŋɔ, “N tɛ heyaa webele anɛ, ɡɛ haa ɛ dɛ́ na som, ne waa aa ba taahna ne he nɛ. Dɛ anɔ bwa baa chiɡ asɛ Korowii lɔ heyaa peɡre harɛre ta naa, belaa hɛɛ ba webele anɛ maa kpɔa tɛ heyaa la liira.